كوممۋنيستەر دە بەلسەنە قاتىسادى

قازاقستان كوممۋنيستىك حالىق پارتياسى ورتالىق كوميتەتى ساياسي بيۋروسىنىڭ كەڭەيتىلگەن وتىرىسى ءوتتى. وندا مەملەكەت باسشىسى ن.ءا.نازارباەۆتىڭ قازاقستاندا مەملەكەتتىك باسقارۋ جۇيەسىن رەفورمالاۋ جونىندەگى ۇندەۋى تالقىلاندى.  ورتالىق كوميتەت ساياسي بيۋرو­سىنىڭ مۇشەلەرى ەلباسىنىڭ ۇسى­نىس­تارىنا قولداۋ ءبىلدىردى جانە ولار مەم­لەكەتتىك بيلىك تارماق­تارى ارا­سىن­دا وكىلەتتىكتەردى قاي­تا ءبولۋ قاجەت دەگەن ورتاق پىكىرگە كەلدى.  پار­تيا جەتەك­شىلەرى, سونداي-اق, وكى­لەت­تىكتەردى قايتا ءبولۋ مەملەكەتتىك ور­گان­دار جۇ­مى­سى­نىڭ تيىمدىلىگىن باعىت­تاۋعا ار­نال­­عانىن اتاپ ءوتتى. ءبىرىن­شى كەزەك­تە, بۇل بيلىك­تىڭ زاڭ شى­عارۋ­شى جانە ات­قارۋ­شى ورگان­دارى­نىڭ جاۋاپ­كەر­شىلىگىن كۇشەيتەدى. كوممۋنيستەردىڭ پىكىرىنشە, اتالعان رەفورما ساياسي جۇيەنىڭ تۇراقتىلىعىن ارتتىرادى, ال پارلامەنت پەن ۇكىمەتتىڭ ءرولىنىڭ ارتۋى قازىرگى زامانعى مەم­لەكەتتىك باسقارۋ جۇيەسىندە ءتيىم­دى مەحانيزم قالىپتاستىرۋعا ءمۇم­كىندىك بەرەدى. وتىرىستا  پارتيا وكىل­دەرى بۇكىلحالىقتىق تالقىلاۋعا ۇسى­نى­لاتىن رەفورما جوباسىنىڭ ەرەك­شەلىك­تەرىنە توقتالا كەلىپ, بۇل قازاق­ستان تاۋەلسىزدىگىنىڭ باستاپقى كەزىندە تاڭدالعان دەموكراتيالىق باعىتتىڭ جالعاسى ەكەنىن اتاپ ءوتتى.  وتىرىس قورىتىندىسىندا پارتيانىڭ باستاۋىش قۇرىلىمدارىندا ەلبا­سى­نىڭ ۇندەۋىن بۇكىلحالىقتىق تالقىلاۋ تۋرالى شەشىم قابىلداندى ءاليسۇلتان قۇلانباي, «ەگەمەن قازاقستان»