قاۋىپسىزدىك كونفەرەنتسياسىنا قاتىستى

پارلامەنت سەناتىنىڭ ءباسپاسوز قىزمەتى حابارلاعانىنداي, قازاق­ستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ميۋنحەن قاۋىپسىزدىك كونفەرەنتسيا­سىنا قاتى­س­تى. بۇل بەدەلدى فورۋمنىڭ بيىلعى كۇن ءتارتىبى ترانسا­ت­لان­تي­كا­لىق قاتىناستاردىڭ كەلەشەگى مەن ناتو, سونداي-اق, قاۋىپ­سىزدىك پەن قورعانىس سالاسىنداعى حالىقارالىق ىنتىماقتاستىق ءتوڭى­رە­­گىن­دە بولدى. شارا اياسىندا باتىس پەن رەسەيدىڭ ءوزارا قارىم-قاتىناس­تارى, سيرياداعى سوعىس, ازيا-تىنىق مۇحيتى ايما­عى­نداعى احۋال جانە باسقا دا تاقىرىپتار بويىنشا پىكىرسايىس ورىستەدى. كونفەرەنتسياعا 600-دەن استام مەيماندار, ونىڭ ىشىندە 30 ەل­دىڭ مەملەكەت جانە ۇكىمەت باسشى­لارى, پارلامەنتتەر توراعالارى, بەدەل­دى سايا­ساتكەرلەر, ديپلوماتتار, اسكە­ري­لەر مەن ساراپشىلار قاتىس­تى. گەرمانيا كانتسلەرى انگەلا مەر­كەل, بۇۇ باس حاتشىسى ان­تونيو گۋتەرريش, اقش-تىڭ ۆيتسە-پرەزيدەنتى مايك پەنس, ناتو باس حاتشىسى يەنس ستولتەنبەرگتىڭ سوزدەرى ەرەكشە ىقىلاس تۋعىزدى. قازاقستان سەناتىنىڭ توراعاسى «ەۋرازياداعى سىنۋ سىزىقتارى» تاقىرىبى بويىنشا پانەلدىك پىكىر­سايىسقا قاتىستى. ق.توقاەۆ ءوز ءسوزىن­دە ايماقتاعى مەملەكەتتەر ارا­سىن­دا بولجالدى جانە دوستىق قاتى­ناس­تار قالىپتاستىرۋدىڭ ماڭىز­دى­لىعىن اتاپ ءوتتى. توراعا قازاق­ستان­نىڭ شەكتەسەتىن ەلدەرمەن اۋماق­تىق ماسەلەلەرi جوق ەكەنىن, ءويت­كەنى الەمدەگى قۇرلىقتاعى ەڭ ۇزاق شەكارا – قازاقستان مەن رەسەي ارا­سىن­داعىنى قوسا ەسەپتەگەندە, بار­لىق ەلدەرمەن مەملەكەتتىك شەكارا دەليميتاتسيالانعانىن ايتتى. ق.توقاەۆ قىتايدىڭ «ءبىر بەلدەۋ, ءبىر جول» تۇجىرىمى ايماقتىق ەكونوميكالىق ىنتىماقتاستىققا, ونىڭ ىشىندە ترانزيتتىك الەۋەتتىڭ ارتا تۇسۋىنە جانە ەۋرازيا ەلدەرىندە جاڭا ونەركاسىپ قۋاتتارىن قالىپ­تاس­تىرۋ ءۇشىن اۋقىمدى مۇمكىن­دىكتەر اشاتىنىنا توقتالدى. توراعا بۇل تىزبەكتە رەسەي ماڭىزدى ءرول اتقارادى دەپ سانايدى. سەنات توراعاسى پرەزيدەنت ن.نازارباەۆتىڭ باسشىلىعىمەن جۇزەگە اسىپ جاتقان رەفورمالارعا ەگجەي-تەگجەيلى توقتالدى. «قازاق­ستان رەفورماشىل مەملەكەت بولىپ تابىلادى. ءبىز ەكونوميكا نەمەسە ساياسات سالاسى بولسىن, ءبىزدىڭ قوعامنىڭ ترانسفورماتسيالانۋىن توقتاتۋعا بولمايتىنىنا كامىل سەنەمىز. قازاقستان الەمدەگى ەڭ دامىعان وتىز ەلدىڭ قاتارىنا ىلگەرىلەۋ ءۇشىن قانداي جاعداي بولسا دا قۇرىلىمدىق رەفورمالار جالعاسا بەرۋى ءتيىس», – دەدى ق.توقاەۆ. توراعا سونداي-اق بىرىككەن ۇلت­تار ۇيىمى قاۋىپسىزدىك كەڭەسىنىڭ مۇشەسى لاۋازىمىندا قازاقستاننىڭ باسىمدىقتارى تۋرالى دا حاباردار ەتتى. ول يادرولىق قارۋ مەن يادرو­لىق ماتەريالداردىڭ جايىلۋ ماسە­لە­لەرىن, اسىرەسە, ولاردىڭ تەررو­ريس­تىك ۇيىمدار قولىنا ءتۇسۋ قاۋپىن ەرەكشە ءبولىپ ايتتى. ودان باس­قا, ق.توقاەۆتىڭ ايتۋىنشا, قازاق­ستان ازياداعى ءوزارا سەنىم جانە ءىس-قيمىل شارالارى جونىندەگى كەڭەستى نىعايتا تۇسەدى, سونداي-اق, شانحاي ىنتىماقتاستىق ۇيىمى اياسىنداعى جۇمىستاردى ۇدەتۋدى جالعاستىرادى. سەسسياعا سونىمەن قاتار ازەر­بايجان پرەزيدەنتى يلحام اليەۆ, ەستونيا پرەزيدەنتى كەرستي كاليۋ­لايد, گرۋزيا پرەمەر-ءمينيسترى گەور­گي كۆيريكاشۆيلي جانە ۋك­راي­نا­نىڭ بۇرىنعى پرەمەر-ءمينيسترى ارسەني ياتسەنيۋك قاتىستى. پىكىرسايىستى «Eurasia Group» كومپانياسىنىڭ نەگىزىن سالۋشى يان برەممەر جۇرگىزدى.