قازاقستان رەسپۋبليكاسى دەنساۋلىق ساقتاۋ مينيسترلىگىنىڭ بۇيرىعى №956

2010 جىلعى 9 جەلتوقسان, استانا قالاسى استانا جانە الماتى قالالارىنداعى 15 جاسقا دەيىنگى بالالاردىڭ 1 تيپتەگى قانت ديابەتىن ەمدەۋگە ءينسۋليننىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋ جونىندەگى پيلوتتىق جوبانى ەنگىزۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەك­سىنىڭ 7-بابىنىڭ 1-تارماعىنىڭ 14) تارماق­شا­سىنا, «قازاقستان رەسپۋبليكاسى دەنساۋلىق ساقتاۋ مينيس­تر­لىگىنىڭ 2010-2014 جىلدارعا ارنالعان سترا­تەگيالىق جوسپارى تۋرالى» قازاقستان رەس­پۋبليكاسى ۇكى­مەتىنىڭ 2010 جىلعى 10 اقپانداعى № 81 قاۋلىسىمەن بەكىتىلگەن دەنساۋلىق ساقتاۋ مينيسترلىگىنىڭ 028 «وبلىستاردىڭ بيۋدجەتتەرىنە, استانا جانە الماتى قالالارىنىڭ بيۋدجەتتەرىنە دارىلىك زاتتار, ۆاكتسيناتسيالار مەن باسقا دا يممۋندىق-بيولوگيالىق پرەپاراتتاردى ساتىپ الۋ بويىنشا بولىنەتىن نى­سا­نا­لى اعىمداعى ترانسفەرتتەر» بيۋدجەتتىك باعدارلاماسىنا سايكەس, قازاقستان رەسپۋبليكاسىندا 1 تيپتەگى قانت ديابەتىمەن اۋىراتىن بالالارعا مەديتسينالىق كومەكتى جەتىلدىرۋ جانە دامىتۋ ماقساتىندا بۇيىرامىن: 1. 2011 جىلعى 1 قاڭتاردان باستاپ استانا جانە الماتى قالالارىندا 15 جاسقا دەيىنگى با­لالاردىڭ 1 تيپتەگى قانت ديابەتىن ەمدەۋگە ين­سۋ­ليننىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋ جونىندەگى پيلوتتىق جوباسى (بۇدان ءارى – جوبا) ەنگىزىلسىن. 2. پيلوتتىق جوبانىڭ شەڭبەرىندە قوسا بەرىلىپ وتىرعان 1 تيپتەگى قانت ديابەتىمەن اۋىراتىن 15 جاسقا دەيىنگى بالالاردى ءينسۋليننىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋعا ىرىكتەۋ مەن اۋىستىرۋ ءتارتىبى جونىندەگى نۇسقاۋ­لىق بەكىتىلسىن. 3. «رەسپۋبليكالىق بالالاردى وڭالتۋ ورتا­لىعى» اق (ش.ءا.بولەكباەۆا) (كەلىسىم بويىنشا) جوبانى ىسكە اسىرۋ ۇيلەستىرۋشىسى بولىپ بەلگىلەنسىن. 4. «رەسپۋبليكالىق بالالاردى وڭالتۋ ورتا­لىعى» اق (ش. ءا. بولەكباەۆا) (كەلىسىم بويىنشا) جوبانى ىسكە اسىرۋ ۇيلەستىرۋشىسى: 1) استانا جانە الماتى قالالارىندا جوبانى ۇيلەستىرۋدى; 2) قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىم­داس­تىرۋ دەپارتامەنتىنە توقسان سايىن جوبانى ىسكە اسىرۋ بارىسى تۋرالى اقپاراتتى ۇسىنۋدى قام­تاماسىز ەتسىن. 5. استانا (د.س.ەسىموۆ) جانە الماتى (ە.ە.