جوسپاردىڭ شەڭبەرىندە وتكەن جىلى تاماق ونەركاسىبىنىڭ اسپازدىق, نان جانە نان-توقاش, ەت, شۇجىق ونىمدەرىن, سىرا-الكوگولسىز سۋسىندار مەن اۋىز سۋ ءوندىرۋشى كاسىپورىنداردىڭ باسشىلارىمەن 30 سەمينار-كەڭەس وتكىزىلدى. بازارلاردىڭ, قوعامدىق تاماقتانۋ ورىندارىنىڭ, ساۋدا نۇكتەلەرىنىڭ جانە باسقا دا شوب نىساندارىنىڭ يەلەرىنە كەڭەستەر بەرىلدى. سونىمەن بىرگە, ايرىقشا ءتارتىپ بويىنشا (جوسپارلى) جانە جوسپاردان تىس نەگىزدە مەيرامحانالار, ءدامحانالار, اسحانالار, فەستفۋد جانە باسقا دا كاسىپورىندار 238 قوعامدىق تاماقتانۋ نىسانى جانە 180 ساۋدا نىسانى تەكسەرىلدى. ناتيجەسىندە, 326 كاسىپورىننىڭ يەسى جالپى سوماسى 14 200 ملن تەڭگە كولەمىندە ايىپپۇل سالۋمەن اكىمشىلىك جاۋاپكەرشىلىككە تارتىلدى, جۇمىسقا رۇقسات بەرەتىن مەديتسينالىق كىتاپشالاردىڭ بولماعانى ءۇشىن 596 ادام جۇمىستان شەتتەتىلدى. كاسىپورىن باسشىلارىنىڭ اتىنا حالىقتىڭ سانيتارلىق-ەپيدەميولوگيالىق ساۋلىعى سالاسىنداعى قازاقستان رەسپۋبليكاسىنىڭ زاڭ تالاپتارىن بۇزۋدى جويۋ تۋرالى 326 ۇيعارىم جولداندى. قايتالاما تەكسەرۋلەر بارىسىندا ۇيعارىمداردىڭ نەگىزگى بولىگى بەلگىلەنگەن مەرزىمدە ورىندالعانى انىقتالدى, تەك ەسكەرتۋدى ەلەمەگەن بەس قوعامدىق تاماقتانۋ كاسىپورنى مەن ءۇش ساۋدا نىسانىنىڭ ماتەريالدارى 462 ب. 3 ب. بويىنشا ءتيىستى شارالار قابىلداۋ ءۇشىن اۋدانارالىق اكىمشىلىك سوتقا جولداندى.
