ەسىرتكىگە قارسى كۇرەس ەكپىن الدى

بۇگىندە ءبىر ەلدى عانا ەمەس, ءال­ەمدى جايلاعان ەسىرتكى ماسەلەسى ءورشىپ تۇر. وعان قارسى كۇرەس ءجۇر­گىزۋ ءۇشىن دۇنيە ءجۇزى مەملەكەتتەرى ايانىپ قالىپ جاتقان جوق. سونىڭ ىشىندە قازاقستان دا ەس­ىرت­كىگە قارسى كۇرەستە مەملەكەتتىك ساياسات جۇرگىزىپ, ناشا­قور­لىق­قا جانە ەسىرتكى بيزنەسىنە قارسى كۇرەستىڭ باعدارلاماسىن ىسكە اسى­رۋدا. ول باعدارلامانى ىسكە اسى­رۋ­عا بيۋدجەتتەن 38 ملرد. تەڭ­گە ءبو­لىندى. از قاراجات ەمەس. سون­دىقتان وسى كەزگە دەيىن دە بۇل كەسەلمەن كۇرەسكە ەل بولىپ بىلەك تۇرە كىرىسكەنىمىز بەلگىلى. ناتيجە دە جوق ەمەس. دەگەنمەن ەندى ونىڭ ودان ءارى ءورىسىن كەڭەيتىپ, جاستى دا, كارىنى دە جالماعان ج ۇلىن­قۇر­تىن مۇلدە ج ۇلىپ تاستاۋعا جان-جاق­تى جاعداي جاساۋدىڭ جا­ڭا جو­لى قاجەتتىگىن ۋاقىتتىڭ ءوزى العا تارتتى. مىنە, سوعان وراي كەشە قازاقستاننىڭ شانحاي ىنتى­ماق­تاس­تىق ۇيىمىنا توراعالىق ەتۋ شەڭ­بەرىندە ەسىرتكىنىڭ زاڭسىز اي­نا­لىمىنا قارسى كۇرەس وكىلەت­تىلىگى بەرىلگەن شىۇ مۇشە مەم­لەكەتتەردىڭ قۇزىرەتتى ورگاندارى باس­شىلارىنىڭ كەڭەسى بولىپ ءوتتى. وندا نەگىزگى ماسەلە رەتىندە ەس­ىرتكى بيزنەسىنە بىرىگىپ قارسى تۇرۋ, ءوزارا ىنتىماقتاستىق جاع­داي­ىندا زاڭسىز ەسىرتكى اينا­لى­مىنا قارسى كۇرەستە كەلىسىمدى ءىس-قيمىل جاساسۋ جاعدايى قارالدى. سوندىقتان بۇل وزەكتى ماسەلەنى تالقىلاۋعا قازاقستان جاعىنان ىشكى ىستەر ءمينيسترى س. بايما­عان­بەتوۆ, قىتاي حالىق رەسپۋب­لي­كا­سىنىڭ قوعامدىق قاۋىپسىزدىك ءمينيسترىنىڭ ورىنباسارى چجان سينفەن, قىرعىز رەسپۋبلي­كا­سى­نىڭ ەسىرتكىنى باقىلاۋ جونىندەگى مەملەكەتتىك قىزمەتىنىڭ توراعاسى ۆيتالي وروزاليەۆ, رەسەي فە­دەراتسياسىنىڭ ەسىرتكى اينالى­مىن باقىلاۋ جونىندەگى فەدە­رال­دىق قىزمەتى ديرەكتورىنىڭ ور­ىن­باسارى ولەگ سافونوۆ, تاجىك­ستان رەسپۋبليكاسى پرەزيدەن­تى­نىڭ جانىنداعى ەسىرتكىنى باقىلاۋ جونىندەگى اگەنتتىك توراعاسىنىڭ ءبىرىنشى ورىنباسارى ۆايسيدين ازاماتوۆ, وزبەكستان رەسپۋب­لي­كا­سى مينيسترلەر كابينەتىنىڭ جا­نىنداعى ەسىرتكىنى باقىلاۋ ءجو­­نىندەگى ۇلتتىق اقپاراتتىق-سا­راپ­تاما ورتالىعىنىڭ ديرەك­تو­رى راحماتۋللا مۋحامەدوۆ جانە شىۇ-نىڭ باس حاتشىسى, شىۇ تەرروريزمگە قارسى وڭىرلىك قۇرى­لىمدىق اتقارۋشى كوميتەتىنىڭ ديرەكتورى, ت.ب. قاتىستى. قازىرگى تاڭدا اۋعانستانداعى جاعداي, ەسىرتكى ترافيگىنىڭ اۋقى­مى تالداۋدىڭ بىرلەسكەن تەتىگىن قۇرۋدى, ەسىرتكى احۋالىنىڭ ءور­شۋى­نە جول بەرمەۋدى تالاپ ەتەدى. سوندىقتان كەڭەس بارىسىندا ەس­ىرتكىگە قارسى ۆەدومستۆولار باس­شى­لارى سىندارلى جاعدايدا حا­لىق­ارالىق ىنتىماقتاستىقتى دا­مىتۋ ماسەلەلەرىن ورتاعا سال­دى. سونىمەن قاتار, ولار شىۇ-عا مۇشە مەملەكەتتەر اراسىندا ەسىرتكى قۇرالدارى, پسيحوتروپتىق زاتتار مەن ولاردىڭ زاڭسىز اي­نالىمىنا قارسى كۇرەستە ءوز ەلدەرىندە ىنتىماقتاستىق تۋرالى كەلىسىمدى ىسكە اسىرۋ ناتيجەلەرى جونىندە ايتىپ ءوتتى. ال كەڭەستىڭ باستى ماقساتى 2011-2016 جىل­دارعا ارنالعان شىۇ-عا مۇشە مەملەكەتتەردىڭ ەسىرتكىگە قارسى ستراتەگياسىنىڭ جانە ونى ىسكە اسىرۋ باعدارلاماسى جوباسىن تال­قىلاۋ بولدى. اتالعان ستراتەگيا ۇيىم كە­ڭىستىگىندە زاڭسىز ەسىرتكى اينا­لى­مىنا قارسى ءىس-قيمىل جاساسۋ, نا­شاقورلىقتىڭ الدىن الۋ, ەس­ىرتكىگە تاۋەلدى ادامداردى ەمدەۋ جانە وڭالتۋ جۇيەسىن جەتىلدىرۋ بويىن­شا باعىتتاردى انىقتاي­دى. وسى ەسىرتكىگە قارسى ستراتەگيا شەڭبە­رىندە شىۇ-عا مۇشە مەملەكەت­تەر­دىڭ بىرلەسكەن قۋاتى ەسىرتكىنىڭ زاڭسىز اينالىمىنا قارسى كۇرەس­تىڭ ءتيىمدى قۇرالى بولىپ تابىلادى. الەكساندر تاسبولاتوۆ.