دۇرىمبەتوۆ) قالالارى دەنساۋلىق ساقتاۋ باسقارمالارىنىڭ باستىقتارى (كەلىسىم بو­يىنشا): 1) قۇرامىندا ەندوكرينولوگ, باس پەدياتر, ءتا­ۋەلسىز ساراپشىلار, ۇكىمەتتىك ەمەس ۇيىمداردىڭ وكىلدەرى بار ءينسۋليننىڭ ۇزدىكسىز تەرىاستى ين­فۋزياسىنىڭ جۇيەسىن پايدالانۋعا 1 تيپتەگى قانت ديابەتىمەن اۋىراتىن 15 جاسقا دەيىنگى بالا­لاردى اۋىستىرۋ جونىندەگى كوميسسيانى قۇرسىن; 2) 2011 جىلعى 1 اقپانعا دەيىن وسى تار­ماق­تىڭ 1) تارماقشاسىندا كوزدەلگەن كوميسسيا ۇسى­نىمىنىڭ نەگىزىندە ءينسۋليننىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋعا 1 تيپتەگى قانت ديابەتىمەن اۋىراتىن 15 جاسقا دەيىنگى با­لالاردىڭ ءتىزىمىن انىقتاسىن; 3) بار بيۋدجەتتىك قاراجاتتىڭ شەگىندە وسى تارماقتىڭ 4) تارماقشاسىندا كورسەتىلگەن كابينەتكە ءبىر لاۋازىم ەسەبىنەن ءينسۋليننىڭ ۇزدىكسىز تەرىاستى ينفۋزياسىنىڭ جۇيەلەرىمەن جۇمىس داع­دىلارى بار ەندوكرينولوگ دارىگەردىڭ ءبىر شتات بىرلىگىن كوزدەسىن; 4) الماتى قالاسىنىڭ №6 بالالار قالالىق ەم­حاناسىندا, №2 قالالىق بالالار كلينيكالىق اۋرۋحاناسىندا, «اقساي» رەسپۋبليكالىق بالالار كلينيكالىق اۋرۋحاناسى» رمقك جانە «انا مەن بالا ۇلتتىق عىلىمي ورتالىعى» اق, استانا قالاسىندا «انا مەن بالا ۇلتتىق عىلىمي ورتالىعى» اق-دا, «رەسپۋبليكالىق بالالاردى وڭالتۋ ورتالىعى» اق-دا 1 تيپتەگى قانت ديابەتىمەن اۋىراتىن 15 جاسقا دەيىنگى بالالاردى وقىتۋ جانە باقىلاۋ جونىندەگى كابينەتتىڭ جۇمىسىن قامتاماسىز ەتسىن; 5) «رەسپۋبليكالىق بالالاردى وڭالتۋ ور­تا­لىعى» اق جوباسىن ىسكە اسىرۋ ۇيلەستىرۋشىسى جو­بانى ىسكە اسىرۋ جونىندەگى توقسان سايىنعى ەسەپتى ۇسىنۋدى قامتاماسىز ەتسىن. 6. «انا مەن بالا ۇلتتىق عىلىمي ورتالىعى» اق (ايبە حينريكس), «رەسپۋبليكالىق بالالاردى وڭالتۋ ورتالىعى» اق (ش.ءا.بولەكباەۆا) جانە «اقساي» رەسپۋبليكالىق بالالار كلينيكالىق اۋ­رۋحاناسى» رمقك (م.ي. ابدىبەكوۆ) (كەلىسىم بو­يىنشا) باسشىلارى وقىتۋ جانە باقىلاۋ ءجو­نىندەگى كابينەتتى ورنالاستىرۋ ءۇشىن ءۇي-جاي­لاردى ۇسىنسىن. 7. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىم­داس­تىرۋ دەپارتامەنتى (ا.ع.تولەعاليەۆا) جوبانىڭ ناتيجەسى بويىنشا 2011 جىلعى 20 جەلتوقسانعا دەيىن 1 تيپتەگى قانت ديابەتىمەن اۋىراتىن 15 جاس­قا دەيىنگى بالالارعا ءينسۋليننىڭ ۇزدىكسىز تە­رىاستى ينفۋزياسى جۇيەسىن پايدالانۋ جونىندەگى ادىستەمەلىك ۇسىنىمداردى بەكىتۋگە ۇسىنىمدى قامتاماسىز ەتسىن. 