كەنەسارى حان تۋرالى قولجازبا تابىلدى

ءتىل-اۋزىمىز تاسقا, سوڭعى كەزدەرى ءوت­كەن تاريحىمىزدى تۇگەندەۋدە كۇت­پە­گەن ولجالارعا كەزىگىپ, شاڭ باسقان مۇ­­راعاتتار تۇبىنەن كوپتەگەن قۇندى ءجا­­­دىگەرلەر تابىلۋدا. سونىڭ ءبىرى رە­تىن­­دە قازاقتىڭ سوڭعى حانى كەنەسارى قا­سىم ۇلى جايلى جازىلعان قۇجاتتىڭ تۇپنۇسقاسى تابىلعانىن ايتۋعا بولادى. قولجازبانىڭ اۆتورى وزگە ەمەس, كەنە حاننىڭ ءوز ۇلى – احمەت كەنەسارين ەكەن. بۇل قۇجات ماسكەۋدەگى مەملەكەتتىك تاريح مۇراجايىنىڭ قورىندا 105 جىل بويى ساقتالىپ كەلگەنىمەن, كۇنى ءبۇ­گىنگە دەيىن ول تۋرالى ەشكىم بىلمەگەن. رەسەي­لىك تۇركىتانۋشى يليا زايتسەۆ قول­جاز­بانى 2004 جىلى تاپقانىمەن, ەندى عانا كىتاپ ەتىپ جاريالاپ وتىر. «ءبىز كورمە جاسايتىن بولىپ, مۇرا­عات­تاعى اسا كورنەكتى جازبالاردىڭ ۇلگى­لە­رىن تاڭداعان بولاتىنبىز. ول كەزدە مەن جازبانىڭ ماتىنىنە دە قاتتى نازار اۋ­دارماپپىن. ءبىر جاعىنان, ول كەزدە قا­زاقستان تاريحىن جاقسى بىلمەيتىنمىن, سون­دىقتان, ونىڭ ماڭىزدىلىعىن دۇ­رىس باعالاي المادىم. كەيىن, كەيكى با­­­تىردىڭ باسى, كەنەسارى حان تۋرالى باس­­پاسوزدە ايتىلا باستاعاندا, سول جازبا ەسىمە ءتۇستى, ونى وقىپ شىعىپ بۇل قول­­جازبانىڭ اسا قۇندى ەكەنىن ءبىر-اق ءبىل­­دىم», دەيدى زايتسەۆ. اكەسى كەنەسارى حان مەن اعاسى سادىق تۋرالى احمەت كەنەساريننىڭ اڭگىمەسى اۋدارىلىپ, 1889 جىلى تاشكەنتتە باسپادان شىعارۋعا ازىرلەنگەن ەكەن. Sputnik اگەنتتىگىنىڭ جازۋىنا قاراعاندا, 64 پا­راق­تان تۇراتىن قۇجات وسى جىلدار بويى تا­نىمال تاريحي ارتەفاكتىلەردى جيناۋشى مەن زەرتتەۋشى سىرداريا وبلىسى گۋبەرناتورى نيكولاي گوردەكوۆ قورىنىڭ سورەسىندە ساقتالىپتى. ەندى, بۇل قولجازبا قازاق تاريحىن جا­ڭاشا قاراۋدا اۋقىمدى جۇمىستاردىڭ باس­تاۋىنا تۇرتكى بولىپ, زەرتتەۋشىلەر ءۇشىن ۇلكەن مۇمكىندىكتەر اشاتىنى ءسوزسىز. ورالحان ءداۋىت, «ەگەمەن قازاقستان»