قوستاناي وبلىسى اكىمىنىڭ جاڭا ورىنباسارى تاعايىندالدى

مىرزاليەۆ مەيىرجان ياباي ۇلى وبلىس اكىمىنىڭ ورىنباسارى بولىپ تاعايىندالدى. ول وبلىستا ينۆەستيتسيا تارتۋ, ەكسپورتتى العى جىلجىتۋ, يندۋستريالاندىرۋ مەن كاسىپكەرلىكتى دامىتۋ ماسەلەلەرىنە جەتەكشىلىك ەتەتىن بولادى. مەيىرجان مىرزاليەۆ 1980 جىلى تۋعان, 2016 جىلى اقش-تاعى سەنفورد  حالىقارالىق مەملەكەتتىك ساياسات   مەكتەبىنەن ماگيستر دارەجەسىن العان, ديۋك ۋنيۆەرسيتەتىندە ءبىلىم العان. قر پرەزيدەنتى جانىنداعى مەملەكەتتىك ساياسات ۇلتتىق مەكتەبىنىڭ تۇلەگى. م.لومونوسوۆ اتىنداعى موسكۆا ۋنيۆەرسيتەتىن «ەكونوميكا جانە باسقارۋ» ماماندىعى بويىنشا ۇزدىك بىتىرگەن. قازاق مەملەكەتتىك زاڭ ۋنيۆەرسيتەتىن زاڭگەر ماماندىعى بويىنشا تامامداعان. ەڭبەك جولىن 2003 جىلى الماتى قالاسىنىڭ اكىمشىلىگىندە باستاعان. 2008 جىلى پرەمەر-ءمينيستردىڭ كانتسەليارياسىندا باس ساراپتاۋشىدان   بيزنەس-ورتا مەن يننوۆاتسيا سەكتورىنىڭ مەڭگەرۋشىسىنە دەيىنگى قىزمەتتەردە بولدى. سودان كەيىن پرەمەر-ءمينيستردىڭ مەملەكەتتىك رەتتەۋ سەكتورىندا قىزمەت ەتتى. 2015 جىلى ۆاشينگتوندا دۇنيەجۇزىلىك بانكتىڭ (IFC) قارجى كورپوراتسياسىندا اۋىل شارۋاشىلىعى بيزنەسىن دامىتۋ كومانداسى قۇرامىندا كاسىبي ستاجيروۆكادان وتكەن. ۇيلەنگەن, ەكى قىز تاربيەلەپ وتىر. قازاق, ورىس, اعىلشىن تىلدەرىندە ەركىن سويلەيدى. ءنازيرا جارىمبەتوۆا, «ەگەمەن قازاقستان»