قوعامدىق كەلىسىم – بىرەگەيلىك پەن بىرلىكتىڭ باستاۋى

ەلباسى ۇسىنعان كونس­تي­تۋتسيالىق رەفورما مەن جول­داۋ­داعى مىندەتتەردى ءوڭىر حال­قىنا ناسيحاتتاۋ ماقساتىندا قازاق­ستان رەسپۋبليكاسىنىڭ مەم­لە­كەتتىك حاتشىسى گۇلشارا ءابدى­قالىقوۆا جۇمىس ساپارىمەن جام­بىل وبلىسىندا بولدى. اۋەلى تاراز قالاسىنداعى «دوستىق ءۇيى­نە» كەلىپ, جۇرتشىلىقپەن ءجۇز­دەس­كەن گۇلشارا ناۋشاقىزى ەلەك­ت­ر­وندى «تىلەك اعاشىنا» جام­بىل حالقىنا ارنالعان تىلە­گىن قال­دىردى. سونداي-اق, جام­بىل وبلى­سى قازاقستان حالقى اسسام­بلەيا­سىنىڭ قىزمەتىنە جانە وب­لىس­­تىڭ الەۋمەتتىك-ەكونو­ميكا­لىق دامۋىنا ارنالعان كورمە جۇمى­سىمەن تانىستى. مەملەكەتتىك حاتشى گۇلشارا ءابدى­قالىقوۆانىڭ قاتىسۋىمەن «دوستىق ۇيىندە» «قازاقستاننىڭ ءۇشىنشى جاڭ­عىرۋى – ءوسۋدىڭ جاڭا مودەلى» تاقى­رىبىن­دا جام­بىل وبلىسى قازاق­ستان حالقى اسسام­­بلەياسى جانىنداعى قوعام­دىق كەلىسىم كەڭەسىنىڭ كەڭەيتىل­گەن وتىرىسى ءوتتى. سونىمەن قاتار, كەڭەس وتىرىسىنا قازاق­ستان حال­قى اسسام­بلەياسى توراعا­سى­نىڭ ورىن­باسارى-حاتشىلىق مەڭگە­رۋ­شىسى ەرالى توعجانوۆ, وبلىس اكىمى, ءوڭىر­­لىك اسسامبلەيانىڭ توراعاسى كارىم كوكىرەكباەۆ, تاراز قالاسى مەن اۋدان اكىمدەرى, جامبىل وبلى­­سىنىڭ ەتنو­ما­دەني بىرلەستىك جەتەك­شىلەرى, الماتى قالاسى, ال­ماتى, وڭتۇستىك قازاقستان جانە جامب­ىل وبلىستارىنىڭ قوعامدىق كەلى­سىم كەڭەستەرىنىڭ مۇشەلەرى قاتىستى. ءوز سوزىندە گۇلشارا ءابدى­قالىقوۆا ەلباسى نۇرسۇلتان نازارباەۆتىڭ «قازاقستاننىڭ ءۇشىن­شى جاڭعىرۋى: جاھاندىق باسە­كەگە قابىلەتتىلىك» اتتى جول­داۋىندا قازاقستاننىڭ ءۇشىنشى جاڭ­عىرۋىن ىسكە اسىرۋ جونىندەگى بەس با­سىم­دىقتى ايقىنداپ بەر­گەنىن اتاپ ءوتتى. – ەل پرەزيدەنتى جولداۋدا «بولا­شاعىن ايقىنداپ, سىن-قاتەر­لەردى كۇتىپ وتىرماستان, وعان تاباندى تۇردە قارسى تۇرا الا­تىن حالىق قانا جەڭىسكە جەتە­دى» دەپ اتاپ كورسەتتى. سونىمەن بىرگە, كونستيتۋتسيالىق رەفورما مەم­لەكەت باسشىسى اتاپ كورسەت­كەندەي, وسى كۇنگە دەيىن جۇرگىزىلىپ كەلگەن قوعامدىق ىستەردى ودان ءارى دەموكراتيالاندىرۋعا باعىتتالعان مەملەكەتتىك ساياساتتىڭ جۇيەلى جالعاسى بولىپ تابىلادى. قازىر ەلىمىزدىڭ بارلىق وڭىرىندە وسى ەكى ايتۋلى قۇجاتتىڭ ماڭىزدىلى­عى جان-جاقتى تالقىلانىپ, حالىق­قا تۇسىندىرىلۋدە. كونستيتۋ­تسيا­لىق وزگەرىستەردىڭ الدىن الا شىعارىلۋى, بيلىكتىڭ اشىقتىق قاعيداتىن