وڭالتۋ ورتالىعى

مۇمكىندىگى شەكتەۋلى جەتكىنشەكتەرگە قولداۋ كورسەتەدى ستاتيستيكالىق مالىمەتتەر بويىنشا, قازاقستاندا 45 مىڭعا تارتا مۇگەدەك بالا ارنايى ەسەپتە تۇر. ولاردىڭ باسىم كوپشىلىگى – ءتۋابىتتى سال اۋرۋىنا شالدىققاندار. سەبەبى, بۇل دەرت, وكىنىشكە قاراي, سوڭعى جىلدارى ەڭ كوپ تارالعان اۋرۋلاردىڭ بىرىنە اينالدى. رەسمي دەرەككوزدەرگە سۇيەنسەك, ەلىمىزدە 2014 جىلدارى مۇنداي دياگنوز 10 مىڭنان استام بالاعا قويىلسا, 2015 جىلى اتالعان اۋرۋمەن ناۋقاستاناتىنداردىڭ سانى 2010 جىلمەن سالىستىرعاندا 6,9 پايىزعا وسكەن. ال 2016 جىلى بۇل دەرتپەن اۋىراتىندار قاتارى تاعى دا 1500 بالاعا ارتقان. «ارينە, بۇل اۋرۋدىڭ سە­بە­بى كوپ. بالالار اعزاسىنا ءتۇر­لى ىشكى جانە سىرتقى فاك­تور­لاردىڭ اسەر ەتۋىنەن بولۋى مۇمكىن. بۇل اۋرۋمەن ناۋ­قاس­تاناتىنداردىڭ اراسىندا ءوز ۋا­قى­تىنان ەرتەرەك دۇنيە ەسىگىن اش­قان سابيلەر دە كەزدەسەدى. سە­­بەبى, از سالماقپەن ومىرگە كەل­­­گەن بالالاردىڭ يممۋنيتەتى وتە ءالسىز كەلەدى. سوندىقتان, ولار تۋعان كەزدە دەنى ساۋ بولىپ كورىنگەنىمەن, اۋرۋدىڭ مۇنداي ءتۇرى ۋاقىت وتە كەلە پايدا بولۋى مۇمكىن. دەمەك, مۇن­داي بالالار دا ءتۋابىتتى سال اۋرۋىنا ءجيى شالدىعادى», دەيدى ەلورداداعى بالالاردى وڭال­تۋ ۇلتتىق ورتالىعىنىڭ ءدا­رىگەر-نەۆروپاتولوگى ءاسيا ريزۆانوۆا. ارينە, مۇنداي بالالارعا ەڭ الدىمەن, وڭالتۋ, قوعامعا بەيىمدەۋ ورتالىقتارىندا جۇرگىزىلەتىن مەديتسينالىق ەم-دوم شارالارى كوپ سەپتىگىن تيگىزەرى انىق. ماسەلەن, استانا قالاسى اكىمدىگىنە قاراستى الەۋمەتتىك قىزمەت كورسەتۋ ورتالىعى مۇمكىندىگى شەكتەۋلى جەتكىنشەكتەرگە, ونىڭ ىشىندە اتالعان دەرتكە شالدىققان بالالارعا قولداۋ كورسەتىپ, قولۇشىن سوزۋ, وڭالتۋ ماق­سا­تىندا قۇرىلعان. قازىرگى تاڭدا اتالعان ورتالىقتا سال اۋرۋىمەن اۋىراتىن 320 بالا ەسەپتە تۇر ەكەن. «بىزدە 1,5 جاستان اسقان بالالار مەن 18 جاسقا دەيىنگى جەتكىنشەكتەر 10 كۇن سايىن 4 ساعات بويى كەشەندى تۇردە ەم قابىلداپ تۇرادى», دەيدى ورتالىقتىڭ قىزمەتكەرى جانىبەك جاندۋللاەۆ. بۇدان بولەك, تاعدىردىڭ قاتال سىنىنا جاستايىنان بەتپە-بەت كەلگەن بالالارعا مەم­لەكەت تاراپىنان قولداۋ-كومەك كورسەتۋدىڭ, مەيىرىم شۋاعىن توگۋدىڭ دە ءرولى وراسان. وسىنداي مازمۇنداعى