17 ميللياردتان استام تەڭگەنى قۇرادى
وتكەن جىلى الداعى جىلىتۋ ماۋىسىمىن تالقىلاۋ بويىنشا ۇكىمەت وتىرىسىندا ەنەرگەتيكا ءمينيسترى قانات بوزىمباەۆ ەل پرەمەر-مينيسترىنە ءوتىنىش بىلدىرگەن. ول وبلىستىق اكىمدىكتەر باسشىلارىنا تۇتىنىلعان تابيعي گاز ءۇشىن جينالعان قارىزدى تولەۋ بويىنشا دەرەۋ شارا قابىلداۋدى تاپسىرۋدى سۇراعان. ونسىز, مينيستر سوزىنە قاراعاندا, قىسقى كەزەڭدە جىلۋ بەرۋدى كەشەۋىلدەتۋدەن قۇتىلۋ مۇمكىن ەمەس.
بىراق وسى مينيسترلەر كابينەتى باسشىسىنىڭ تاپسىرماسىنا قاراماستان, وبلىستار اكىمدىكتەرى وسى ماسەلەگە جەتكىلىكتى كوڭىل بولمەگەن. اناعۇرلىم ءىرى قارىزدار وڭىرلىك جىلۋمەن جابدىقتاۋ كاسىپورىندارىندا جينالىپ قالعان, بۇل رەتتە «قازترانسگاز» اق قانداي جاعداي بولسا دا تۇرعىنداردىڭ زارداپ شەكپەۋى ءۇشىن گاز بەرۋدى توقتاتقان جوق. دەگەنمەن, ەنەرگەتيكا ءمينيسترىنىڭ ەسكەرتۋى راسقا اينالىپ – وقو-دا جىلىتۋ ماۋسىمى كەلەڭسىزدىكتەرگە تاپ بولا باستادى. تاياۋ كۇندەرى قازترانسگاز ايماق جينالىپ قالعان ەكى ميلليارد تەڭگە قارىزى ءۇشىن شىمكەنت قالاسىنداعى 3-ءشى جىلۋ ەنەرگەتيكالىق ورتالىق تۇتىناتىن گاز كولەمىن ءبىرشاما قىسقارتتى. ادەتتەگىشە, قالا بيلىگى بەرىلەتىن وتىننىڭ كولەمىن قالپىنا كەلتىرۋدى سۇراپ وتىر جانە قارىزدى تولەۋگە ۋادە بەردى.
بۇگىنگى كۇنى قازاقستاندىق كاسىپورىنداردىڭ «قازترانسگاز ايماق» اق الدىنداعى تۇتىنىلعان گاز ءۇشىن بەرەشەگى 17 ملرد تەڭگەدەن اسىپ كەتتى. جاعداي الاڭداتارىلىق ەكەنىن ەسكەرە وتىرىپ, «قازترانسگاز ايماق» كومپانياسى قازاقستان وڭىرلەرى بويىنشا تۇتىنىلعان گاز ءۇشىن بەرەشەگىن قايتارماي وتىرعان كاسىپورىندار ءتىزىمىن جاريالادى.
وبلىستارداعى كاسىپورىنداردىڭ قارىزى بويىنشا العاندا ءتىزىم بىلايشا جاساقتالعان:
- ماڭعىستاۋ وبلىسى – 8,1 ملرد تەڭگە;
- وڭتۇستىك قازاقستان وبلىسى – 1,9 ملرد تەڭگە ءمولشەردە دەبيتورلىق قارىزى بار;
- الماتى – 1,8 ملرد تەڭگە;
- باتىس قازاقستان وبلىسى – 1,5 ملرد تەڭگەدەن استام;
- قوستاناي وبلىسى – 1 ملرد 406 ملن تەڭگە;
- اقتوبە وبلىسى – 821 ملن تەڭگە;
- جامبىل وبلىسى – 772 ملن تەڭگەدەن استام;
- قىزىلوردا وبلىسى – 743 ملن تەڭگەدەن استام;
- اتىراۋ وبلىسى – 86 ملن تەڭگەدەن استام;
- الماتى وبلىسى – 16,1 ملن تەڭگە.
