رەسەي حالقى قانشا؟

رەسەيدىڭ اقپارات كوزدەرى ستاتيستيكا كوميتەتىنىڭ 2010 جىلعى حالىق ساناعىنىڭ كەيبىر قورى­تىن­دىلارىن الدىن-الا جاريالا­عانىن حابارلادى. ماسەلەن, رەسەي حالقىنىڭ ءبۇ­گىن­گى تاڭداعى جالپى سانى 142 ميل­ليون 950 مىڭ, بىراق 2002 جىل­­عى ساناق­پەن سالىستىرعاندا حالىق­تىڭ جال­پى ەسەبى 1,6 پايىز ازايىپتى. رەسەي حالقىنىڭ 8 پايىزى ماسكەۋ قالا­سىندا تۇرا­دى, ماسكەۋلىكتەر سا­نى وسى كەزەڭ ىشىندە 10,9 پايىز ءوسىپ, 11 ميلليوننان اسقان. حال­قىنىڭ سانى جاعىنان ماسكەۋدەن كەيىنگى قالا – سانكت-پەتەربۋرگ. سوڭ­عى ساناقتان بەرى مۇندا دا ءوسىم بار, قازىر بۇل قالادا 4 ميلليوننان استام ادام تۇرادى, بۇل بۇكىل ەل حالقىنىڭ 3,4 پايىزى. جيناقتاي كەل­گەندە, رە­سەي­لىكتەردىڭ 11 پايىز­دان استامى ءماس­كەۋ مەن سانكت-پە­تەربۋرگتە تۇرا­تى­نى بەلگىلى بولىپ وتىر. قالادا جانە سەلودا تۇراتىن ادام سانى سەگىز جىل ىشىندە ەلەۋلى وزگەرىسكە ۇشىراماپتى: بۇرىنعى­سىنشا رەسەيلىكتەردىڭ 73 پايىز­دان استامى قالالاردا, 26 پاي­ىزدان استامى سەلولاردا تۇرادى. دەرەك كوزدەرى وتكەن ساناقپەن سا­لىستىرا قاراعاندا حالىق سانى جى­نىستىق قۇرامى بويىنشا دا اي­تارلىقتاي وزگەرمەگەنىن حابار­لاي­دى. مىسالى, 2002 جىلى رەسەي حال­قىنىڭ 46 پايىزدان اس­تا­مى ەركەكتەر, 53 پايىزدان كوبى ايەلدەر بولسا, 2010 جىلعى ساناق بويىنشا ەر­كەكتەردىڭ ۇلەسى – 46,3 پايىز, ايەل­دەر­دىڭ ۇلەسى – 53,7 پاي­ىز. بۇل بىزبەن كورشى ەلدە قا­زىر 66 ميلليوننان استام ەر-ازا­مات جانە 76 ميلليوننان ارتىق ءاي­ەل ءومىر سۇرە­تىنىن كورسەتەدى. سەرىكقالي بايمەنشە,  «ەگەمەن قازاقستان» – ماسكەۋدەن.