استانا پروتسەسىنەن 389 شەتەلدىك جۋرناليست حابار تاراتادى

استانا پروتسەسىنەن 320 شەتەلدىك جۋرناليست حابار تاراتادى. بۇل تۋرالى بۇگىن قر سىرتقى ىستەر ءمينيسترىنىڭ ورىنباسارى رومان ۆاسيلەنكو ايتتى. «باق وكىلدەرى كەلىسسوزدەر باسىندا عانا فوتو جانە ۆيدەو تۇسىرىلىمگە جىبەرىلەدى. ويتكەنى, ونىڭ نەگىزگى بولىگى جابىق رەجىمدە وتەدى. وزدەرىڭىزبەن بىرگە بايقاپ وتىرعانىمىزداي, قازىرگى ۋاقىتتا استاناداعى سيرياارالىق كەلىسسوزدەرگە (استانا پروتسەسى) حالىقارالىق قوعامداستىقتىڭ قىزىعۋشىلىعى وتە جوعارى. جاھاندىق قاۋىپسىزدىك ءۇشىن سيريالىق داعدارىستىڭ وزەكتىلىگىن ەسكەرسەك, بۇل بارىنشا كۇتىلگەن جايت», - دەدى ول. ونىڭ ايتۋىنشا, استانا پروتسەسىنەن حابار تاراتۋ ءۇشىن تىركەلگەن شەتەلدىك جانە قازاقستاندىق بۇقارالىق اقپارات قۇرالدارىنىڭ وكىلدەرى وتە كوپ بولدى. «ءبىز 320 شەتەلدىك جانە 120 قازاقستاندىق ءجۋرناليستى تىركەدىك. ولار اقپارات جانە كوممۋنيكاتسيالار مينيسترلىگى «قازمەديا» عيماراتىندا ارنايى ۇيىمداستىرعان ءباسپاسوز ورتالىعىندا جۇمىس ىستەيتىن بولادى. ءدال سول جەردە كەزدەسۋدىڭ اشىلۋ ءراسىمى تىكەلەي كورسەتىلەدى», - دەدى ۆاسيلەنكو. كەلىسسوزدەر باستالعان كەزدە «بۇگىنگى كەلىسسوزدەردىڭ بىرقاتار مودالدىلىعى بويىنشا ءباسپاسوز ءماسليحاتىن وتكىزدىم جانە ماڭىزدى تۇزەتۋ جاساۋ قاجەت. مەن ءمالىم ەتكەندەي, اككرەديتتەلگەن شەتەلدىك باق سانى 320 ەمەس - 389. شەتەلدىك باق  سانى بويىنشا بۇل مەنىڭ ەسىمدە قالعان ەقىۇ سامميتىنەن كەيىنگى ەكىنشى كورسەتكىش», - دەدى ول. سونىمەن قاتار ول كەزدەسۋگە قاتىسۋشىلار قورىتىندى ءباسپاسوز ءماسليحاتىن وتكىزەتىن بولسا, ول دا «قازمەديا» ورتالىعىندا ۇيىمداستىرىلاتىنىن ايتتى.