اۋعانستانعا گۋمانيتارلىق كومەك

30 ناۋرىزدا اۋعانستاننىڭ حايراتون قالاسىندا 79 ۆاگون مولشەرىن­دەگى گۋمانيتارلىق كومەكتىڭ ءبىرىنشى قۇرامىن جەتكىزۋ رەسمي ءراسىمى ءوتتى. شاراعا اۋعان تاراپىنان حايراتون قالاسىنىڭ باسشىسى كازي نادجيبۋللا, سىرتقى ساياسات ۆەدومستۆوسى, اۋىل شارۋاشىلىعى مينيسترلىگى مەن ءتو­تەن­شە جاعدايلار جونىندەگى اگەنتتىك­تىڭ وكىلدەر, قازاقستاننان – توتەنشە جاعدايلار جونىندەگى مينيسترلىكتىڭ قىز­­مەتكەرلەرى مەن ديپلوماتتار قاتىستى. ءوز سوزىندە حايراتون قالاسى اكىم­شىلىگىنىڭ باسشىسى قازاقستان ۇكىمە­تى­نە كورسەتكەن كومەگى مەن اۋعانستان­داعى قيىن جاعدايعا وسىنشاما نازار اۋدارۋىنا وراي العىسىن ءبىلدىردى. ك.نادجيبۋللا بۇل ءبىزدىڭ ەلىمىزدەن اتتاندىرىلعان گۋمانيتارلىق جۇكتىڭ ەكىنشى لەگى ەكەندىگىن ەسكە سالدى. 2010 جىلى قازاقستان ۇكىمەتى اۋعانستانعا 6 مىڭ توننا كۇرىش جونەلتكەن بولاتىن. اۋعانستان حالقىنا گۋمانيتارلىق كومەك كورسەتۋگە باعىتتالعان قازاق­ستان رەسپۋبليكاسى ۇكىمەتىنىڭ شەشىمىنە سايكەس توتەنشە جاعدايلار ءجو­نىن­دەگى مينيسترلىك ناۋرىز ايىنىڭ ور­تاسىندا حايراتون قالاسىنا 4 897 توننا كۇرىش جونەلتكەنى بەلگىلى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ باسپا­سوز قىزمەتى.