سيرياداعى جاعدايدى رەتتەۋ جونىندەگى حالىقارالىق كەزدەسۋدىڭ قورىتىندىلارى بويىنشا
قازاقستان رەسپۋبليكاسى سىرتقى ىستەر مينيسترلىگىنىڭ
مالىمدەمەسى
قازاقستان رەسپۋبليكاسىنىڭ سىرتقى ىستەر مينيسترلىگى ۇستىمىزدەگى جىلعى 23-24 قاڭتاردا وتكەن سيريالىق رەتتەۋ بويىنشا حالىقارالىق كەزدەسۋدىڭ قورىتىندىلارىن قۇپتايدى. بۇل كەلىسسوزدەردى وتكىزۋ كەپىلدىك بەرۋشى مەملەكەتتەر رەسەي, تۇركيا جانە يراننىڭ كۇش-جىگەرلەرىنىڭ ارقاسىندا بۇۇ جانە اقش-تىڭ قاتىسۋىمەن مۇمكىن بولدى. قازاقستان قازىرگى استانا ۇدەرىسىنىڭ شەڭبەرىندە قول جەتكىزىلگەن ۋاعدالاستىقتار سيريالىق داعدارىستى بۇۇ قاۋىپسىزدىك كەڭەسىنىڭ 2254 (2015) قارارىنا ءسايكەس جەنەۆا ۇدەرىسى اياسىندا ساياسي رەتتەۋگە وڭ سەرپىن بەرەدى دەپ سانايدى. استانا سيريالىق قاقتىعىستىڭ تاراپتارى بۇۇ قاۋىپسىزدىك كەڭەسىنىڭ 2336 (2016) قارارىنا سايكەس سيريادا اتىستى توقتاتۋ رەجىمى بويىنشا وزدەرىنە جۇكتەگەن مىندەتتەمەلەرگە بەرىك بولادى دەگەن ءۇمىت بىلدىرەدى. قازاقستان, بىلەتىندەرىڭىزدەي, استانادا 2015 جىلى بىرقاتار سيريالىق وپپوزيتسيالىق توپتار اراسىندا كەلىسسوزدەردىڭ ەكى راۋندىن وتكىزدى, سونداي-اق 2016 جىلعى جەلتوقساندا سيريا حالقىنا 500 توننا كولەمىندە ىزگىلىك كومەك جەتكىزدى. 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قازاقستان وڭىرلىك جانە جاھاندىق قاۋىپسىزدىكپەن بايلانىستى ماسەلەلەردى شەشۋ جولىندا بارىنشا كۇش-جىگەر جۇمسايتىن بولادى جانە, بۇل رەتتە, سيريالىق داعدارىستى رەتتەۋ بويىنشا ۇدەرىسكە ءوزىنىڭ ۇلەسىن قوسۋعا دايىن.
