مەنىڭ داۋىسىم – مەنىڭ جەڭىسىم

كۇن وتكەن سايىن ەلىمىزدىڭ بولاشاعىن ايقىندايتىن كەزەكتەن تىس پرەزيدەنتتىك سايلاۋ كۇنى جاقىنداپ كەلەدى. سوعان وراي ۇگىت-ناسيحات جۇ­مىستارى دا اياقتالىپ قال­دى. وسى رەتتە «سەنىڭ داۋى­سىڭ – سەنىڭ جەڭىسىڭ» تاقى­رىبىنداعى اكتسيالاردىڭ ءبىز ءتارىزدى جاس سايلاۋشىلارعا بەرەتىنى مول دەگىم كەلەدى. ءويت­كەنى, ەلىمىزدىڭ اتا زاڭىندا قازاقستان رەسپۋبليكاسىنىڭ پرەزيدەنتى – مەملەكەتتىڭ باس­شىسى, ونىڭ ىشكى جانە سىرت­قى ساياساتىنىڭ نەگىزگى باعىت­تارىن ايقىندايتىن ەڭ جو­عارى لاۋازىمدى تۇلعا ەكەنى اتاپ ايتىلعان. سونداي-اق, ادام قۇقىقتارى مەن بوستان­دى­عىنىڭ كەپىلى دەلىنگەن. دەمەك, جاۋاپتى ساتتە سايلاۋ ۋچاسكەسىنە مىندەتتى تۇردە بارىپ, ءوز داۋى­سىڭدى بەرۋ ءوز مۇددەڭدى ءبىلدىر­گەنىڭ بولىپ تابىلادى. بيىلعى سايلاۋ – مەنىڭ ءومى­رىمدەگى العاشقىسى جانە ەڭ ما­ڭىزدىسى دەر ەدىم. سوندىقتان دا سايلاۋعا قاتىسىپ, تاڭداۋىمدى ءبىلدىرۋدى ازاماتتىق بورىشىم دەپ سانايمىن. مەن ەل بولاشاعى ءۇشىن داۋىس بەرەمىن. تاۋەلسىز قازاق­ستان­نىڭ, قوعامنىڭ ەرتەڭى ارقاي­سى­مىزدى بەيجاي قالدىر­ماۋى ءتيىس. ءبىز – باقىتتىمىز. وسى ءومىر ءۇشىن اعا ۇرپاقتىڭ كورگەن قيىن­دىعى جەتىپ-ارتىلادى. ولار جاس­تاردىڭ جان-جاقتى ءبىلىم الۋى­نا, بەيبىت ءومىر كەشۋىنە وزىندىك ۇلەس­­تەرىن قوستى. تاۋەلسىز مەم­­لە­كە­تىمىزدىڭ ىرگەسى نىعاي­ىپ, الەم جۇرتشىلىعى تاڭدا­نا كوز تىگۋدە. كىمنىڭ بولسىن ءوز قۇقىعىن تولىق پايدا­لا­نۋى­­نا, تالاپ ەتۋىنە مۇمكىن­دىگى بار. مىنە, سونى پايدا­لا­ناتىن ءسات كەلدى. سوندىقتان دا ەلدىڭ ەرتەڭى سانالاتىن جاس­تاردى 3 ءساۋىر كۇنى بولا­تىن سايلاۋعا قاتىسۋعا شاقىرامىن. ءبىزدىڭ داۋىسىمىز – ءبىزدىڭ جەڭىسىمىز ەكەنىن ۇمىتپايىق. ءوزىم كوپ بالالى وتباسىنىڭ ۇلكەنى رەتىندە قازاقستانداعى انا مەن بالاعا جاسالعان قام­قورلىقتى سەزىنىپ ءوستىم. ەندى سوعان قايتارىممەن جاۋاپ بەرمەكپىن. سايلاۋداعى جەڭىس مەنىڭ دە جەڭىسىم بولاتىنىنا سەنەمىن. ايمان ەرجانقىزى, جاس سايلاۋشى. الماتى وبلىسى.