140 مىڭنان استام ەل ازاماتى م ۇلىكتەرىن جاريا ەتتى

ەلىمىزدە سوڭعى ءۇش جىلدا جەكەشەلەندىرۋ اياسىندا ءىس جۇزىندە ساۋداعا 578 نىسان شىعارىلىپ, ونىڭ 394-ءى ساتىلدى. بۇل تۋرالى ورتالىق كوممۋنيكاتسيالار قىزمەتىندە جەكەشەلەندىرۋدىڭ «ەكىنشى تولقىنىنىڭ» ىسكە اسىرىلۋ ناتيجەلەرى جانە م ۇلىكتى جاريا ەتۋدىڭ قورىتىندىسىنا ارنالعان ءباسپاسوز ءماسليحاتىندا قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى توراعاسىنىڭ ورىنباسارى عالىمجان ىبىرايىموۆ ءمالىم ەتتى.  «2014-2016 جىلدارعا ار­نالعان ساتۋ كەستەسىنە سايكەس, ساتۋعا 629 نىسان جوس­پارلانعان. 2017 جىلدىڭ 1 قاڭ­تارداعى جاعداي بويىنشا ءىس جۇزىندە ساۋداعا 578 نىسان شىعارىلدى, ونىڭ 394-ءى ساتىلدى. رەسپۋبليكالىق مەنشىك بويىنشا – 25, كوممۋنالدىق مەنشىك بويىنشا – 201, الەۋمەتتىك-كاسىپ­كەرلىك كورپوراتسيالار بويىنشا – 97, حولدينگتەر بويىنشا – 71 نىسان ساتىلدى», – دەدى كوميتەت توراعاسىنىڭ ورىنباسارى. سونداي-اق, ول ساتۋدان ءتۇس­­كەن قا­را­جاتتىڭ قالاي ءبو­لىن­گەنىن ايتىپ بەردى. «رەسپۋبليكالىق بيۋدجەتكە – 8,4, وبلىستىق بيۋدجەت­تەر­گە – 16,9 حولدينگتەر­گە – 73,6 جانە الەۋمەتتىك كاسىپ­كەر­­لىك كورپوراتسيالارعا – 6,8 ملرد تەڭگە ءتۇستى», – دەپ اتاپ ءوتتى ع.ىبىرايىموۆ. ساۋدا-ساتتىق مەم­لەكەت­تىك پورتال ار­قىلى ەلەك­ترون­دىق فورماتتا ءجۇر­گى­زى­لەدى, بۇل جەكەشەلەندىرۋدىڭ ءمول­­دى­رلىگىن جانە اشىق­تى­عىن قامتاماسىز ەتۋگە ءمۇم­­كىندىك بەرەدى. سايكە­سىن­شە, ساۋدا-ساتتىق ءجۇر­گى­زى­لەتىن مەملەكەتتىك پور­تال­دىڭ قاۋىپ­سىزدىگى اسا ماڭىز­­دى بولىپ تابىلادى. بۇل وراي­دا, جۇيەنىڭ قاۋىپ­سىز­دىگىن قامتاماسىز ەتۋدىڭ ۇيىم­داستىرۋشىلىق جانە تەح­نيكالىق سيپاتتارىنا «اق­پاراتتىق-ەسەپتەۋ ورتالىعى» اق باسقارما توراعاسى جا­نا­سىل وسپانوۆ توقتالىپ ءوتتى. ونىڭ ايتۋىنشا, مەم­لە­كەتتىك اقپاراتتىق جۇيە اقپاراتتىق قاۋىپسىزدىكتىڭ ستاندارتتارى مەن بارلىق تالاپتارىنا سايكەس اتتەستاتتاۋدان وتكىزىلگەن. «اتتەستاتتاۋ قورى­تىن­دىسى بويىنشا اقپاراتتىق جۇيەنىڭ سەرۆەرلىك جانە باعدارلامالىق جاساقتاماسى بارلىق تالاپتارعا ساي بولىپ شىقتى. سەرۆەرلىك الاڭ سەنىمدىلىكتىڭ ەڭ جوعارعى 4-ءشى دەڭگەيىنە سايكەس كەلەدى. جۇيە قولدانۋشىلارىنىڭ ينتەرنەت ترافيگى قاۋىپسىزدىكتىڭ بارلىق شارالارىنان وتەدى جانە ءاردايىم باقىلاۋدا بولادى. سوندىقتان دا ءىس جۇزىندە جۇيەگە سىرتتان بىرەۋدىڭ ەنۋى مۇمكىن ەمەس», – دەپ اتاپ ءوتتى ج.وسپانوۆ. سونداي-اق, ول ساۋدا-سات­تىق قاتىسۋشىلارىنىڭ قان­داي دا ءبىر شاعىمدارى نەمەسە ۇسىنىستارى بولسا, كەز كەلگەن ۋاقىتتا Call-ور­تا­لىق­قا حابارلاسۋلارى­نا بولاتىنىن جەتكىزدى. بۇدان كەيىن جەدەل مونيتورينگ باسقارماسىنىڭ باسشىسى ەرلان ساعناەۆ م ۇلىكتى جاريا ەتۋ اكتسياسى اياقتالعانىن جەتكىزىپ, ونىڭ قورىتىندىسى بويىنشا بايانداما جاسادى. «م ۇلىكتى جاريا ەتۋ اك­تسياسىنىڭ مۇمكىندىكتەرىن ەلدىڭ 140 مىڭنان استام ازاماتى پايدالاندى. بارلىعى 5,7 ترلن تەڭگەگە اكتيۆتەر زاڭداستىرىلدى, ونىڭ ىشىندە اق­شالاي – 4,1 ترلن تەڭگە ءجا­نە م ۇلىك 1,6 ترلن تەڭگەنى قۇ­رايدى. جىلجىمايتىن ءمۇ­لى­كتىڭ 151 مىڭعا جۋىق نىسانى, سونداي-اق زاڭدى تۇل­عالارداعى قاتىسۋدىڭ 213 ۇلەسى جاريا ەتىلدى. اقشانى جاريا ەتۋ ءۇشىن بارلىعى 11 821 شوت اشىلدى. ەل ىشىندەگى اكتيۆتەر 5 ترلن تەڭگەگە, ال شەتەلدەگى اكتيۆتەر 700 ملرد تەڭگەگە جاقىن, ولاردىڭ 614 ملرد تەڭگەسى اقشامەن, 70 ملرد تەڭگەسى م ۇلىكپەن جاريا ەتىلدى», – دەپ مالىمدەدى باسقارما باسشىسى. ايدار ورىسباەۆ, «ەگەمەن قازاقستان»