ۇستا­نىپ وتىرعانىن اتاپ وتكىمىز كەلەدى. قازاق­ستان حالقى اسسامبلەياسى ەلبا­سى قابىلداعان ساياسي شەشىمدى العاش­قى­لاردىڭ قاتارىندا قولداپ, زامان تالابىنا ساي رەفورمانى قازاقستاننىڭ سەرپىندى دامۋىنىڭ جاڭا ۇلگىسى دەپ اتادى, – دەدى گۇلشارا ناۋشاقىزى. سونداي-اق, قازاقستان حالقى اسسام­بلەياسى توراعاسىنىڭ ورىن­باسارى ەرالى توعجانوۆ ەلباسى جول­داۋىندا ايتىلعان ماقساتتار مەن ءمىن­دەتت­ەرگە توقتالدى. ءوز سوزىندە حات­شى­­لىق مەڭگەرۋشىسى وڭىرلەرمەن قاتار, جامبىل وبلىسى قازاقستان حال­قى اسسامبلەياسىنىڭ دا قوعامدىق كەلىسىم­نىڭ نىعايۋىنا قوسقان ۇلەسىن اتاپ ءوتتى. – قازاقستاندىق ءاربىر ازاماتتىڭ ءومىر ساپاسىن ارتتىرۋ ۇلتتىق, مەملە­كەتتىك جاۋاپكەرشىلىگى مول ازامات ءتار­بيەلەيدى. نەگىزىنەن ەلباسى جول­داۋىن ەكونوميكا­لىق, الەۋمەتتىك, تەح­­نو­ل­وگيالىق جانە عىلىمي-رۋحاني دامۋ­دىڭ ستراتەگيالىق جوسپارى دەسەك, ار­تىق بولمايدى, – دەگەن ەرالى لۇق­پان­­ ۇلى, ەكىنشىدەن, بۇل جولداۋ قازاق­ستان­­داعى بىرەگەيلىك پەن بىرلىكتىڭ, قوعام­­دىق كەلىسىم مەن تۇراقتىلىقتىڭ, ەكو­نو­ميكالىق-الەۋمەتتىك نىعايۋ مەن دامۋ­د­ىڭ ءتيىمدى جولى ەكەنىن دە اتاپ ءوتتى. وتىرىس بارىسىندا «قاز­فوسفات» جشس جانىنداعى قوعام­­دىق كەلىسىم كەڭەسى توراعاسى­­نىڭ ورىنباسارى جانار ورازىم­بەتوۆا كاسىپورىننىڭ قوعامدىق كەلىسىم كەڭەسىنىڭ جۇمىسى تۋرالى بايان­دادى. سونداي-اق, شۋ اۋداندىق قوعام­دىق كەلىسىم كەڭەسىنىڭ مۇشە­سى, جەكە كاسىپكەر ءلايلا ءجۇنى­ساليەۆا اۋداندىق كەڭەستىڭ قايى­رىم­دىلىق جۇمىستارى تۋرالى اڭگىمەلەدى. ال الماتى وبلىسى, ىلە اۋداندىق قوعامدىق كەلىسىم كەڭەسىنىڭ توراعاسى ساكيد چاتۋەۆ ەلىمىزدەگى تاتۋلىق پەن تۇراقتىلىق جايلى ءوز ويىن ورتاعا سالسا, مەركى اۋدانىنىڭ اكىمى مەيىرحان ءومىر­بەكوۆ قوعامدىق كەلىسىم كەڭەس­تەرى مەن جەرگىلىكتى اتقارۋشى ورگان­داردىڭ ءوزارا ءىس-قيمىلى تۋرالى پىكىرىن ءبىلدىردى. وزگە دە ازاماتت­ار قوعامدىق كەلىسىمدى نىعايتۋ جۇمىستارى تۋرالى ءوز ويلارىمەن ءبولىستى. جيىن سوڭىندا قوعامدىق كەلىسىم كەڭەستەرىنىڭ قىزمەتىن جان­دان­دىرۋ جانە ولاردىڭ الەۋمەت­تىك ماسەلەلەردى شەشۋدەگى ءرولىن ارتتىرۋ بويىنشا شەشىمدەر قابىلداندى. بۇدان كەيىن مەملەكەتتىك حاتشى گۇلشارا ابدىقالىقوۆا وبلىستىق پەري­نا­تالدىق ورتالىعىندا جانە جام­بىل اتىنداعى «رۋحانيات» ورتالى­عىندا بولدى. حاميت ەسامان, «ەگەمەن قازاقستان» جامبىل وبلىسى