ارداگەرلەر ويلارىن ورتاعا سالدى

قازىرگى كەزدە 3 ءساۋىر كۇنى وتەتىن كەزەكتەن تىس پرەزيدەنتتىك سايلاۋعا بايلانىستى ۇگىت-ناسيحات جۇمىستارى جالعاسۋدا. مەملەكەتىمىزدەگى ەڭ لاۋازىمدى قىزمەتكە ۇمىتكەرلەر الىس ەلدى مەكەندەردەن باستاپ, حالىق توپتاسقان ورتالارداعى سايلاۋشىلارمەن كەزدەسۋ وتكىزىپ كەلەدى. قازاقستان كوممۋنيستىك حالىقتىق پارتياسىنىڭ وبلىستىق بولىمشەسى ۇلى وتان سوعىسى مەن ەڭبەك ارداگەرلەرى اراسىندا كەزدەسۋ ۇيىمداستىردى. جيىندا قازاقستان كوممۋنيستىك حالىقتىق پارتياسى وب­لىس­تىق كوميتەتىنىڭ ءبىرىنشى حات­شىسى, بيۋرو مۇشەسى ماگەررام ماگەرراموۆ ساياسي ناۋقاننىڭ ماقساتى مەن اتقارىلاتىن جۇ­مىس­تار جايلى باياندادى. ءما­سە­لەن, وڭىردەگى حالىقتىڭ الەۋ­مەت­تىك-تۇرمىستىق جاعدايلارىن جاق­سارتۋداعى اتقارىلعان جۇ­مىس­تارعا توقتالىپ, تاۋەلسىز ەلى­مىزدىڭ 20 جىل ىشىندەگى  قول جەتكىزگەن تابىستارىن جۇيەلەپ اي­تىپ ءوتتى. ءوز كەزەگىندە ارداگەرلەر دە وي­لارىن ورتاعا سالىپ, بيلىكتىڭ جۇمىسىن پارمەندى ەتۋدەگى قو­عام­دىق ۇيىمداردىڭ قوساتىن ۇلە­سىن ارتتىرۋ قاجەتتىگىن جەتكىزدى. كوممۋنيستىك حالىقتىق پارتيا اتىنان پرەزيدەنتتىك ساي­لاۋ­عا تۇسكەن جامبىل احمەت­بە­كوۆتىڭ سايلاۋالدى تۇعىرناماسى دا تالقىلاندى. ويتكەنى, كەشەگى كەڭەستىك كەزەڭدە ءومىر ءسۇرىپ, ەڭبەك ەتكەن اعا بۋىن كوممۋنيستىك يدەيانىڭ ارتىقشىلىقتارى مەن وزگەشەلىكتەرىن ۇمىتپاعان­دىق­تارىن بايقاتتى. حالىق اراسىندا الەۋمەتتىك ادىلدىك ۇرانىمەن ەڭبەك ەتىپ, كوپتەگەن ىزگى مۇراتتاردى ماقسات ەتكەن پارتيانىڭ جولىن ۇستا­نۋشىلار بار ەكەنى تۇسىنىكتى. وسىن­داي سايلاۋشىلارعا ارقا سۇيەگەن كوممۋنيستەر الداعى سايلاۋدا ءوز جاقتاستارىنىڭ سا­نىن ارتتىرۋعا ءۇمىتتى. – ەڭ نەگىزگىسى – ەگەمەن ەلىمىزدە دەموكراتيا پرينتسيپتەرىن ۇل­عايتاتىن, حالىقتىڭ جارقىن بولاشاعىنا باستاعان يگىلىكتەر جەت­كىلىكتى, – دەدى ماگەررام ما­مەد ۇلى. ءوزىمىزدىڭ بەلسەندىلىگىمىز ارقىلى ەلىمىزدە جۇرگىزىلگەن جۇمىستارعا ىقپال ەتىپ, التىن كوپىر بولۋعا ۇمتىلامىز. سون­دىقتان, ەرتەڭگى بولاتىن سايلاۋدا بارشانىڭ ازاماتتىق تاڭداۋ­لارىن جاساۋى مىندەتتى. ارداگەرلەر ەلىمىزدىڭ بولا­شا­عىن ايقىندايتىن سايلاۋعا ءبىر كىسىدەي قاتىساتىن بولىپ تار­قادى. كۇمىسجان بايجان. الماتى وبلىسى.