عالىمدار بالمۇزداقتىڭ دەنساۋلىققا زيانى بارىن انىقتادى

امەريكالىق عالىمدار بالمۇزداق پەن ونىڭ قۇرامىنداعى قوسپالارى ادام دەنساۋلىعىنا زياندى ەكەنىن انىقتادى. بۇل تۋرالى mir24.tv حابارلادى. بالمۇزداق جۇرەك-قان تامىرلارى جۇيەسىنىڭ اۋرۋىن ورشىتەتىندىكتەن ماماندار ءتاتتى تاعامنىڭ زيانسىز ءتۇرىن دايىنداۋعا كىرىسىپ كەتتى. مالىمەتتەر بويىنشا ونىڭ ىشىنە ينسۋلت پەن جۇرەك تالماسىنىڭ الدىن الاتىن, سونداي-اق سۋىق تەمپەراتۋرا كەزىندە دە وزىندىك قاسيەتتەرىن ساقتاپ قالاتىن پاليفەنول كىرەدى. ول جاڭعاقتىڭ, كەپتىرىلگەن جەمىستىڭ جانە قارا شوكولادتىڭ ءبىر بولىگى بولىپ ەسەپتەلەدى. ماماندار 14 ەرىكتىنىڭ قاتىسۋىمەن بالمۇزداقتى جاڭعاقپەن جانە كاكاومەن ارالاستىرىپ ءدامىن تاتقىزعان. ناتيجەسىندە, ادام بويىنداعى قان اينالىمى مەن فيزيكالىق قالپى جاقسارا تۇسكەن. اناليز جۇمىستارى اياقتالعاننان كەيىن قان قۇرامىندا ارتەريانى ەمدەيتىن وكسيد ازوتىنىڭ كوپ بولىگى بار ەكەندىگى دە بەلگىلى بولدى. سونىمەن قاتار, پروفيلاكتيكا رەتىندە كۇندەلىكتى پايدالانۋ ءۇشىن عالىمدار پوليفەنولدى ءدارى كۇيىندە ازىرلەپ شىعۋدى ۇسىنىپ وتىر.