8. قازاقستان رەسپۋبليكاسى دەنساۋلىق ساقتاۋ مي­نيسترلىگىنىڭ مەديتسينالىق كومەكتى ۇيىم­داستىرۋ دەپارتامەنتى (ا.ع. تولەعاليەۆا) وسى بۇيرىقتى زاڭنامادا بەلگىلەنگەن تارتىپپەن قا­زاقستان رەسپۋبليكاسى ادىلەت مينيسترلىگىندە مەم­لەكەتتىك تىركەۋدەن وتكىزۋدى قامتاماسىز ەتسىن. 9. قازاقستان رەسپۋبليكاسى اكىمشىلىك-قۇقىق­تىق جۇمىس دەپارتامەنتى (ف.ب.بيسميلدين) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بۇقارالىق اقپارات قۇرالدارىندا رەسمي جا­ريالانۋىن قامتاماسىز ەتسىن. 10. وسى بۇيرىقتىڭ ورىندالۋىن باقىلاۋ قا­زاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن. 11. وسى بۇيرىق ونى العاشقى رەسمي جاريا­لاعان كۇنىنەن باستاپ قولداڭىسقا ەنگىزىلەدى جانە 2011 جىلعى 1 قاڭتاردان باستاپ كۇشىنە تۋىن­دايتىن قاتىناستارعا قولدانىلادى. مينيستر   س. قايىربەكوۆا. قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 9 جەلتوقمانداعى №956  بۇيرىعىمەن بەكىتىلگەن 1 تيپتەگى قانت ديابەتىمەن اۋىراتىن 15 جاسقا دەيىنگى بالالاردى ءينسۋليننىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋعا اۋىستىرۋ جونىندەگى نۇسقاۋلىق 1. وسى نۇسقاۋلىق 1 تيپتەگى قانت ديابەتىمەن اۋىراتىن 15 جاسقا دەيىنگى بالالاردى ينسۋ­لين­نىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋعا اۋىستىرۋ (بۇدان ءارى – ءيۇتي) ءتار­تى­بىن جانە پيلوتتىق جوبانىڭ شەڭبەرىندە كورسە­تىلگەن تۇلعالاردىڭ ولشەمدەرىن ناقتىلايدى. 2. 1 تيپتەگى قانت ديابەتىمەن اۋىراتىن 15 جاس­قا دەيىنگى بالالاردى ودان ءارى ءينسۋليننىڭ ءۇز­دىكسىز تەرىاستى ينفۋزياسىنىڭ جۇيەسىن پايدا­لانۋعا اۋىستىرۋ ءۇشىن مىناداي ولشەمدەرگە سايكەس كەلۋى قاجەت: 1) اۋىستىرۋعا ايعاقتارىنىڭ بولۋى; 2) ججبي جۇيەسىن پايدالانا وتىرىپ, مە­ديتسينالىق كومەك كورسەتۋگە پاتسيەنتتىڭ نيەتى جانە اتا-انالارىنىڭ نەمەسە زاڭدى وكىلدەرىنىڭ جازباشا كەلىسىمى; 3) ەندوكرينولوگتىڭ تاعايىنداۋىن پاتسيەنت­تىڭ تۇراقتى ورىنداۋى (ديەتانى, تاماقتانۋ رەجىمىن, ينسۋلينوتەراپيا, سوڭعى 12 ايدىڭ ىشىندە فيزيكالىق جۇكتەمەنى, ءوزىن ءوزى باقىلاۋدى تۇ­راقتى جانە بارابار جۇرگىزۋ) (بالانىڭ جەكە كار­تا­سىنان دەرەكتەر بويىنشا, ستاتسيونارلاردىڭ كوشىرمە ەپيكريزدەرى); 4) پاتسيەنتتىڭ كورۋىنىڭ جانە (نەمەسە) ەستۋىنىڭ اۋىر بۇزىلۋلارىنىڭ بولماۋى; 5) پاتسيەنتتىڭ انامنەزىندە پسيحيكالىق بۇزى­لۋ­لارىنىڭ بولماۋى. 