ۋكراينا پرەزيدەنتىنىڭ ماراپاتى

پارلامەنت ءماجىلىسىنىڭ دەپۋتاتى, «قازاقستانداعى ۋك­رايندىقتار» زاڭدى تۇلعا­لار بىرلەستىگى كەڭەسىنىڭ ءتور­اعاسى يۋري تيموششەنكو ۋك­راينا پرەزيدەنتى پەتر پو­رو­شەنكونىڭ جارلىعىمەن «ۋك­راينا تاۋەلسىزدىگىنە – 25 جىل» مەدالىمەن ماراپات­تالدى. وسىعان وراي, اتال­عان ەلدىڭ قازاقستانداعى ەلشى­لىگىندە ارنايى جيىن ءوتىپ, ۋكراينانىڭ قازاقستانداعى ۋاقىتشا سەنىمدى وكىلى ۆلا­ديمير دجيدجورا پرەزيدەنت اماناتىن دەپۋتاتقا تابىس ەتتى. ديپلوماتيالىق كورپۋس وكىل­دەرى مەن قازاقستانداعى ۋكراين دياس­پوراسىنىڭ مۇشەلەرى قا­­تىس­قان سالتاناتتى جيىندا ۆ.دجيد­جورا ۋكراينا پرەزيدەنتى پ.پو­رو­شەن­كونىڭ قۇتتىقتاۋ حاتىن وقىپ, ەكى ەل اراسىنداعى ىن­تى­ماق­تاستىق بايلانىس جونىندە ءسوز سويلەدى. «مەن جۋىردا عانا ءوز ەلىمىز­دەگى ەكونو­ميكالىق-ساياسي سالا­دا­عى جەتەكشى توپ وكىل­دەرىمەن كەز­دە­سىپ, قازاقستان مەن ۋكراينا اراسىن­داعى ارىپتەستىكتى ودان سايىن تەرەڭ­دەتۋ جايىن تالقىلادىم. وسى كەزگە دەيىن بىرلەسىپ قولعا الىن­عان جۇمىس, جوسپارلارىمىز­دى جۇزەگە اسىرۋ جالعاسىن تابا تۇسەتىن بولادى. وسى ورايدا, ۋك­راينا پرەزيدەنتىنىڭ يۋري تيمو­ششەنكونى ماراپاتتاۋىن, قازاق­ستان­داعى ۋكراين دياسپوراسىنا كورسەتىلگەن قۇرمەت رەتىندە قابىلدانعانىن قۇپ كورەمىن. ويتكەنى, مۇنداي ىقى­لاس-پەيىلدەر تاراپتاردى جا­قىن­داستىرا ءتۇسىپ, ۇلتتار اراسىنداعى سۇيىسپەنشىلىكتى ارتتىرادى», – دەدى ۆ. دجيدجورا. ءوز كەزەگىندە يۋ.تيموششەنكو ۋك­راينا پرەزيدەنتى مەن سەنىمدى وكىلگە زور ريزاشىلىعىن ءبىلدىرىپ, ەكى ەل اراسىندا قالىپتاسقان سايا­سي-ەكونوميكالىق بايلانىستىڭ ۋاقىت وتكەن سايىن جوعارى كور­سەت­كىشتەرگە يە بولىپ كەلە جاتقان­دىعىن اتاپ كورسەتتى. «مەن قازاقستانداعى جارتى ميلليونعا جۋىق ۋكراين ۇلتى وكىلدەرىنىڭ اتىنان العىسىمدى بىلدىرەمىن. تاعدىر تالايى مەن ءتۇرلى جاعدايلارعا دۋشار بولىپ, قازاقستاننان ءدام-تۇز بۇيىرعان ۋكرايندىقتار بۇگىنگى تاڭدا ەلدىڭ دامۋى مەن ءوسىپ-وركەندەۋىنە شاما-شارقىنىڭ جەتكەنىنشە ۇلەس قوسۋدا. ءتىپتى, سوڭعى 5-6 جىل ىشىندە ەكى ەل اراسىنداعى بايلانىستار جاڭاشا سيپات الىپ, اۋىز تولتىرىپ ايتارلىقتاي جەمىستى جوبالار جۇزەگە اسىرىلا باستادى. اتاپ ايتسام, «قازاقستانداعى ۋكرايندىقتار» زاڭدى تۇلعالار بىرلەستىگى كەڭەسىنىڭ مۇرىندىق بولۋىمەن ەلدىڭ ءار وڭىرلەرىندە بىرلەسكەن كاسىپورىندار قىزمەتكە كىرىستى. اسىرەسە, گاز ءوندىرىسى مەن ماشينا جاساۋ, اۋىل شارۋا­شى­لىعى سالاسىمەن قاتار, سوڭعى ۇلگى­دەگى نوۋ-حاۋ تەحنيكا-تەحنولو­گيالار باعىتى بويىنشا دا تاراپ­تاردىڭ ارىپتەستىك اياسى كەڭ ءورىس الىپ كەلەدى», – دەدى يۋ.تيموششەنكو. ايتا كەتەيىك, ەتنو-مادەني بىرلەستىك رەتىندە قىزمەت كور­سەتەتىن ۋكراين ۇلتتىق ورتا­لىق­تارىندا ولاردىڭ سالت-داستۇرلەرى ناسيحاتتالىپ, ەكى ەل اراسىنداعى مادەني-رۋحاني قارىم-قاتىناستىڭ جاندانۋىنا سەپتىگىن تيگىزۋدە. نۇرلىبەك دوسىباي, «ەگەمەن قازاقستان» سۋرەتتى تۇسىرگەن ەرلان وماروۆ, «ەگەمەن قازاقستان»