BAQ league: «ەگەمەن قازاقستان» قاتارىنان ءتورتىنشى جەڭىسىنە قول جەتكىزدى

بۇگىن ەلوردادا قالالىق فۋتبول فەدەراتسياسىنىڭ قولداۋىمەن ءوتىپ جاتقان جۋرناليستەر اراسىنداعى BAQ league-ءدىڭ كەزەكتى ويىندارى وينالدى. العاش بولىپ الاڭعا «ەگەمەن قازاقستان» مەن «Dixinews.kz» كوماندالارى شىقتى. تارتىستى وتكەن ويىندا باس باسىلىمنىڭ جىگىتتەرى 10:5 ەسەبىمەن جەڭىسكە جەتتى. ءبىرىنشى تايمدا 3:3 ەسەبى تىركەلگەنمەن, كەلەسى 20 مينۋتتا «Dixinews.kz» ۇجىمى ساناۋلى مينۋتتاردىڭ ىشىندە-اق ەكى دوپ ايىرماشىلىعىمەن العا شىقتى. الايدا, نامىسقا باسقان «ەگەمەندىكتەر» كوپ ۇزاماي, جەتى گولدى بىرىنەن سوڭ ءبىرىن جاۋدىردى. بۇل ماتچتا كوماندانىڭ شابۋىل شەبىندە ونەر كورسەتەتىن بەرىك ءۋالي پەنتا-تريك جاساسا, قورعاۋشى ەركەبۇلان الدابەرگەنوۆ ءۇش دوپتىڭ اۆتورى اتاندى. سونداي-اق, «ەگەمەن قازاقستان» باسىلىمىنىڭ باسقارما توراعاسى دارحان قىدىرالى مەن كوماندا فورۆاردى ازامات جانداربەكوۆ ءبىر-ءبىر مارتە مەرگەندىگىمەن تانىلدى. بۇل كۇنى سونداي-اق تاعى دا ءتورت ماتچ ءوتتى: «Sportsffa.kz» 4:2 «قازاق راديوسى» «24.kz» «Kazakh TV» «Sports 59» 7:3 «جەڭىس» «حابار» 6:3 «قازاقستان» ايتا كەتەيىك, باق وكىلدەرى اراسىنداعى بىرىنشىلىك 11 جەلتوقسان كۇنى «استانا» سپورت كەشەنىندە باستالعان. 11 ۇجىمنىڭ اراسىنداعى چەمپيوناتتىڭ بۇگىنگە دەيىن 10 تۋرى ءوتتى. ناتيجەسىندە, تۋرنيرلىك كەستەدە 23 ۇپايمەن «قازاق راديوسى» كوش باستاپ كەلە جاتسا, ءدال وسىنداي ۇپايمەن «حابار» اگەنتتىگىنىڭ جىگىتتەرى ءىزىن قۋىپ كەلەدى. دەگەنمەن, قوسىمشا ءبىر ويىنى بار ەكەنىن ايتا كەتكەن ءجون. ال ۇزدىك ۇشتىكتى 16 ۇپايمەن «Sportsffa.kz» تۇيىندەپ تۇر. ال سۇرمەرگەندەر تىزىمىندە «Sports 59» شابۋىلشىسى ساپارعالي قانات 20 گولىمەن ءبىرىنشى بولىپ تۇرسا, ەكىنشى ورىنعا 16 دوپ سوققان «قازاق راديوسىنىڭ» ويىنشىسى نۇرسۇلتان قابىلبەكوۆ جايعاستى. ال قارسىلاسىن 10 مارتە قاپى قالدىرعان «قازمەديا» فورۆاردى قانات تاكيروۆ ۇشتىككە ەندى.