تاڭداۋ سايلاۋشىنىڭ ەركىندە

قازاقستان رەسپۋبلي­كا­سى­­نىڭ پرەزيدەنتتىگىنەن ءۇمىت­كەرلەردىڭ ءبىرى عاني قا­سىموۆ وسىعان دەيىن ەل اي­ما­عىندا ءوز باعدارلا­ماسى­مەن تانىس­تىرىپ, سايلاۋ­شى­لار ارا­سىن­دا بولعانى بەلگىلى. جەر ءجانناتى جەتىسۋ جەرىنە ار­نايى اتباسىن بۇرعان عاني  ەسەنكەلدى ۇلى سايلاۋشى­لار­مەن جۇزدەسىپ, جۇرتشى­لىق­­تى ءوزىنىڭ باعدارلاما­سىمەن تانىستىردى. ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ءما­جى­لىس زالىندا وتكەن جيىنعا قالا جۇرتشىلىعىمەن قاتار, وب­لىس­تاعى اۋدان, اۋىلداردان كەلگەندەر قاتىسىپ, ساياسي ناۋ­قان­نىڭ ماڭىزىن ەرەكشە ارتتىرا ءتۇستى. كەزدەسۋدە ۇمىتكەر عاني قا­سى­موۆ وسىعان دەيىن سايلاۋ­شى­لاردى باعدارلاماسىمەن جان-جاقتى تانىستىرعانىن ايتىپ, قورىتىندىلار كەزەڭنىڭ جەتكەنىن ورتاعا سالدى. – مەن ءۇشىن جەتىسۋ – ەرەكشە ىس­تىق ولكە. ءومىرىم وسى مەكەنمەن ساباقتاس دەۋىمە بولادى. وب­لىس ورتالىعى تالدىقورعان قا­لا­سىنا كەلىپ, ونىڭ ساۋلەتى مەن  ءوسىپ-وركەندەگەنىن كورىپ, كوز­اي­ىم بولدىم. قۋاندىم. جالپى, ۇگىت-ناسيحات جۇرگىزۋ بارىسىندا  حالىقتىڭ جانايقايىنا دا  قۇ­لاق ءتۇردىم. حالىقتىڭ كوپشىلىگى ازىق-ت ۇلىكتىڭ قىمباتتاعانىن ايت­سا, ەندى ءبىرى زەينەتاقىنىڭ ماردىمسىزدىعىن, كەلەسى ءبىرى باسپانا ماسەلەسىنىڭ  قيىنداعا­نىن ايتتى. ارينە, ءبارى بىردەن بول­مايدى عوي. جاقسىلىقتار الداعى كۇننىڭ ەنشىسىندە ەكەنى داۋسىز. ەلىمىزدىڭ حالىقپەن  بىرگە كوركەيەتىنىن ەستەن شىعار­مايىق. ال, ەندى جۇرەكتەرىڭىزگە جاقىن, جاقسى دەگەن باعدارلا­ما­نى, ۇمىتكەردى تاڭداۋ ءوز قولدارىڭىزدا, – دەدى ع.قاسىموۆ. كەزدەسۋگە قاتىسقاندار ءانشى تولقىن زابيروۆانىڭ كونتسەرتتىك  با­عدارلاماسىن كورىپ, تاماشا­لا­دى. كۇمىسجان بايجان. الماتى وبلىسى.