ءشامشى قالداياقوۆ اتىنداعى حالىقارالىق «مەنىڭ قازاقستانىم!» ءان فەستيۆالىن دايىنداۋ جانە وتكىزۋدىڭ قاعيداسى

1. جالپى ەرەجەلەر 1. قازاقتىڭ ءان ونەرىن دامىتۋ, قازاق ءۆالسىنىڭ كورولى ءشامشى قالداياقوۆتىڭ مول مۇراسىن حالىق اراسىندا ورىنداپ جۇرگەن دارىندى جاستاردىڭ شىعارما­شى­لىعىنا قولداۋ كورسەتۋ, قازاق ەستراداسى­نىڭ ماڭدايالدى شەبەرلەرىنىڭ ونەرىن كەي­ىنگى جاس بۋىنعا ۇلگى ەتۋ, سونداي-اق قا­زاقتىڭ دارىندى كومپوزيتورىنىڭ شىعار­ما­لارىن ۇلىقتاپ, بۇقارا حالىققا ناسيحاتتاۋ ماقساتىندا قازاقستان رەسپۋبلي­كا­سىنىڭ مادەنيەت مينيسترلىگىنىڭ مادە­نيەت كوميتەتى ءشامشى قالداياقوۆتىڭ شى­عارماشىلىعىنا ارنالعان «مەنىڭ قازاق­ستانىم!» اتتى حالىقارالىق ءان فەستيۆالىن (بۇدان ءارى – فەستيۆال) وتكىزەدى. 2. فەستيۆال استانا قالاسىندا 2011 جىلعى 20-22 قىركۇيەك ارالىعىندا وتەدى. فەستيۆالعا وبلىستاردىڭ, استانا مەن ال­ماتى قالالارىنىڭ مادەنيەت باسقارما­لا­رىنىڭ ۇسىنىسى بويىنشا جەرگىلىكتى جەر­لەردە وتكىزىلگەن ش.قالداياقوۆ اتىن­داعى ءان بايقاۋلارىنىڭ جەڭىمپازدارى ء(ار تاراپتان ءبىر ۇمىتكەر) قاتىسا الادى. سونداي-اق, وسى فەستيۆالعا شەتەلدەردىڭ ورىنداۋشىلارى دا قاتىسۋعا قۇقىلى. 2. فەستيۆالدىڭ ماقساتتارى مەن مىندەتتەرى 3. فەستيۆالدىڭ ماقساتتارى مەن مىندەتتەرى: 1) ش. قالداياقوۆتىڭ شىعارماشىلىعىن كەڭىنەن ناسيحاتتاپ, ۇرپاقتان-ۇرپاققا جەتكىزۋ; 2) ءان ونەرىنىڭ ەڭ جاقسى داستۇرلەرى مەن جەتىستىكتەرىن جاڭعىرتۋ, دامىتۋ جانە ناسيحاتتاۋ; 3) حالىقتىڭ مادەني دەمالىسى مەن ەس­تەتيكالىق تاربيەسىن, رۋحاني جانە مادەني قۇندىلىقتارمەن الماسۋدى ۇيىمداستىرۋ; 4) تالانتتى, وزىندىك ەرەكشەلىگى بار ورىنداۋشىلاردى قولداۋ; 5) جاستاردىڭ ەستەتيكالىق جانە ۇلت­جان­دىلىق تۇرعىدا تاربيەلەنۋىنە, ۇلتتىق جانە الەمدىك مادەنيەت قۇندىلىقتارىنا تارتىلۋىنا ىقپال ەتۋ. 3. فەستيۆالدى وتكىزۋدىڭ ءتارتىبى جانە شارتتارى 4. فەستيۆال ءۇش كەزەڭنەن تۇرادى. ۇي­ىمداستىرۋ كوميتەتىنىڭ شەشىمى بويىنشا كەزەڭدەردىڭ سانى وزگەرۋى مۇمكىن. فەستي­ۆالعا قاتىسۋعا 16-25 جاس ارالىعىنداعى جەكە انشىلەر شاقىرىلادى. قاتىسۋشىلار كونكۋرسقا ش.قالداياقوۆتىڭ اندەرىنەن 2 ءان دايىنداۋى ءتيىس. شىعارمالار «ءتىرى» اككومپانەمەنت نەمەسە فونوگرامما (-1) نەگىزىندە ورىندالادى. فونوگراممالار مD (ميني-ديسك) جانە CD (كومپاكت ديسك) تاسىمالداعىشىندا ۇسىنىلادى. 5. فەستيۆال لاۋرەاتتارى قورىتىندى گالا-كونتسەرتتە اقىسىز ونەر كورسەتەدى. 6. فەستيۆال جەڭىمپازدارىنا تومەن­دە­گىدەي جۇلدەلەر تاعايىندالادى: 1) باس جۇلدە جانە لاۋرەات اتاعى (اق­شالاي سىيلىق); 2) ءبىرىنشى جۇلدە جانە لاۋرەات اتاعى (اقشالاي سىيلىق); 3) ەكىنشى جۇلدە جانە لاۋرەات اتاعى (اقشالاي سىيلىق); 4) ءۇشىنشى جۇلدە جانە لاۋرەات اتاعى (اقشالاي سىيلىق). جەڭىمپازدار باسقا دا نوميناتسيالار بويىنشا ماراپاتتالۋى مۇمكىن. 