توپجارعاندار

ەلىمىزدىڭ سولتۇستىك وڭىرلەرىندە قازىر حوككەيدىڭ ناعىز قىزعان شاعى دەسە بولادى. وسى كۇندەرى ءتورت بىردەي قالادا حوككەيدەن قازاقستان چەمپيوناتىنىڭ جارتىلاي فينالىنا شىققان كوماندالاردىڭ ويىندارى ءوتىپ, جەڭىمپاز اتانعان ەكى ۇجىم فينالعا جولداما الدى. ءسويتىپ, «بارىس-2» (استانا), «سارىارقا» (قاراعاندى), «ەرتىس-پاۆلودار» (پاۆلودار) مەن «بەي­بارىس» (اتىراۋ) كوماندالارى ارا­سىندا وتكەن ماتچتاردا قارسى­لاستارىنان باسىم تۇسكەن ەلور­دا­لىق حوككەيشىلەر مەن اتىراۋ­لىق­تار 2010-2011 جىلعى ەل چەم­پيو­نى اتاعى ءۇشىن كۇرەسەتىن بولادى. بۇل ەكى كوماندانىڭ العاشقى كەزدەسۋىن 6-7 ءساۋىر كۇندەرى استانادا وتكىزۋ جوسپارلانۋدا. جالپى, بيىلعى قازاقستان چەم­پيوناتىنا 10 كوماندا قاتىس­تى. وندا كوماندالار ءۇش كەزەڭ بويىنشا كۇش سىناستى. ءبىرىنشى كەزەڭدە قارسىلاستار ءوزارا ءتورت كەزدەسۋ وتكىزىپ, 1-10 ورىن ءۇشىن ويناسا, ەكىنشى كەزەڭ ەكى اينا­لىم­عا ءبولىنىپ, وندا جاقسى كورسەت­كىشكە يە بولعان ۇجىمدارعا كەلەسى اينالىمعا شىعۋعا باسىمدىق بەرىلدى. ال ءۇشىنشى پلەي-وفف كە­زە­ڭىنە الدىڭعى ەكى كەزەڭدە ۇزدىك ناتيجە كورسەتكەن 8 كوماندا جولداما الدى. وسى پلەي-وففتىڭ ءبىرىنشى اينالىمىنان سۇرىنبەي ءوت­كەندەر ەكىنشى اينالىمعا شىعىپ, باسەكەلەستى. ولاردىڭ اراسىندا جوعارىدا اتاپ وتكەن «بارىس-2» (استانا), «سارىارقا» (قاراعان­دى), «ەرتىس-پاۆلودار» (پاۆلودار) مەن «بەيبارىس» (اتىراۋ) كومان­دا­لارى بار. جارتىلاي فينالدىڭ ەكىنشى اينالىمى باسقا كەزدەسۋلەرگە قا­را­عاندا قىزىقتى جانە تارتىستى ءوتتى دەۋگە بولادى. «بارىس-2» مەن «سارىارقا» اراسىندا وتكەن ءبا­سەكەدە استانالىقتار بارلىق جا­عىنان باسىمدىق تانىتتى. ءما­سەلەن, قاراعاندىدا وتكەن ءبىرىنشى ويىندا الاڭ يەلەرى 2:4 ەسەبىمەن جەڭىلسە, كەلەسى ماتچتا 4:1 ەسەبىمەن ۇتتى. استانادا وتكەن وي­ىن­داردا دا ءدال وسىنداي جاعداي قاي­تالاندى. ءبىرىنشى كەزدەسۋدە الاڭ يەلەرى 2:1 ەسەبىمەن جەڭسە, ەكىنشىسىندە 1:4 ەسەبىمەن ۇتىلدى. قا­را­عاندىدا وتكەن بەسىنشى جانە التىنشى ماتچتاردىڭ بىرىنشىسىندە قوناقتار 3:1 ەسەبىمەن جەڭسە, ەكىنشىسىندە الاڭ يەلەرى 7:1 ەسەبىمەن باسىم ءتۇستى. ال سوڭعى استانادا وتكەن ەكى كەزدەسۋ دە الاڭ يەلەرىنىڭ پايداسىنا شەشىلدى. ەڭ سوڭعى ويىندا «بارىس-2» قوناق­تاردى 3:0 ەسەبىمەن ۇتتى. ەكىنشى قارسىلاستاردىڭ كەزدەسۋىندە اتىراۋدىڭ «بەيبارىس» كو­مانداسى ەرلان ساعىمباەۆتىڭ شاكىرتتەرىن التى ويىننىڭ ءناتي­جەسىندە ءتورت رەت جەڭىپ, فينالعا جولداما الدى. وسى ويىنداردا سو­عىلعان 25 شايبانىڭ 15-ءىن اتى­راۋلىقتار قاقپاعا توعىتتى. قورىتا ايتقاندا, حوككەيدەن ەل چەمپيوناتى 1992 جىلدان بەرى وتكىزىلىپ كەلە جاتقانى بەلگىلى. وسى ارالىقتا وسكەمەننىڭ «قاز­تسينك-تورپەدو» كومانداسى 13 رەت قازاقستان چەمپيونى اتاندى. قا­زىر بۇل ۇجىم رەسەيدىڭ اشىق بىرىنشىلىگىندە ونەر كورسەتۋدە. ود­ان كەيىن 2007-2008 جانە 2008-2009 جىلدارى استانانىڭ «با­رىس» كومانداسىنىڭ مەرەيى ۇستەم بولدى. بۇل كوماندا دا قازىر قۇر­لىقتىق حوككەي ليگاسىندا باق سى­ناسۋدا. سونىمەن بىرگە ەل چەم­پيو­نى اتاعىن تەمىرتاۋدىڭ «بولات» (1998-1999) پەن قاراعاندىنىڭ «سارىارقا» (2005-2006) ۇجىمدا­رى ءبىر-ءبىر رەت يەلەندى. داستان كەنجالين.