وڭتۇستىك قازاقستان وبلىسىندا وندىرلەتىن اۋىل شارۋاشىلىعى ونىمدەرى مەن ەت ەكسپورتىنىڭ كولەمى ارتىپ كەلەدى. جالپى وتكەن جىلدىڭ 11 ايى بويىنشا وبلىستان 195 ملن. اقش دوللارى بولاتىن اۋىل شارۋاشىلىق جانە ازىق-ت ۇلىك ونىمدەرى ەكسپورتتالسا, ونىڭ كولەمى 1,3 ملن. توننانى قۇرادى. بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆ ءمالىم ەتتى, دەپ جازادى وقو اكىمىنىڭ ءباسپاسوز قىزمەتى.
ونىڭ ايتۋىنشا, 2016 جىلى وبلىستان ەتكە 6 700 باس ۇساق مال, 400 باس ءىرى قارا مال مەن 200-گە تارتا جىلقى ەتى ەكسپورتتالدى. ونىڭ ىشىندە «قايىپ اتا» جشس بىرىككەن اراب امىرلىگىنىڭ MYCo Trading FZE كومپانياسىمەن بىرلەسە وتىرىپ 2000 باس قويدى فۋدجەيرا قالاسىنا جەتكىزگەن. الداعى ۋاقىتتا قويدى ەكسپورتقا شىعارۋ بويىنشا كەلىسسوزدەر جۇرگىزىلسە, يراندىق GO HARD TALAYI PASARGAD كومپانياسىمەن جىلىنا 3 مىڭ توننا قوي ەتىن ەكسپورتتاۋ بويىنشا كەلىسىم-شارتقا قول قويىلعان. سونىمەن قاتار, قوي مەن ءىرى قارا مال ەتىن يراك, ساۋد ارابيا, قىتاي ەلدەرىنە ەكسپورتتاۋ بويىنشا كەلىسسوزدەر جۇرگىزىلۋدە.
«بۇل باعىتتاعى جۇمىستار ەلباسىنىڭ ۇلت جوسپارى – بەس ينستيتۋتسيونالدىق رەفورماسىن جۇزەگە اسىرۋدىڭ 100 ناقتى قادامىنىڭ 61 قادامىندا كورسەتىلگەن ەت ءوندىرىسى مەن وڭدەۋدى دامىتۋ ءۇشىن ستراتەگيالىق ينۆەستورلاردى تارتۋ بويىنشا اتقارىلعان جۇمىستاردىڭ ناتيجەسى ەكەنىن باسقارما باسشىسى اتاپ ءوتتى. سونىمەن قاتار, وڭىردە 2016 جىلى جىلىنا 6 مىڭ توننا ەت وڭدەيتىن «قايىپ اتا» جشس-ءنىڭ ەت كومبيناتى ىسكە قوسىلدى. اتالعان كومبينات حالىقارالىق ستاندارتتارعا ساي حالال ەت وڭدەيدى. جانە قۋاتتىلىعى 3000 باس ءىرى قارا مالدى بورداقىلاۋعا ارنالعان 2 جوبا جۇزەگە اسىرىلدى. وسىلايشا ءبىز وبلىس تۇرعىندارىن ەتپەن 157 پايىزعا قامتىپ وتىرمىز», - دەدى سەرىك تۇربەكوۆ.
