مىندەتتەر ءمىنسىز اتقارىلۋى ءتيىس

ۇستىمىزدەگى جىلدىڭ 31 قاڭتارىندا مەملەكەت باسشىسى قازاقستان حالقىنا جىل سايىنعى جولداۋىن جاريالادى جانە سول ارقىلى ەكو­نو­مي­كالىق ءوسۋدىڭ جاڭا مو­دەلىن قۇرۋدى كوزدەيتىن قازاقستاننىڭ ءۇشىنشى جاڭ­عىرۋىن ىسكە اسىرۋدى قامتا­ماسىز ەتۋ مىندەتىن قويدى. ۇكىمەتتىڭ قارجى-ەكو­نو­مي­كالىق بولىگى ءۇشىن اتالعان ءمىن­دەتتى شەشۋدىڭ بىردەن-ءبىر جولى, بيۋدجەت قاراجاتىنىڭ پاي­دا­لا­نى­لۋىنا ساراپتاما ءجۇر­گىزۋ, ءاسى­رەسە, الەۋمەتتىك سەكتوردا بيۋد­جەت شىعىستارىنىڭ تيىمدىلىگىن ارتتىرۋ جانە قۇرىلىمدىق رەفور­مالاردى قولداۋ ماق­ساتىندا, بيۋدجەتتىك سايا­سات­تى قايتا قاراۋ بولىپ تابىلادى. مەملەكەت باسشى­سى­نىڭ تاپسىرمالارىن ورىنداۋ ماق­ساتىندا ەسەپ كومي­تەتى مەن ۇكى­مەت ءتيىمدى ەمەس باع­­دار­­لا­ما­لاردى انىق­تاۋ جانە اتال­­عان قاراجاتتى ءتيىم­دى جانە ءۇشىنشى جاڭ­­عىرۋدىڭ مىندەت­تەرىن ىسكە اسىرۋدى قامتا­ماسىز ەتەتىن شارالارعا قايتا ءبولۋ بويىنشا جۇمىستار جۇرگىزەتىن بولادى. اتالعان جۇمىستىڭ ناتيجەلەرى 2018-2020 جىلدارعا ارنالعان رەس­پۋب­لي­كا­لىق بيۋدجەت جوباسىندا كورىنىس تاپپاق. جالپى, ەلىمىزدىڭ بيۋدجەتى ترانس­­­پا­­رەنت­­­تىلىك قاعيداسىنا سۇيە­­نە­­تىندىگىن, اشىق جانە ءمىنسىز ەكەن­دىگىن اتاپ ءوتۋ قاجەت. سونىمەن بىرگە, مەملەكەت باس­شى­سى ەكو­نوميكالىق ىنتى­ماق­تاستىق جانە دامۋ ۇيىمىنىڭ ۇكىمەتكە سەنىم ءبىل­دىرۋ, بيۋدجەتتىڭ اشىق­تى­عى­نا ىقپال ەتۋ جانە قابىل­دانعان شەشىمدەردىڭ ءمول­دىر­­لىگىن قام­تاماسىز ەتۋگە قاتىستى ۇسىنىس­تا­رىن ىسك­ە اسىرۋ ارقىلى اتالعان باعىتتا جۇ­مىستى كۇشەيتۋ قاجەتتىلىگىن اتاپ ءوتتى. ازاماتتىق بيۋدجەتتىڭ اق­پا­رات­تىق قۇرامداسىن قوسىمشا كۇشەيتۋ جانە ارتتىرۋ بويىنشا جۇمىس جۇرگىزىلەتىن بولادى. قارجى مينيسترلىگى مەملەكەت باسشىسى بەلگىلەپ بەرگەن ناقتى كورسەت­كىشتەر مەن ماقساتتارى بار 5 باسىم­دىقتار ارقىلى سترا­تە­گيالىق جوسپارلاۋ مەن ەلىمىزدىڭ قارجى رەسۋرستارىن ۇشتاستىرۋدى قامتاماسىز ەتە بەرمەك. وسى ۇشتاستىرۋ الدىڭعى ءۇش­جىل­دىق بيۋدجەتتى قالىپتاستىرۋ شەڭ­بەرىندە جانە بولاشاق پەرس­پەك­تيۆادا دا ۇنەمى باقىلاۋدا تۇرا­تىن بولادى. تاتيانا ساۆەلەۆا, قازاقستان رەسپۋبليكاسى قارجى ۆيتسە-ءمينيسترى