تۇماۋ تۇنشىقتىرىپ تۇر

قىزىلجار وڭىرىندە وتكىر تۇماۋ كۇش الىپ كەلەدى. ونىڭ بىردەن-ءبىر سەبەبى اۋا رايىنىڭ قۇبىلمالىعى مەن دۇرىس كۇتىنبەۋدىڭ سالدارى, دەيدى مەديتسينا ماماندارى. بۇگىندە رەسپيراتورلىق ۆيرۋس­تىق ينفەكتسياعا شالدىق­قانداردىڭ سانى 17 مىڭعا جەدە­عابىل. بۇل كورسەتكىش بىلتىرعىعا قاراعاندا 7 مىڭعا كوپ. تەك سوڭعى اپتادا عانا وسىنداي 2209 وقيعا تىركەلگەن. ولاردىڭ باسىم كوپشىلىگىن 14 جاسقا دەيىنگى تۇرعىندار قۇرايدى. اراسىندا اياعى اۋىر ايەلدەر دە بار. ال ەكى جۇزدەي ادام تۇماۋ جۇقتىرعان. دەنساۋلىققا قاۋىپتىسى – وسى كەسەل. قازاق «تۇمان اياعى – جۇت, تۇماۋ اياعى – قۇرت» دەپ تەككە ايتپاسا كەرەك. ونىڭ ۇستىنە 12 جاستاعى قىز بالانىڭ وتكىر رەس­پيراتورلىق ينفەكتسيا دياگنوزى بويىنشا وكپەسى قابىنىپ, قايتىس بولۋى جان-جاقتى ساقتاندىرۋ قاجەتتىگىن كورسەتىپ بەردى. سوندىقتان, مەديتسينا قىز­مەت­كەرلەرى, اسىرەسە, ءبىلىم وشاق­­­تارىن ءجىتى باقىلاۋعا العان. سوعان قاراماستان, وتكىر رەسپي­راتورلىق ينفەكتسيا مەن تۇماۋ­دىڭ اسقىنىپ كەتۋى سالدارىنان 5 مەكتەپ پەن 1 بالاباقشا كاران­تينگە جابىلدى. ويتكەنى, ونداعى سىرقاتتانۋشىلاردىڭ سا­نى نورماداعىدان اسىپ, با­ر­­لىق وقۋشىلار مەن ءتار­بيەلەنۋ­شىلەردىڭ ۇشتەن ءبىرىن قۇرا­دى. بۇل ءبىلىم وشاق­تارىندا وقۋ ءۇر­دىسى تۇگەلدەي دوعارىلدى. سونداي-اق, تاعى بىرنەشە مەكەمەلەردە جارتىلاي كارانتين جاريالاندى. ءومىر ەسقالي, «ەگەمەن قازاقستان» سولتۇستىك قازاقستان وبلىسى