25 قاڭتارعا ارنالعان اۋا رايى

بۇگىن ەلىمىزدىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى, باتىس وبلىستاردا جاۋىن-شاشىن كۇتىلەدى, كەي جەرلەردە بۇرقاسىن كوتەرىلىپ, جەل كۇشەيەدى, تۇمان, كوكتايعاق بولادى. بۇل تۋرالى "قازنيدرومەت" رمك حابارلادى. اقمولا, پاۆلودار وبلىستارىندا بۇرقاسىن سوعىپ, 15-20 م/س ەكپىنمەن سوققان جەلدىڭ جىلدامدىعى 25, كۇندىز 30 م/س-قا كۇشەيەدى. الماتى وبلىسىنىڭ كەي جەرلەرىندە  تۇمان بولادى, كۇندىز جەل 15-20 م/س-قا ارتادى. جامبىل, وڭتۇستىك قازاقستان وبلىستارىنىڭ جەكەلەگەن جەرلەرىندە تۇمان كۇتىلەدى, تۇندە جەل 15-20 م/س-قا كۇشەيەدى. قىزىلوردا وبلىسىنىڭ كەي اۋماقتارىندا تۇمان, كوكتايعاق بولىپ, تۇندە جەل 15-20 م/س-قا ارتادى. ماڭعىستاۋ وبلىسىنىڭ  كەي جەرلەرىندە تۇمان  بولىپ, جەل 17-22 م/س-قا كۇشەيەدى. اتىراۋ وبلىسىنىڭ كەي بولىكتەرىندە تۇمان, كوكتايعاق بولجانادى, كۇندىز جەل 15-20  م/س-قا كۇشەيەدى. اقتوبە, باتىس قازاقستان  وبلىستارىنىڭ جەكەلەگەن جەرلەرىندە بۇرقاسىن, كوكتايعاق كۇتىلەدى, اقتوبە وبلىسىنىڭ كەي جەرلەرىندە جەل 15-20 م/س-قا كۇشەيەدى. قوستاناي, سولتۇستىك قازاقستان وبلىستارىندا 15-20 م/س-پەن سوققان جەلدىڭ ەكپىنى كۇندىز 25 م/س-قا جەتۋى ىقتيمال. شىعىس قازاقستان وبلىسىنىڭ كەي جەرلەرىندە بۇرقاسىنداتىپ, 17-22 م/س جىلدامدىقپەن جەل ۇيىتقيدى.