قاراعاندىدا وقۋشىلارعا ارنالعان UStudy ايماقتىق تەستىلەۋ ورتالىعى اشىلدى. ەندى قاراعاندى وقۋشىلارى مەن اتا-انالارى زاماناۋي ءارى ىڭعايلى ينفراقۇرىلىمدى قولدانا وتىرىپ, ورتالىقتا ۇبت مەن مەكتەپ ەمتيحاندارىن ۇزدىك تاپسىرۋ ءۇشىن جانە دە مەكتەپ ءبىلىم بەرۋ ساپاسىن تەكسەرە الادى.
رەسمي اشىلۋدىڭ قۇرمەتتى قوناقتارى رەتىندە قاراعاندى وبلىسىنىڭ اكىمى ابدىبەكوۆ ن.ك., وبلىس اكىمىنىڭ ورىنباسارى ابيشەۆ ج.ا., قاراعاندى قالاسىنىڭ اكىمى اۋباكىروۆ ن.ە., قاراعاندى وبلىستىق ءبىلىم باسقارماسىنىڭ باسشىسى ايماعامبەتوۆ ا.ق., ءبىلىم باسقارماسىنىڭ باسشىسى جەكەباەۆ د.ش قاتىستى.
قاراعاندىدا UStudy كومپانياسىنىڭ ايماقتىق تەستىلەۋ ورتالىعى اشىلدى. وسى ورايدا, وقۋشىلار وزدەرىنىڭ ءبىلىم دەڭگەيىن انىقتاپ, مەكتەپ قابىرعاسىنداعى كەز كەلگەن ەمتيحاننان سۇرىنبەي وتۋىنە سەپتىگىن تيگىزەتىن ونلاين-فورماتىندا تەستىلەۋدەن ءوتۋ مۇمكىندىگىنە يە بولدى.
UStudy ايماقتىق تەستىلەۋ ورتالىعى, UStudy ءبىلىم بەرۋ برەندى مەن ۇلتتىق تەستىلەۋ ورتالىعىنىڭ (ۇتو) ورتاق جەمىسى. بۇعان دەيىن وسىنداي ورتالىقتار ەلىمىزدىڭ باتىس,شىعىس جانە وڭتۇستىك ايماقتارىنداعى قالالاردا بوي كوتەرگەن ەدى.
«وقۋشىلار ۇنەمى ءارتۇرلى تەستىلەۋدەن وتۋدە. ال ءبىز ءوز كەزەگىمىزدە بۇل سىناقتى جەڭىل ءارى ءتيىمدى ەتە ءتۇسۋ ءۇشىن ورتالىقتارىمىزدا ونلاين-فورماتىندا تەستۋلەۋدى ەنگىزدىك. قاعاز بەتىندەگى تەستىلەۋگە قاراعاندا, بۇل ىڭعايلى بولماق», – دەيدى Ustudy-ءدىڭ قاراعاندى قالاسىنداعى ديرەكتورى راحات احمەت.
UStudy ءبىلىم بەرۋ جوباسى قازىردىڭ وزىندە الماتى, شىمكەنت, تاراز, تالدىقورعان, وسكەمەن, اقتاۋ, اقتوبە, اتىراۋ, قىزىلوردا, سەمەي قالالارىندا 12 وڭىرلىك تەستىلەۋ ورتالىقتارىن اشتى. الداعى ۋاقىتتا كوكشەتاۋ, قوستاناي جانە استانا قالالارىندا اشۋدى جوسپارلانىپ وتىر.
قاراعاندى قالاسىنداعى ايماقتىق تەستىلەۋ ورتالىعىن اشۋداعى باستى مىندەتتەردىڭ ءبىرى – جاڭا ءبىلىم بەرۋ ونىمدەرى مەن تەحنولوگيالاردى پايدالانا وتىرىپ قازاكستاندا تەستىلەۋدىڭ جاڭا مادەنيەتىن قۇرۋ.
قاراعاندى قالاسىندا ايماقتىق تەستىلەۋ ورتالىعىندا وقۋشىلاردىڭ تەستىلەۋدەن ءوتۋ بارىسىنا باسقا كوزقاراسپەن قاراۋىنا جاعداي جاسالعان. ورتالىق 1400 شارشى مەتر اۋماقتى قامتيدى جانە جاڭا تەحنيكالىق جابدىقتارمەن قامتاماسىز ەتىلگەن 200 ورىن بار جانە دە ورتالىقتىڭ ىشكى ديزاينىمەن قازاقستاننىڭ جەتەكشى ديزاينەرلەرى ەڭبەك ەتتى.
جىل بويى قاراعاندى قالاسىنداعى ايماقتىق تەستىلەۋ ورتالىعىندا وقۋشىلار: سىناما تەستىلەۋدەن وتۋگە, مەكتەپ باعدارلاماسى بويىنشا ءوز بىلىمدەرىنىڭ «ءالسىز تۇستارى» بويىنشا ەسەپ الۋعا, قازاقستاننىڭ ۇزدىك مۇعالىمدەرىنىڭ قازاق تىلىندە ۇسىنعان بىرەگەي ءبىلىم بەينەساباقتارىنا قول جەتكىزۋگە, كەڭەس الۋعا مۇمكىندىك الادى.