7. فەستيۆالعا قاتىسۋ ءۇشىن ۇمىتكەرلەر ءوتىنىش بەرەدى. وتىنىشكە قوسا مىناداي قۇجاتتار ۇسىنىلادى: 1) ءتيىستى مەكەمەنىڭ ۇسىنىسى; 2) ورىنداۋشىنىڭ شىعارماشىلىق ءومىر­بايانى; 3) جەكە كۋالىكتىڭ كوشىرمەسى; 4) ستن (سالىق تولەۋشىنىڭ نومەرى) كوشىرمەسى; 5) 13 ح 18 سم كولەمiندەگi 2 دانا ءتۇرلi-ءتۇستi فوتوسۋرەت; 6) CD جانە ميني-ديسكىگە جازىلعان اندەردىڭ فونوگرامماسى. تاپسىرىلعان قۇجاتتار قايتارىلۋعا جاتپايدى. 8. فەستيۆالعا قاتىسۋشىلاردىڭ ءوتى­نىش­تەرى فەستيۆالدىڭ باستالۋىنا 20 كۇن قالعانعا دەيىن مىنا مەكەن-جايدا قابىل­دانادى: 010000, قازاقستان, استانا قالا­سى, ەسىل اۋدانى, تۇركىستان كوشەسى 8 ءۇي, «وليمپ پالاس» ت/ك, كج-18, 8 كىرەبەرىس, بلوك «L», E-mail: info@ruhdk.kz, تەل: 8(7172) 54-64-77, Web: http://ruhdk.kz.. 9. فەستيۆالعا قاتىسۋشىلار ۇيىم­داس­تىرۋ كوميتەتىنىڭ ساراپتاۋىنان سوڭ فەس­تي­ۆالعا قاتىسۋ ءۇشىن شاقىرىلاتىن بو­لادى. فەستيۆالعا قاتىسۋشىلاردىڭ قا­تى­سۋشىلار تىزىمىنە كىرگەنى تۋرالى رەسمي حابار قاجەتتى قۇجاتتار تولىعىمەن تاپ­سىرىلعاننان سوڭ سايىسقا 10 كۇن قالعانعا دەيىن حابارلانادى. 10. فەستيۆالعا قاتىسۋشىنىڭ بارىپ-قايتۋ جول شىعىندارىن جولداما بەرگەن, ال ولاردىڭ جاتىن ورنى مەن تاماقتانۋىن فەستيۆالدى وتكىزەتىن جاق كوتەرەدى. فەس­تيۆالعا قاتىسۋشىعا قوسا ەرە كەلگەن ادام­داردىڭ بارلىق شىعىندارى ءوز تا­راپتارىنان وتەلەدى. 11. كەلەسى كەزەڭگە وتپەگەن فەستيۆالعا قاتىسۋشىلار نەمەسە فەستيۆالعا قاتى­سۋدان باس تارتقاندار فەستيۆالدىڭ اياعى­نا دەيىن كورەرمەن رەتىندە قالۋعا نيەت بىلدىرگەن جاعدايدا ءوز قاراجاتى ەسەبىنەن كۇنەلتەدى. 12. شەتەلدەردىڭ قاتىسۋشىلارىنا باي­لا­نىستى جۇمسالاتىن بارلىق شىعىندار (قوناق ءۇي, جولاقى جانە تاماقتانۋ شى­عىندارى) ۇيىمداستىرۋشى جاق تاراپىنان وتەلۋى مۇمكىن. 4. ۇيىمداستىرۋ كوميتەتى 13. قازاقستان رەسپۋبليكاسىنىڭ مادە­نيەت مينيسترلىگىنىڭ مادەنيەت كوميتەتى فەستيۆالدى وتكىزۋ بويىنشا ۇيىمداس­تى­رۋ كوميتەتىنىڭ قۇرامىن بەكىتەدى. 14. ۇيىمداستىرۋ كوميتەتى مەملەكەتتىك ورگاندار مەن فەستيۆالدى وتكىزۋگە قا­تى­سۋشى مادەنيەت ۇيىمدارى وكىلدەرىنەن قۇ­رالادى. ۇيىمداستىرۋ كوميتەتىنىڭ مۇشە­لەرى ءوز فۋنكتسيالارىن قوعامدىق باستامامەن جۇزەگە اسىرادى. 15. ۇيىمداستىرۋ كوميتەتى فەستيۆال­دى دايىنداۋ جانە وتكىزۋ بويىنشا باس­شى­لىقتى جۇزەگە اسىرادى. 