يران, رەسەي, تۇركيانىڭ استانا پروتسەسى قورىتىندىلارى بويىنشا بىرلەسكەن مالىمدەمەسى

يران يسلام رەسپۋبليكاسىنىڭ, رەسەي فەدەراتسياسىنىڭ جانە تۇرىك رەسپۋبليكاسىنىڭ دەلەگاتسيالارى وسى مەملەكەتتەردىڭ سىرتقى ىستەر مينيسترلەرىنىڭ  2016 جىلعى 20 جەلتوقساندا ماسكەۋدە جاساعان بىرلەسكەن مالىمدەمەسىنە جانە بىرىككەن ۇلتتار ۇيىمى قاۋىپسىزدىك كەڭەسىنىڭ 2336 قارارىنا سايكەس; استانادا 2017 جىلى 23-24 قاڭ­تار­دا سيريا اراب رەسپۋبليكاسى مەن  قارۋلى وپپوزيتسيالىق توپتاردىڭ اراسىنداعى كەلىسسوزدەردىڭ باستالۋىن قولدايدى; بۇۇ باس حاتشىسىنىڭ سيريا جونىندەگى ارناۋلى ەلشىسىنىڭ وسى اتال­عان كەلىسسوزدەرگە قاتىسۋى مەن اتسا­لىسۋىن جوعارى باعالايدى; سيريا اراب رەسپۋبليكاسىنىڭ كوپ­ەتنوستى, كوپكونفەسسيالى جانە دەموكراتيالىق مەملەكەت رەتىندەگى ەگە­مەندىگىنە, تاۋەلسىزدىگىنە بىرلىگى مەن اۋماقتىق تۇتاستىعىنا دەگەن ۇس­تا­نىمدارىن بۇۇ قاۋىپسىزدىك كە­ڭە­سى قۋاتتاعانى سەكىلدى تاعى دا راستايدى; سيريا قاقتىعىسىنىڭ  اسكەري شەشىمى جوقتىعىنا جانە ول بۇۇ قاۋىپ­سىزدىك كەڭەسىنىڭ 2254 قارا­رىن تولىق كولەمدە ورىنداۋعا نەگىزدەلگەن ساياسي پروتسەستىڭ كومە­گىمەن عانا شەشىلۋى مۇمكىن ەكەندىگىنە سەنىمدىلىكتەرىن بىلدىرەدى; ناقتى قادامدار ارقىلى جانە ءوزىنىڭ تالاپتارعا ىقپالىن پايدا­لانا وتىرىپ, 2016 جىلى 29 جەل­توقساندا قول جەتكەن ۋاعدا­لاس­تىقتارعا سايكەس بەلگىلەنگەن اتىس­تى توقتاتۋ رەجىمىن نىعايتۋعا ۇمتى­لاتىن بولادى; اتىستى توقتاتۋ رەجىمىن تولىق ساقتاۋدى قامتاماسىز ەتۋ جانە باقىلاۋ ءۇشىن ءۇش جاقتى  مەحانيزم جاساۋ, اتىستى توقتاتۋدىڭ بارلىق مودالدىلىعىن انىقتاۋعا جانە كەز كەلگەن ارانداتۋدىڭ الدىن الۋ تۋرالى شەشىم قابىلدايدى; يشيم/دايش جانە ءال-نۋسراعا قارسى بىرلەسىپ كۇرەسۋگە جانە ولاردان قارۋلى وپپوزيتسيالىق توپتاردى بولۋگە ءازىر ەكەندىكتەرى تۋرالى تاعى دا مالىمدەيدى; كەلىسسوزدەر پروتسەسىن بۇۇ قاۋىپ­سىزدىك كەڭەسىنىڭ 2254 قارارىنا ءساي­كەس ىنتالاندىرۋ جونىندەگى كۇش-ءجى­گەردى بەلسەندىلەندىرۋ قاجەتتىگى وتكىر تۇرعانىنا ءوزىنىڭ سەنىمىن بىلدىرەدى; استاناداعى سيريا جونىندەگى حا­لىقارالىق كەزدەسۋ بۇۇ قاۋىپ­سىزدىك كەڭەسىنىڭ 2254 قارارى تالاپ­تارىنا سايكەس ۇكىمەت پەن وپپوزيتسيا اراسىنداعى تىكەلەي ءۇن­قاتىسۋ ءۇشىن ءتيىمدى پلاتفورما بولىپ تابىلاتىنىن اتاپ كورسەتەدى; قارۋلى وپپوزيتسيالىق توپتار­دىڭ  2017 جىلدىڭ 8 اقپانىندا بۇۇ تۋى استىندا جەنەۆادا وتە­تىن ۇكى­مەت پەن وپپوزيتسيا اراسىن­داعى كەلىس­­سوز­دەردىڭ كەلەسى راۋندىنا قاتى­سۋعا دايىن ەكەندىگىن قۋات­تايدى; حالىقارالىق قوعامداستىقتىڭ بار­لىق مۇشەلەرىن قاۋىپسىزدىك كەڭە­سىنىڭ 2254 قارارىندا كەلىسىلگەن بار­لىق قادامداردى جەدەل جۇزەگە اسىرۋ تۇرعىسىنان ساياسي پرو­تسەستى قولداۋعا شاقىرادى; استانا پلاتفورماسىندا بۇۇ قا­ۋ­ىپسىزدىك كەڭەسىنىڭ 2254 قارا­رىن جۇزەگە اسىرۋعا ۇلەس قوسۋ ءۇشىن بۇۇ-نىڭ ارااعايىندىعىمەن سيريا­لىقتار جۇرگىزەتىن جانە سي­ريا­لىقتارعا تيە­سىلى ساياسي پروتسەس­تىڭ ناقتى ماسەلەلەرى بويىنشا بەل­­سەندى ىنتىماقتاسۋعا شەشىم قابىل­دادى; قازاقستان رەسپۋبليكاسىنىڭ پرەزيدەنتىنە, جوعارى مارتەبەلى نۇرسۇلتان نازارباەۆقا جانە تۇتاس­تاي قازاقستان تاراپىنا استانادا سيريا بويىنشا حالىقارالىق كەزدەسۋ وتكىزۋگە جاعداي تۋعىزعانى ءۇشىن ريزاشىلىق ءبىلدىردى.