مۇناي باعاسى اپتانى جايلى باستادى

لوندون بيرجاسىندا استانا ۋاقىتىمەن تاڭعى ساعات 11:00-دە Brent ماركالى مۇنايى باررەلىنە 55,46 دوللارعا كوتەرىلدى. وتكەن اپتا, 20 قاڭتار كۇنى استانا ۋاقىتىمەن تۇسكى 13:00-دەن كەشكى 21:00-گە دەيىن قارا التىننىڭ برەنت ماركاسى 54,45 دوللاردان 55,40 دوللارعا دەيىن كوتەرىلگەن ەدى. ال بۇگىن مۇنايدىڭ WTI ماركاسىنىڭ باعاسى باررەلىنە 53,16 دوللارعا جەتتى. ءوز كەزەگىندە تەڭگەنىڭ دوللاردىڭ ورتاشا باعامى 331,66-نى قۇرادى. KASE اقپاراتىنا سايكەس, اقش دوللارىنا قاتىستى ساۋدانىڭ تومەنگى كۋرسى 331,30 تەڭگەنى قۇرادى. جوعارعى كۋرس – 332,00 تەڭگە, ساۋدانىڭ اياقتالۋى كەزىندە 331,30 تەڭگە بولدى. تاڭعى سەسسيادا ساۋدا كولەمى 44 ملن 050 مىڭ دوللار بولدى. ۆاليۋتا وپەراتسياسىنا بايلانىستى كەلىسىم سانى — 103. اقشا ايىرباستاۋ ورىندارىندا 23 قاڭتارداعى دوللاردىڭ جوعارى كۋرسى (الماتى ۋاقىتىمەن – 11:00) الماتىدا 331,8 تەڭگەنى قۇراعان. ايتا كەتەيىك, 2016 جىلدىڭ 5 قاڭتارىنان باستاپ شەتەل ۆاليۋتالارىنا قاتىستى تەڭگە كۋرسىن بەلگىلەۋ تۋرالى ەرەجەگە وزگەرىستەر مەن تولىقتىرۋلار ەنگىزىلدى. ەندى دوللارعا قاتىستى تەڭگەنىڭ ورتاشا رەسمي باعامى قازاقستان قور بيرجاسىنداعى تاڭعى جانە كۇندىزگى سەسسيا قورىتىندىسى بويىنشا بەلگىلەنەدى.