قاتار ەلشىسىن قابىلدادى

پارلامەنت سەناتىنىڭ توراعاسى قاسىم-جومارت توقاەۆ قاتار مەملەكەتىنىڭ قازاقستانداعى ەلشىسى احماد ءال-ءتاميميدى ونىڭ ءوتىنىشى بويىنشا قابىلدادى, دەپ حابارلادى سەناتتىڭ ءباسپاسوز قىزمەتى. توراعا ديپلوماتتى قا­زاق­­­ستانداعى قىزمەتىنىڭ باس­­تالۋى­مەن قۇتتىقتادى ءجا­نە ونىڭ جۇمىسى تابىستى بولۋى­نا تىلەكتەستىگىن ءبىل­دىر­دى. «قا­زاق­ستان الەمدىك قوعام­داس­تىق­تىڭ ىقپالدى مۇشە­سى ءارى قا­زىرگى زامانداعى تاياۋ شى­عىس­تاعى وركەندەگەن مەم­لەكەتتىڭ ءبىرى بولىپ تابىلاتىن قاتارمەن ءوزارا ءتيىمدى باي­لانىستاردى دامىتۋعا ءجا­نە تە­رەڭ­دەتۋگە ەرەكشە ءمان بەرەدى», – دەدى ق.توقاەۆ. سەنات توراعاسى سيريا­داعى جاعدايدى رەتتەۋ ءجونىن­دەگى استانادا ءوتىپ جاتقان كەلىس­سوزدەردىڭ تەڭدەسى جوق ەرەك­شە سيپاتى بار ەكەنىن اتاپ كورسەتتى. ولار ءبىر جاعى­نان بۇل شيەلەنىستى رەت­تەۋگە بۇكىل الەمدىك قوعامداستىقتىڭ نازارى اۋىپ وتىرعانىن, ەكىنشى جاعىنان قازاقستان الەۋەتىنىڭ جانە وسىناۋ كۇردەلى ىستەگى ەلباسى نۇرسۇلتان نازارباەۆتىڭ بەدەلى مەن ءادىل بىتىمگەر رەتىندە مويىندالعانىن پاش ەتتى: «ءبىزدىڭ ەلىمىز ءوزىن الەمدىك ديپلوماتياداعى جەتەكشى تۇعىرنامالاردىڭ ءبىرى رەتىندە كورسەتتى», – دەدى سەنات باسشىسى. ق.توقاەۆتىڭ پىكىرىنشە, وسى كەزدەسۋلەردىڭ ناتيجەلەرى قانداي بولسا دا, استانا ۇدەرىستەرى بۇل كۇردەلى ماسەلە بويىنشا الداعى جەنەۆاداعى كەلىسسوزدەرگە ەلەۋلى سەرپىن بەرەتىن بولادى.