بەلسەندىلىكپەن وتەتىنىنە سەنەمىز

وتانىمىزداعى جەتەكشى پارتيادان ەل پرەزيدەنتتىگىنە كان­ديداتتى قولداۋ جونىندەگى  پەتروپاۆل قالالىق شتاب ءتور­اعاسىنىڭ ورىنباسا­رى جاسۇلان احمەتوۆتەن ساياسي ناۋقانعا ازىرلىك جونىندە اي­تىپ بەرۋىن وتىنگەن ەدىك. – شتاب سەگىز باعىت بويىنشا ۇيلەسىمدى جۇمىس اتقارىپ كەلەدى. ونىڭ قۇرامى وڭىرگە بەلگىلى تۇلعالارمەن, ساياساتكەرلەرمەن,  ارداگەرلەرمەن, جاستارمەن, ۇكى­مەتتىك ەمەس ۇيىم وكىلدەرىمەن تولىقتىرىلعان. شەتتەرىنەن ءتا­جىريبەلى, قوعامدىق-ساياسي ىستەردە ىسىلعان جاندار. ماسەلەن, ۇيىمداستىرۋ-بۇقارالىق جۇ­مىس­تار بولىمىنە پەتروپاۆل قا­لاسىنىڭ قۇرمەتتى ازاماتى اناتولي ميششين جەتەكشىلىك ەتەدى. حالىق قالاۋلىسى  الەكساندر كا­زانتسەۆكە سەنىم بىلدىرىلگەن  ادام­داردىڭ ءىس-ارەكەتىن ۇيلەستىرۋ جۇكتەلگەن. ولاردىڭ جالپى سانى – 220. بۇدان تىسقارى 110 ادامدى بىرىكتىرەتىن ەرىكتى ۆولونتەرلەر توبى بار. شتابقا كەلۋشىلەر قاتارى دا كوپ. ولاردى ءتۇرلى ساۋالدار تول­عاندىرادى. كەيبىرىن جەكە ءما­سەلەلەر مازاسىزداندىرسا, ەندى بىرەۋلەرى قوعامدىق پروبلەما­لار­دى ورتاعا سالادى. كەز كەلگەن پىكىر, ۇسىنىستىڭ قۇندى, ما­ڭىزدى ەكەنىن ەسكەرىپ,  قوعامدىق قابىلداۋدى جۇيەلى جۇرگىزىپ وتى­رامىز. مۇنىڭ ءوزى الەۋ­مەت­تىك وي-پىكىرلەردى ساراپتاپ, زەردەلەپ وتىرۋدىڭ تاپتىرماس قۇرالىنا اينالدى. وتكەن اپتادا ۇيىمداستىرىلعان قوعامدىق قابىلداۋعا 25 پەتروپاۆلدىق كەل­دى. ولار دا ءارتۇرلى ماسەلەلەر بويىنشا ءوز ويلارىن ورتاعا سالدى. بارىنەن دە ادامداردىڭ  ساياسي بەلسەندىلىگىنىڭ ارتقانى, وي-تولعامدارىنىڭ وزگەشەلىگى قۋانتادى. جاقىندا 500 ادامدى قامتىعان الەۋمەتتىك ساۋال ءجۇر­گىزدىك. ولاردىڭ جاۋاپتارى دا الداعى سايلاۋدىڭ جوعارى دەڭ­گەيدە وتەتىنىن ايعاقتايدى. جۋىر­دا تاعى ءبىر ءىس-شاراعا جۇمىلا كىرىسىپ كەتتىك. ول «ۇيدەن ۇيگە دەيىن» دەپ اتالادى. باستى ماقساتى – ءپا­تەر يەلەرىمەن اۋىزبا-اۋىز ءسوي­لەسىپ, وي-پىكىرلەرىن تىڭداۋ, پروبلەمالارىن ءبىلۋ, سايلاۋعا ۇيىمشىلدىقپەن قاتىسۋعا ۇندەۋ. مەن ءوزىم ەلباسىنىڭ ەكى رەت سەنىم بىلدىرىلگەن ادامى بولۋ باقىتى بۇيىرعان جانمىن. بۇل جولعى سايلاۋعا دا پەتروپاۆل­دىق­تاردىڭ ۇلكەن بەلسەندىلىكپەن قاتىساتىنىنا ەش كۇمان جوق. جازىپ العان ءومىر ەسقالي. سولتۇستىك قازاقستان وبلىسى.