قوستاناي وبلىسىندا 24 مىڭ ادام باسپانا كەزەگىندە تۇر

  وتكەن جىلى وبلىستا سالىنعان تۇرعىن ءۇي قۇرىلىسى 5 پايىزعا ارتىق ورىندالدى. 195 مىڭ شارشى مەتر پاتەر پايدالانۋعا بەرىلىپ, 1700 وتباسى قونىس تويىن تويلادى. الايدا, وبلىس بويىنشا 24 ادام ادام پاتەر كەزەگىنە تۇرعانىن ەسكەرە كەتكەن ءجون. وبلىس اكىمدىگىنىڭ كەڭەيتىلگەن ماجىلىسىندە وبلىس اكىمى ارحيمەد مۇحامبەتوۆ الداعى بەس جىلدا پاتەر كەزەگىن ايتارلىقتاي قىسقارتۋ كەرەكتىگىن ايتتى. «ءوڭىردى دامىتۋ باعدارلاماسى اياسىندا وبلىس ورتالىعىندا وتكەن جىلى جالعا بەرەتىن 2 ءۇي نەسيەگە سالىندى. «نۇرلى جول» باعدارلاماسى بويىنشا وبلىس اكىمدىگىنىڭ قۇندى قاعازداردى ورنالاستىرۋ جانە قوسىمشا قارجى تارتۋ جولىمەن اتقارعان جۇمىسىنىڭ ارقاسىندا 9 ءۇيدىڭ قۇرىلىسى باستالدى. قوستاناي قالاسىندا – 7, قوستاناي اۋدانىندا 2 ءۇي سالىنادى, 37,5 مىڭ شارشى مەتر. ونىڭ ىشىندە 8 ءۇيدىڭ قۇرىلىسى بيىل بىتەدى», – دەدى وبلىس اكىمىنىڭ ورىنباسارى روزا كەمالوۆا. مۇنىڭ سىرتىندا «بايتەرەك» ۇلتتىق حولدينگىمەن بىرلەسىپ, 46 مىڭ شارشى مەتر بولاتىن ءۇي سالىنىپ, ونىڭ دا قۇرىلىسى وسى جىلى اياقتالادى. ءنازيرا جارىمبەتوۆا «ەگەمەن قازاقستان»