16. ۇيىمداستىرۋ كوميتەتى فەستيۆال قاتىسۋشىلارىنا قوسىمشا سىياقى ءتو­لەۋ­سىز فەستيۆالدىڭ تىڭداۋلارى مەن قورى­تىندى كونتسەرتتەرىن راديو جانە تەلەديدار ارقىلى تاراتۋ, دىبىس جانە بەينە تاسپاعا جازۋ جانە ونى ودان ءارى تاراتۋ قۇقىعىنا يە. سونداي-اق, ۇيىمداستىرۋ كوميتەتى باسقا تاراپتارمەن فەستيۆالدىڭ اتالعان ما­تەريالدارىن جۇزەگە اسىرۋ جونىندەگى كە­لىسىم-شارتقا وتىرۋ قۇقىعىنا يە. 17. ۇيىمداستىرۋ كوميتەتى ءىس-شارانىڭ اقپاراتتىق-جارنامالىق قولداۋ تۇرلەرىن ايقىندايدى. 18. ۇيىمداستىرۋ كوميتەتى فەستيۆال­دى دايىنداۋ جانە وتكىزۋ بارىسىندا تۋ­ىن­داي­تىن وزگە دە ۇيىمداستىرۋ ماسەلە­لە­رىن شەشەدى. 5. فەستيۆالدىڭ قازىلار القاسى 19. فەستيۆال قاتىسۋشىلارىنىڭ ونە­رىن باعالاۋ, سونداي-اق, قورىتىندى شى­عا­رۋ ءۇشىن قازىلار القاسى قۇرىلادى. قا­زى­لار القاسىنىڭ قۇرامى مەملەكەتتىك ور­گان­داردىڭ وكىلدەرىنەن, مادەنيەت جانە ونەردىڭ كورنەكتى قايراتكەرلەرىنەن قۇرا­لادى جانە قازاقستان رەسپۋبليكاسىنىڭ مادەنيەت مينيسترلىگىنىڭ مادەنيەت كوميتەتىمەن بەكىتىلەدى. 20. قازىلار القاسىنىڭ سانى, توراعانى قوسقاندا, تاق سان بولۋى ءتيىس. 21. قازىلار القاسىنىڭ شەشىمى تۇپكى­لىكتى جانە قايتا قاراۋعا جاتپايدى, حاتتامامەن رەسىمدەلەدى جانە بارلىق قازىلار القاسىنىڭ مۇشەلەرى قول قويادى. 22. قازىلار القاسى مۇشەلەرىنىڭ داۋ­ىستارى تەڭ بولىنگەن جاعدايدا توراعانىڭ داۋىسى شەشۋشى بولىپ تابىلادى. 23. قازىلار القاسى بەلگىلەنگەن ءجۇل­دە­لى ورىنداردى بەرمەۋگە نەمەسە ۇمىتكەرلەر اراسىندا بولۋگە (باس جۇلدەنى قوسپاعاندا) قۇقىلى. 24. قازىلار القاسى قازىلار القاسىنىڭ بارلىق مۇشەلەرى كەلىسكەن جاعدايدا باع­دارلامانى قىسقارتۋ جانە/نەمەسە شىعار­مالاردى ورىنداۋدى توقتاتۋ تۋرالى شەشىمدى قابىلداۋعا قۇقىلى. 25. قازىلار القاسى باعالارىنىڭ كريتەريلەرى: 1) ورىنداۋشىلىق شەبەرلىگى (ورىنداۋ­شى­نىڭ, ارانجيروۆكانىڭ دەربەستىگى); 2) ساپالىق دەڭگەيى; 3) ساحنا مادەنيەتى; 4) باعدارلامانىڭ فەستيۆالدىڭ شارت­تا­رىنا سايكەستىگى. 5) ساحنا كيىمى. 6. فەستيۆالدى قارجىلاندىرۋ 26. فەستيۆالدى دايىنداۋ مەن وتكىزۋدى قارجىلاندىرۋ رەسپۋبليكالىق بيۋدجەتپەن كوزدەلگەن قاراجات شەگىندە جۇزەگە اسىرى­لادى. 27. فەستيۆالدى دايىنداۋ مەن وتكىزۋ ءۇشىن دەمەۋشىلەردىڭ جانە باسقا دا قوسىمشا قاراجات كوزدەرى جۇمىلدىرىلۋى مۇمكىن. 28. دەمەۋشىلەر فەستيۆالدىڭ قاتىسۋ­شى­لارىنا زاڭدا بەلگىلەنگەن تارتىپپەن ءوزى­نىڭ ىنتالاندىرۋ سىيلىقتارى مەن سىي­اقىلارىن تاعايىنداي الادى. 7. قورىتىندى ەرەجە 29. وسى ءشامشى قالداياقوۆ اتىنداعى حالىقارالىق «مەنىڭ قازاقستانىم!» ءان فەستيۆالىن دايىنداۋ جانە وتكىزۋدىڭ قا­عيداسىمەن رەتتەلمەگەن بارلىق ماسەلەلەر قازاقستان رەسپۋبليكاسىنىڭ قولدانىس­تا­عى زاڭناماسىنا سايكەس شەشىلەدى.