ىزگى شارا «دۋمان» ويىن-ساۋىق ورتالىعىندا بولدى. «جاس وتان» جاستار قاناتى استانا قالالىق فيليالى «باقىتتى بالالىق شاق» پار­تيالىق جوباسى اياسىندا سال دەرتىنە شالدىققان با­لالارعا ارناپ «دۋمان» ويىن-ساۋىق ورتالىعىنا تەگىن ەكسكۋر­سيا وتكىزدى. بۇل شاراعا 18 جاس­قا تولماعان 100-گە تار­تا جەتكىنشەك قاتىستى. ەكس­كۋرسيانىڭ بارىسىندا بالالار «وكەاناريۋمدى», «دجۋنگلي» انيماترونيكس تەاترىن تاما­شالاۋعا مۇمكىندىك الدى. «جاس وتان» جاستار قاناتى استانا قالالىق فيليالىنىڭ توراعاسى مۇحامەدجان بولىسبەك «جاس وتان» جاستار قا­ناتىنىڭ مۇنداي سيپاتتاعى ءىس-شارالاردى العاش رەت ءوت­كى­زىپ وتىرماعانىن, بۇل بۇعان دەي­ىنگى شارالاردىڭ زاڭدى جال­عاسى ەكەنىن جەتكىزدى. «ءبىز نەگىزىنەن, تۇراقتى تۇردە ءجا­نە ءتۇرلى باعىتتا شارالار ۇيىمداستىرىپ تۇرامىز. ولار­دىڭ بارلىعى «باقىتتى بالا­لىق شاق» جوباسى اياسىندا ءوت­كىزىلىپ كەلەدى. ماسەلەن, بىلتىر دەمەۋشىلەردىڭ قولداۋ-كو­مەگىمەن مۇگەدەك بالالارعا ار­نالعان اربالاردى سىيعا تارت­تىق. جالپى, 2016 جىلى الەۋ­مەتتىك قىزمەت كورسەتۋ ور­تا­لىعىمەن بىرلەسىپ 15 ءىس-شارا وتكىزدىك. جەتىمدەر ءۇيى­مەن, بالاباقشالارمەن ارا­دا تۇراقتى بايلانىسىمىز بار. الداعى ۋاقىتتا دا وسىن­داي شارالاردى ودان ءارى جال­عاستىرماقپىز. ءبىز وسى ار­قىلى ولاردىڭ ومىرگە دەگەن قۇل­­شىنىستارىن وياتقىمىز كە­­لەدى. ال بۇگىنگى شارانى ۇي­ىم­- ­­داستىرۋعا قولداۋ كور­­سەت­كەنى ءۇشىن «دۋمان» ويىن-ساۋىق ورتالىعىنىڭ باس­شى­لى­عىنا العىسىمىزدى ءبىل­دى­رە­مىز», دەدى ول. شارا سوڭىندا بالالارعا ءتۇر­لى سىي-سياپاتتار ۇسى­نىلدى, ال ولاردىڭ ءجۇز­دە­رى­نەن بايقالعان قۋانىش ۇش­ق­ى­نىن كورگەن اتا-انالار ۇيىم­داستىرۋشىلارعا ري­زا­شىلىقتارىن بىلدىرە كە­لە, الەۋمەتتىك قىزمەت كور­سە­تۋ, قوعامعا بەيىمدەۋ ور­تا­­­لىق­تا­رىنىڭ شاراپاتى ءالى تالاي ءبۇلدىرشىننىڭ ايا­عىنان تىك تۇرىپ كەتۋىنە سەپ­تىگىن تي­گى­زەتىنىنە سەنىم ءبىل­دىردى. «بۇگىن وسى جەرگە ەكى مۇمكىندىگى شەك­تەۋ­لى با­لاممەن كەلىپ وتىرمىن. با­لالارىمنىڭ كوڭىلى كو­تەرىلىپ قالدى, سول سەبەپتى ۇيىم­داستىرۋشىلارعا ۇلكەن ال­عىسىمدى بىلدىرەمىن», دەدى ەل­وردالىق تۇرعىن التىنگۇل ەسىركەپوۆا. ءلايلا ەدىلقىزى, «ەگەمەن قازاقستان»  استانا