قاراعاندىدا جىلى ايالداما ورناتىلدى

قاراعاندىدا ءبىرىنشى جىلى ايالدامانىڭ سالتاناتتى اشىلۋى ءوتتى. ەندى قالا تۇرعىندارى ءوز اۆتوبۋستارىن جىلى جەردە كۇتىپ قانا قويماي, تاماقتانىپ, وزىنە قاجەتتى كولىكتى مونيتوردان باقىلاۋعا مۇمكىندىك الادى, دەپ جازادى ekaraganda.kz. قاراعاندى قالاسىنىڭ اكىمى نۇرلان اۋباكىروۆتىڭ ايتۋىنشا, ماڭىزدى جوبا مەملەكەتتىك-جەكە سەرىكتەستىكتىڭ ارقاسىندا ىسكە اسقان. ايالداما ءۇش بولىكتەن تۇرادى. ءبىرىنشى بولىمىندە فاستفۋد, ەكىنشى بولىمىندە شاتىرى اشىق الاڭ مەن اعاش ورىندىق, ال ۇشىنشىسىندە جولاۋشىلاردىڭ جىلىناتىن ورنى بار. «الماتىلىق كاسىپكەرلەر بىزبەن سويلەسىپ, وسىنداي پاۆيلونداردى ءبىزدىڭ قالامىزدا اشۋعا ۇسىنىس ءبىلدىردى. ءبىرىنشى ورىندى گوگول كوشەسىندە تاڭدادى, سەبەبى مۇندا كولىكتەر مەن ادامدار سانى كوپ», - دەپ ايتتى قالا باسشىسى. ايتا كەتەيىك, كەشەندى ايالداما پاۆيلونىن جاساۋعا شىنىنى ەسەپتەمەگەندە تەك قازاقستاندىق شيكىزات قولدانىلدى. جوبانى جۇزەگە اسىرۋ بارىسىندا 8 جاڭا جۇمىس ورنى اشىلدى. جىلى ايالداما قوعامدىق كولىك جۇمىس جاسايتىن ۋاقىتتا - 05:00-دەن 22:00-گە دەيىن اشىق بولادى. تۇنگى ۋاقىتتا جابىلادى. قاۋىپسىزدىكتى قامتاماسىز ەتۋ ماقساتىندا ۆيدەوباقىلاۋ كامەرالارى ورناتىلعان.