3. اۋىستىرۋ 2 كەزەڭدە جۇرگىزىلەدى: 1) ءبىرىنشى كەزەڭ: بالانى انكەتتەۋدى وسى نۇسقاۋلىققا قوسىم­شاعا سايكەس زاڭدى وكىلىمەن بىرلەسىپ تۇرعىلىقتى جەرى بويىنشا بالانى باقىلايتىن ەندو­كري­نو­لوگ دارىگەر جۇرگىزەدى; انكەتتەۋ ناتيجەلەرىن, اۋرۋدىڭ انامنەزىن ەن­دوكرينولوگ دارىگەر 1 تيپتەگى قانت ديابەتىمەن اۋىراتىن 15 جاسقا دەيىنگى بالالاردى ءيۇتي اۋىس­تىرۋ جونىندەگى كوميسسيانىڭ قاراۋىنا ۇسى­نادى(بۇدان ءارى – كوميسسيا); كوميسسيانىڭ قۇرامىندا باس بالالار ەن­دو­كري­نولوگى, باس پەدياتر, تاۋەلسىز ساراپشىلار, ۇكىمەتتىك ەمەس ۇيىمداردىڭ وكىلدەرى بار; كوميسسيا پاتسيەنتتىڭ جانە (نەمەسە) زاڭدى وكىلىنىڭ ينسۋلينوتەراپيانىڭ, ءوزىن-ءوزى باقى­لاۋ­دىڭ, قان ديابەتى كەزىندەگى ديەتالاردىڭ نەگىزگى قاعيداتتارىنا, پاتسيەنتتىڭ كومپلاەنتتىلىگى دارە­جەسىنە ۇيرەتىلۋىن باعالايدى; قوميسسيانىڭ قورىتىندىسىندا ءيۇتي جۇيە­سىن سىنامالىق پايدالانۋعا اۋىستىرۋ ۇسىنى­لادى نەمەسە ءيۇتي جۇيەسىن پايدالانۋعا اۋىس­تىرۋدان باس تارتادى. ءبىرىنشى كەزەڭنىڭ ناتيجەسى بويىنشا 1 تيپتەگى قانت ديابەتىمەن اۋىراتىن 15 جاسقا دەيىنگى بالا­نى الدىن الا سىنامالىق اۋىستىرۋ زاڭدى وكىلىن ءيۇتي جۇيەسىن جوعالتقان نەمەسە بۇلدىرگەن جاعدايدا قايتا بەرىلمەيتىندىگى تۋرالى جازباشا حابارلاي وتىرىپ, جۇزەگە اسىرىلادى, بۇل رەتتە بۇل پاتسيەنتتىڭ پيلوتتىق جوباعا ودان ءارى قاتىسۋىن كوميسسيا شەشەدى; 2) ەكىنشى كەزەڭ: پاتسيەنتتى جانە زاڭدى وكىلىن ءيۇتي جۇيەسىن پايدالانا وتىرىپ, وقىتۋدى ەندوكرينولوگ ءدارى­گەر 1 تيپتەگى قانت ديابەتىمەن اۋىراتىن 15 جاسقا دەيىنگى بالانى وقىتۋ مەن باقىلاۋ بويىنشا كابينەتتەردە 3-6 اي بويى جۇرگىزەدى; گليكيرلەنگەن گەموگلوبيننىڭ, گليكەميانىڭ دەڭگەيىن, گيپوگليكەميالىق جاعدايلاردىڭ, شۇ­عىل ەمدەۋگە جاتقىزۋلاردىڭ سانىن, ءومىر ءسۇرۋ ساپاسىن, پاتسيەنتتىڭ كومپلاەنتتىلىگىن انىقتاۋ دە­رەكتەرىنىڭ ديناميكاسىن ەسەپكە الا وتىرىپ, كابينەتتىڭ ەندوكرينولوگ دارىگەرى پاتسيەنتتى ديناميكالىق باقىلاۋدى جۇرگىزەدى. 3. كوميسسيا كابينەتتىڭ ەندوكرينولوگ ءدارى­گەرى ۇسىنعان 3-6 ايلىق وقىتۋ جانە 1 تيپتەگى قانت ديابەتىمەن اۋىراتىن پاتسيەنتتى باقىلاۋ ءناتي­جەلەرىن باقىلاۋدى جۇرگىزەدى جانە پيلوت­تىق جوبانىڭ شەڭبەرىندە پاتسيەنتتى ءيۇتي ءجۇ­يەسىن پايدالانۋعا ناقتى اۋىستىرۋ تۋرالى شەشىم شىعارادى. 