بۇگىن «ەگەمەن قازاقستان» گازەتىنىڭ ۇجىمى اسقارالى 63 جاسقا كەلگەن بەلگىلى جۋرناليست ءاليسۇلتان قۇلانبايعا قۇرمەت كورسەتىپ, تۋعان كۇنىمەن قۇتتىقتادى. گازەت باسشىسى دارحان قىدىرالى ارداگەر ءجۋرناليستىڭ ۇزاق جىلعى ەڭبەك جولىنىڭ جاستارعا ۇلگى ەكەنىن ايتىپ, باسىلىم اتىنان ەستەلىك سىيلىق تارتۋ ەتتى.
قۇتتىقتاۋ جينالىسىندا مارات اققۇل, ەركىن قىدىر, سەيفوللا شايىنعازى, قاراشاش توقسانباي سىندى ارىپتەستەرى ءسوز الىپ, ءاليسۇلتان قۇلانبايدىڭ قالامگەرلىك قۋاتى, كىسىلىك بولمىسى, اسىرەسە «اسىل ادام اينىماس» دەگەن قاعيداعا ساي وزىندىك ءومىر ءسۇرۋ پرينتسيپتەرىنە بەرىكتىگى جايىن اسا ريزاشىلىقپەن جەتكىزدى.
ەل مەن جەر سىرىنا قانىق, اتى شالدىقپاس, قورجىنى اۋماس ۇزاق جولدىڭ كانىگى جولاۋشىسىنداي 63 جاسقا اپتىقپاي جەتكەن ارىپتەسىمىزدىڭ وتباسىنا اماندىق, دەنىنە ساۋلىق, الاسارماس ابىروي تىلەيمىز.
