استانا پروتسەسى قايتا جالعاستى

القالى جيىنعا سيريا ۇكىمەتى مەن وسى ەلدەگى قارۋلى وپپوزيتسياسىنىڭ دەلەگاتسيالارى, اتىستى توقتاتۋ رەجىمىنە كەپىل مەملەكەتتەرى – رەسەي, تۇركيا جانە يران ەلدەرىنىڭ, سونىمەن قاتار, يوردانيانىڭ, بىرىككەن ۇلتتار ۇيىمىنىڭ, باقىلاۋشى رەتىندە اقش-تىڭ دەلەگاتسيالارى قاتىستى. استاناداعى كەلىسسوزدەر 23-24 قاڭ­تاردا ەلوردادا وتكەن ءبى­رىن­­شى كەزدەسۋدە قول جەتكىزىل­گەن, بى­­تىم­گە كەلۋ تۋرالى كەلى­سىم­­دەر­­دى جۇ­زە­گە اسىرۋ ارقىلى سيريا ما­سە­­لە­لەرىن رەتتەۋ پروتسە­س­ىن­دە ىلگە­رى­­لەۋ­شىلىكتەردى قامتا­ما­سىز ەتۋگە با­عىت­تالدى. جيىن­عا ق­اتىس­قان دە­لە­گا­تسيالار كەزدە­سۋ­دىڭ ۇيىم­داس­­تى­رىلعانى ءۇشىن العىس­تارىن ءبىل­دى­رىپ, سيريا داعدارىسىن رەتتەۋ جول­­دارىن قاراستىرۋعا قا­زاق­­ستان پرە­زيدەنتى نۇرسۇلتان نازارباەۆتىڭ قوسقان ۇلەسىنە جوعا­رى باعا بەردى. ەكى كۇنگە سوزىلعان كەلىسسوزدەر ناتيجەسىندە كەپىل مەملەكەتتەر اسكەري ءىس-قيمىلداردى توقتاتۋ رەجى­مىنە مونيتورينگ جاساۋ جونىن­دەگى بىرلەسكەن جەدەل توپ تۋرا­لى ەرەجە كەلىسىلگەنى تۋرالى حابار­لادى. بىرلەسكەن جەدەل توپ اتقارا­تىن مىندەتتەردىڭ قاتارىندا قارۋ­لان­عان وپپوزيتسيالىق توپتاردى تەررو­ريستىك ۇيىمداردان اجىرا­تۋ­دى قامتاماسىز ەتۋ, سيريا قاق­تى­عىسىن ساياسي تۇرعىدا رەتتەۋدى ىل­گەرى­لەتۋ بويىنشا سەنىم شارالارىن نىعايتۋ سىندى ماڭىزدى ماسەلەلەر بار. اتالعان توپ تاراپتاردىڭ اسكە­ري ءىس-قيمىلداردى توقتاتۋ ما­سە­­لەلەرى بويىنشا تۇراقتى تۇر­دە كەڭەس وتكىزىپ تۇرادى جانە بۇۇ قاۋىپ­سىزدىك كەڭەسىنىڭ 2254 قارا­رى­نىڭ بۇزىلۋ وقيعالارىن تەكسە­رەدى. سونىمەن قاتار, زورلىق-زومبى­لىقتىڭ ۋشىعۋىنا جول بەرمەي, سيرياداعى گۋمانيتارلىق احۋالدىڭ جاقسارۋىنا اتسالىساتىن بولادى. ەلىمىزدىڭ سىرتقى ىستەر مي­نيسترلىگى مالىمدەگەندەي, قازاق­ستان قول جەتكىزىلگەن كەلىسىمدەردى قولداي وتىرىپ, استانا پروتسەسىنىڭ كەزەكتى وتىرىسىنىڭ ناتيجەسىن سيرياعا قاتىستى ۇنقاتىسۋدا ماڭىزدى قادام دەپ سانايدى. بۇل بۇۇ اياسىندا جەنەۆادا وتەتىن كەلىسسوزدەردىڭ تابىستى بولۋىنا وڭ ىقپالىن تيگىزۋى ءتيىس. ارنۇر اسقار, «ەگەمەن قازاقستان»