1 تيپتەگى قانت ديابەتىمەن اۋىراتىن 15 جاسقا دەيىنگى بالالاردى ءينسۋليننىڭ ۇزدىكسىز تەرىاستى ينفۋزياسىنىڭ جۇيەسىن پايدالانۋعا اۋىستىرۋ جونىندەگى نۇسقاۋلىققا قوسىمشا نىسان پاتسيەنتتەرگە جانە زاڭدى وكىلدەرىنە ارنالعان ساۋالناما (ينسۋليندىك پومپا) 1. پاتسيەنتتىڭ ا.ت.ءا. _____________ 2. پاتسيەنتتىڭ جاسى______________________ 3. بايلانىس تەلەفونى___________________ 4. اڭگىمە جۇرگىزىلگەن زاڭدى وكىلىنىڭ ا.ت.ءا.________________________ 1. ءسىز نەمەسە ءسىزدىڭ بالاڭىزدىڭ ينسۋليندىك پومپانى پايدالانىلۋىن قالايسىز با؟ ا) ءيا ب) جوق ۆ) بىلمەيمىن 2. ءسىزدىڭ ينسۋليندىك پومپاسىن الۋ ءمۇم­كىن­دىگىڭىز بار ما؟ ناقتى قايسىسىن؟ ا) ءيا ب) جوق ۆ) ازىرگە مۇمكىندىگىم جوق گ) پومپانى الۋعا قاراجات جيناۋدامىن 3. ءسىزدىڭ كوزقاراسىڭىز بويىنشا ينسۋليندىك پومپا تۋرالى اقپارات جەتكىلىكتى مە؟ ا) ءيا ب) جوق ۆ) ____________________________________ 4. ءسىز پومپا تۋرالى قانداي اقپارات العىڭىز كەلەدى؟ ا) بارلىعىن ب) ەشقانداي ۆ) ____________________________________ 5. ءسىز ينسۋليندىك پومپادان نە كۇتەسىز؟ ا) ەشقانداي ب) ەرەكشە كۇش سالماي ديابەت اعىمىنىڭ ايتارلىقتاي جاقسارعانىن ۆ) ديابەتتىڭ كومپەنساتسياسى جاقسىراق بولادى گ) گليۋكوزانىڭ دەڭگەيى قالىپقا كەلەدى د) كەيبىر اسقىنۋلاردىڭ قاتەرى تومەندەيدى ە) كەرى اسەرى بار اۋرۋلاردىڭ كورىنىستەرى ازايادى ج) تاعام تاڭداۋدا ۇلكەن ەركىندىك ز) پومپا قانت دەڭگەيىن جاقسى باقىلاۋعا مۇمكىندىك بەرەدى ي)_____________________________________ 6. ءسىز ديابەت مەكتەبىندە قانداي جيىلىكتە ساباق الاسىز؟ ا) بۇل نە؟ ب) بالام ناۋقاستانعان كەزدە, ءبىرىنشى رەت اۋرۋحانادا ۆ) جىل سايىن بالام اۋرۋحانادا جاتقان كەزدە گ) اۋرۋحانادا ءاربىر جارتى جىل سايىن د) تۇراقتى – ايىنى بىرنەشە رەت ە) العاشىندا تۇراقتى ءوتىپ وتىراتىنمىن, سودان كەيىن ەشقانداي جاڭا نارسەلەر بەرمەگەننەن كەيىن بارمايتىن بولدىم ج) ونسىزدا ءبارىن بىلەمىن ي)_____________________________________ 7. ءسىز ءوزىڭىزدى قىزىقتىراتىن سۇراقتارعا اقپاراتتى قالاي تاباسىز؟ ا) كىتاپتاردان ب) ينتەرنەتتەن ۆ) مامانداردان گ) مەنى ەشتەڭە قىزىقتىرمايدى د) كەزەكتى باسىلىمداردان («ديالوگ» جۋرنالى) ە) كونفەرەنتسيالارعا, كورمەلەرگە بارامىن ج) بۇقارالىق اقپارات قۇرالدارىنان ز) ماعان كەرەك نارسەلەردىڭ بارلىعىن بىلەمىن ي) باسقا اتا-انالارمەن سويلەسىپ تۇرامىن ك) باسقالار____________________________ 8. ءسىز گليكريلەنگەن گەموگلوبين دەڭگەيىن قانداي جيىلىكتە انىقتايسىز؟_________ 9. گليكريلەنگەن گەموگلوبين دەڭگەيىن انىقتاۋدىڭ سوڭعى ناتيجەسى قان-داي؟______________________________________ 10. قانت ديابەتىنىڭ كومپەنساتسياسى ءۇشىن نە ىستەيسىز؟ ا) ينسۋليندىك ەمدى قولدانامىن ب) كومىرسۋلاردى ساناۋ ارقىلى ديەتانى ساقتايمىن ۆ) تۇراقتى دەنە شىنىقتىرامىن گ) _____________________________________ 11. ءسىز تاماق ىشۋدە ءينسۋليننىڭ دوزاسىن قالاي ەسەپتەيسىز؟ ا) ەمدەۋشى دارىگەرىم بەرگەن ارنايى كەستە ارقىلى ب) كومىرسۋ مولشەرىن ەسەپتەپ, سوعان باي­لانىستى ينسۋلين مولشەرىن سالامىن ۆ) ەكۆيۆالەنتتەر جۇيەسى بويىنشا گ) ناندىق بىرلىك جۇيەسى بويىنشا د) «ديابەت-2000» باعدارلاماسىن قولدانامىن ە) كوز مولشەرمەن ج) مۇلدەم ەسەپتەمەيمىن ز) تارازىنى, ولشەگىش قۇرالداردى قولدانامىن ي) باسقالار ____________________________ 12. ءسىز قانداعى قانت دەڭگەيى جوعارى بولعاندا قانداي شارالار قولداناسىز؟ ا) ەشقانداي ب) بىرنەشە بىرلىكتى قوسىمشا ينسۋلين جاسايمىن ۆ) قانت دەڭگەيى قالىپقا كەلەتىندەي مولشەردەگى ينسۋلين بىرلىگىن جاسامىن گ) باسقالار_____________________________ 13. ءسىز بالاڭىزدا ءينسۋليننىڭ ءبىر بىرلىگى قانداعى قانتتىڭ قانشا مولشەرىن تومەن­دە­تە­تىنىن بىلەسىز بە؟ ا) ءيا, قانت دەڭگەيىن قالىپقا كەلتىرۋدە وسى ءبىلىمدى قولدانامىن ب) جوق ۆ) باسقالار____________________________ 14. ءسىزدىڭ بالاڭىزدا قانت ديابەتىنىڭ اسقىنۋلارى بار ما؟ ا) جوق ب) بار ۆ) بار جانە باسقادا اۋرۋلار 15. 14ب كەزىندە: قانداي اسقىنۋلار؟ ا) پولينەيروپاتيا ب) ەنتسەفالوپاتيا ۆ) نەفروپاتيا گ) رەتينوپاتيا د)_____________________________________ 16. ءسىزدىڭ كوبىرەك پومپا تۋرالى جانە سونىڭ كومەگى ارقىلى قانت ديابەتىنىڭ كومپەنساتسياسى تۋرالى اقپارات الۋعا بوس ۋاقىتىڭىز بولادى ما؟ ا) ءيا ب) جوق ۆ) باسقالار____________________________ ىنتىماقتاستىعىڭىزعا العىسىمىزدى بىلدىرەمىز! بۇيرىق قازاقستان رەسپۋبليكاسىنىڭ ءادى­لەت مينيسترلىگىندە 2010 جىلعى 28 جەل­توق­سان­دا نورماتيۆتىك قۇقىقتىق كەسىمدەردى مەم­لەكەتتىك تىركەۋدىڭ تىزىلىمىنە №6707 بولىپ ەنگىزىلدى.