سپورتشىلار مەرەيى

سپورت قاشاندا ەل مەرەيىن اسقاقتاتادى, رۋحىن كوتەرەدى. دەمەك, ونىڭ دامۋى مەن سپورتشىلاردىڭ جەڭىسكە جىگەرلەنۋىنە ىقپال ەتۋ باستى مىندەت. جەتىسۋلىق سپورتشىلاردىڭ وسى ورايداعى جەتىستىكتەرىنە كوڭىل سۇيسىنەدى. باسقا جەتىستىكتەردى ايتپاعاننىڭ وزىندە ءVىى قىسقى ازيا ويىندارىندا قازاقستان قورجى­نى­نا 32 التىن, 21 كۇمىس, 17 قولا مەدال تۇسكەنى ەرەكشە ماقتانىش. ولاردىڭ اراسىندا جەتىسۋ­لىق ەكى دۇركىن چەمپيون اتانىپ, كۇمىس مەدالدى قانجىعا­سىنا بايلاعان ەلەنا حرۋستالەۆا, بياتلونشى دياس كەنەشوۆ التىننان القا تاعىپ, جانكۇيەرلەردىڭ سەنىمىنە سەلكەۋ تۇسىرمەگەندەرىن ورتاعا سالىپ, ۇزدىك سپورتشىلار مەن جاتتىق­تىرۋ­شىلاردى, سپورت مەكەمەسى, سپورت كلۋبى, دەنە تاربيەسى جانە سپورت بولىمدەرىنىڭ اتىنا ىزگى لەبىزىن جەتكىزدى. ۇلتتىق ات سپورتى تۇرلەرىنەن وتەتىن جارىستار­داعى كوكپارشىلاردىڭ جەتىستىكتەرى دە اتالدى. بۇدان سوڭ رەسپۋبليكالىق جانە حالىقارالىق جارىستاردا جوعارى ناتيجەلەرگە قول جەتكىزگەن گرەك-ريم كۇرەسىنەن قازاقستان حالىقارالىق دارەجەدەگى سپورت شەبەرى, 2010 جىلعى الەم چەم­پيو­ناتىنىڭ قولا جۇلدەگەرى, جازعى ازيا ويىن­دارىنىڭ چەمپيوندارى نۇرماحان تىنا­ليەۆ, ءVىى قىسقى ازيا ويىندارىندا التىننان القا تاق­قان ەلەنا حرۋستالەۆا, اۋىر اتلەتيكادان الەم چەمپيوندارى سۆەتلانا پودوبەدوۆا, مايا مانەزا, زۋلفيا چينشانلو, گرەك-ريم كۇرەسىنەن حا­لىقارالىق دارەجەدەگى سپورت شەبەرى, 2010 جىل­عى جازعى ازيا ويىندارىنىڭ كۇمىس جۇلدەگەرى دارحان باياحمەتوۆ, رەگبيدەن كوماندالىق باسەكە­دە التىن مەدال يەلەرى يرينا اموسوۆا, يرينا ادلەر, ولەسيا تەرياەۆا, يرينا رادزيۆيل جانە گىر كوتەرۋدەن حالىقارالىق دارەجەدەگى سپورت شەبەرى, 2010 جىلعى الەم چەمپيونى ءامىرباي رىس­قۇلوۆ وبلىس اكىمىنىڭ ديپلومى جانە 100 مىڭ تەڭگە اقشالاي سىيلىقتارىمەن ماراپاتتالدى. جيىندا رەسپۋبليكالىق جانە حالىقارالىق جارىستاردا ۇزدىك ناتيجە كورسەتكەن سپورتشى­لار­دى دايىنداعانى ءۇشىن گرەك-ريم كۇرەسىنەن قازاقستان رەسپۋبليكاسىنا ەڭبەك سىڭىرگەن جات­تىق­تىرۋشى ازامات كوكەباەۆ, اۋىر اتلەتيكانىڭ جاتتىقتىرۋشىلارى لەونيد ديگاي جانە الەكسەي ني, ۆيكتور ني, رەگبي كومانداسىن دايىنداعان ماحاببات تۋعامبەكوۆا, گرەك-ريم كۇرەسىنەن جاتتىقتىرۋشى مۇرات قاسىمحانوۆ, بياتلون جاتتىقتىرۋشىسى نيكولاي زەلەنكوۆ وبلىس اكىمىنىڭ ديپلومى مەن 100 مىڭ تەڭگە اقشالاي سىيلىقتارىنا يە بولدى. سپورت مايتالماندارىنىڭ بولاشاق ءىزباسار­لارى جەرگىلىكتى جەرلەردەگى جۇمىستىڭ جۇيەلى ۇيىمداستىرىلۋىنا بايلانىستى. وسى ورايدا, ۇزدىك تانىلعان سپورت مەكەمەسى, سپورت كلۋبى مەن دەنە تاربيەسى, سپورت بولىمدەرىنىڭ ەڭبەكتەرى دە اتالدى. ولاردىڭ قاتارىندا وتكەن جىلى حالىق­ارالىق جارىستاردا تابىستى ونەر كورسەتكەن №1 وليمپيالىق رەزەرۆتەگى مامانداندىرىلعان بالالار مەن جاسوسپىرىمدەر مەكتەبى, «جەتىسۋ» كاسىپقوي ايەلدەر ۆولەيبول كلۋبى, قاراساي اۋدانىنىڭ دەنە تاربيەسى جانە سپورت ءبولىمى وبلىس اكىمىنىڭ ديپلومى جانە 500 مىڭ تەڭگە اقشالاي سىيلىقتارىن الىپ, مەرەيلەندى. «ارقالاعانى التىن, جەگەنى جانتاق» دەيتىن جۋرناليستەر ەڭبەگى دە ەسكەرىلدى. جىل بويى سپورتشى­لارعا جانكۇيەر بولىپ, قالامىن قارۋ ەتكەن ءبىر توپ بۇق­ارالىق اقپارات قۇرالدارىنىڭ وكىلدەرى دە ارنا­يى ديپلوم مەن اقشالاي سىيلىقتارعا قول جەتكىزدى. كۇمىسجان بايجان. الماتى وبلىسى.