استانا پروتسەسىنە قاتىسۋشىلار ەلورداعا جينالدى

استانا پروتسەسىنە قاتىسۋشىلار كەلىسسوز وتكىزۋگە دايىندالۋدا. بۇل تۋرالى بۇگىن قر سىرتقى ىستەر ءمينيسترىنىڭ ورىنباسارى رومان ۆاسيلەنكو ءمالىم ەتتى, دەپ حابارلايدى قازاقپارات. «سيريالىق رەتتەۋ بويىنشا كەزدەسۋ (استانا پروتسەسى) رەسەي مەن تۇركيا پرەزيدەنتتەرىنىڭ باستاماسىمەن وتۋدە. وعان قر پرەزيدەنتى نۇرسۇلتان نازارباەۆ جان-جاقتى قولداۋ كورسەتكەن بولاتىن. بۇل رەتتە قازاقستان رەسپۋبليكاسىنىڭ سيرياارالىق كەلىسسوزدەر ءۇشىن تەك قانا الاڭ ۇسىناتىندىعىن, كەلىسسوزدەر پروتسەسىنە ارالاسپايتىندىعىن تۇبەگەيلى ءتۇسىنۋ اسا ماڭىزدى», - دەدى ول. ۆاسيلەنكونىڭ سوزىنە قاراعاندا, استانا پروتسەسىنە سيريا ۇكىمەتىنىڭ, قارۋلى سيريالىق وپپوزيتسياسىنىڭ, رەسەي, تۇركيا جانە يراننىڭ وكىلدەرى قاتىسادى. «سونىمەن قاتار, بۇۇ باس حاتشىسىنىڭ سيريا جونىندەگى ارناۋلى ەلشىسى مەن اقش-تىڭ قازاقستانداعى ەلشىسى دە قاتىساتىن بولادى. بارلىق دەلەگاتسيالاردىڭ باسشىلارى استاناعا قازىرگى ۋاقىتتا كەلدى جانە كەلىسسوزدەردى باستاۋعا دايىندالۋدا. كەلىسسوزدەر استانا ۋاقىتىمەن ساعات 13.00-دە «ريكسوس» قوناق ءۇيى زالدارىنىڭ بىرىندە باستالادى جانە 24 قاڭتار كۇنىنىڭ سوڭىنا دەيىن اياقتالۋى ءتيىس», - دەدى قر سىرتقى ىستەر ءمينيسترىنىڭ ورىنباسارى.