قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №468

2010 جىلعى  28 قىركۇيەك, استانا قالاسى «قازاقستان رەسپۋبليكاسىندا تۇراقتى تۇراتىن شەتەلدىكتەردىڭ جانە ازاماتتىعى جوق تۇلعالاردىڭ مەكتەپالدى, باستاۋىش, نەگىزگى ورتا جانە جالپى ورتا ءبىلىم الۋ ەرەجەسىن بەكىتۋ تۋرالى» «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 8-بابىنىڭ 2-تارماعىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان قازاقستان رەسپۋبلي­كاسىندا تۇراقتى تۇراتىن شەتەلدىكتەردىڭ جانە ازاماتتىعى جوق تۇلعالاردىڭ مەكتەپالدى, باس­تاۋىش, نەگىزگى ورتا جانە جالپى ورتا ءبىلىم الۋ ەرەجەسى بەكىتىلسىن. 2. دامىتۋ ستراتەگياسى دەپارتامەنتى (س.م.ومىرباەۆ): 1) وسى بۇيرىقتى بەلگىلەنگەن تارتىپپەن قا­زاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن; 2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن. 3. «قازاقستان رەسپۋبليكاسىندا تۇراقتى تۇ­راتىن شەتەلدىكتەردىڭ جانە ازاماتتىعى جوق تۇلعالاردىڭ مەكتەپالدى, باستاۋىش, نەگىزگى ورتا جانە جالپى ورتا ءبىلىم الۋ ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترى مىندەتىن اتقارۋشىنىڭ 2007 جىلعى 27 جەلتوقسانداعى №659 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2008 جىلعى 17 قاڭتارداعى №5096 تىركەلگەن, قازاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارى اكتىلەرىنىڭ 2008 جىلعى 28 مامىرداعى №5 جيناعىندا جاريالانعان) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ ۆيتسە-مينيستر م.ن.سارىبەكوۆكە جۇكتەلسىن. 5. وسى بۇيرىق العاش رەت رەسمي جاريا­لان­عاننان كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر    ب.جۇماعۇلوۆ قازاقستان رەسپۋبليكاسى ءبىلىم جانە عىلىم مينيسترلىگىنىڭ 2010 جىلعى 28 قىركۇيەكتەگى  №468 بۇيرىعىمەن بەكىتىلگەن قازاقستان رەسپۋبليكاسىندا تۇراقتى تۇراتىن شەتەلدىكتەردىڭ جانە ازاماتتىعى جوق تۇلعالاردىڭ مەكتەپالدى, باستاۋىش, نەگىزگى ورتا جانە جالپى ورتا ءبىلىم الۋ ەرەجەسى 1. جالپى ەرەجەلەر 1. وسى قازاقستان رەسپۋبليكاسىندا تۇراقتى تۇراتىن شەتەلدىكتەردىڭ جانە ازاماتتىعى جوق تۇل­عالاردىڭ مەكتەپالدى, باستاۋىش, نەگىزگى ورتا جانە جالپى ورتا ءبىلىم الۋ ەرەجەسى قازاقستان رەس­پۋبليكاسىنىڭ كونستيتۋتسياسىنا, «ءبىلىم تۋرالى», «شەتەلدىكتەردىڭ قۇقىقتىق جاعدايى تۋ­رالى», «بوسقىندار تۋرالى», «حالىقتىڭ كو­شى-قونى تۋرا­لى» قازاقستان رەسپۋبليكاسىنىڭ زاڭدارىنا, سونداي-اق قازاقستان رەسپۋبليكاسى راتيفيكاتسيالاعان حالىقارالىق شارتتارعا ءساي­كەس ازىرلەنگەن جانە قازاقستان رەسپۋب­ليكاسىندا تۇراقتى تۇراتىن شەتەلدىكتەردىڭ جانە ازامات­تىعى جوق تۇلعالاردىڭ مەكتەپالدى, باستاۋىش, نەگىزگى ورتا جانە جالپى ورتا ءبىلىم الۋ ءتارتىبىن رەتتەيدى. 2. قازاقستان رەسپۋبليكاسىندا تۇراقتى تۇرا­تىن شەتەلدىكتەردىڭ جانە ازاماتتىعى جوق تۇلعالاردىڭ, سونداي-اق قازاقستان رەسپۋبلي­كا­سىندا ۋاقىتشا تۇراتىن تۇلعالاردىڭ (بوس­قىندار, پانا ىزدەگەن ادامدار, كونسۋلدىق لا­ۋا­زىمدى تۇلعالار, ديپلو­ما­تيالىق مەكەمەلەردىڭ قىزمەتكەرلەرى, ماۋسىمدىق جانە شەكارالاس جۇمىسكەرلەردەن باسقا ەڭبەك ميگرانتتارى) بالالارى مەكتەپالدى, باستاۋىش, نەگىزگى ورتا جانە جالپى ورتا ءبىلىم الۋ ءۇشىن ءبىلىم بەرۋ ۇيىمدارىنا قابىلدانادى جانە قازاقستان ازامات­تارىمەن بىردەي قۇقىقتارعا يە. 2. شەتەلدىكتەردى جانە ازاماتتىعى جوق تۇلعالاردى وقۋ مەكەمەلەرىنە قابىلداۋ ءتارتىبى 3. شەتەلدىكتەردى جانە ازاماتتىعى جوق تۇل­عالاردى وقۋعا قابىلداۋ, ولاردىڭ وقۋىن ۇيىمداس­تىرۋ, ءبىلىم بەرۋ ۇيىمدارىمەن قام­تاماسىز ەتۋ ءتارتىبى ولاردىڭ اتا-انالارى جانە زاڭدى وكىلدەرى قازاقستان رەسپۋبليكاسىندا تۇ­راقتى جانە ۋاقىتشا تۇرعان جاعدايدا قازاقستان رەسپۋبليكاسىنىڭ ازامات­تارى ءۇشىن قاراستى­رىلعان جاعدايلاردا جۇزەگە اسىرىلادى. 4. 16 جاسقا دەيىنگى بالالاردىڭ اتا-انالارى نەمەسە زاڭدى وكىلى شەتەلدىكتەر جانە ازامات­تىعى جوق ادامدار ءوز بالاسىن ءبىلىم بەرۋ ۇيىم­دارىنا وقۋعا بەرگەن كەزىندە تۇراتىن جەرىندە تىركەلگەنى تۋرالى بەلگىسى بار قازاقستان رەسپۋب­ليكاسىندا تۇراقتى تۇرۋعا قۇقىق بەرىلگەن قۇجاتتى ۇسىنادى: شەتەلدىك – شەتەلدىكتىڭ قازاقستان رەسپۋبلي­كاسىندا تۇرۋعا ىقتيارحاتى; ازاماتتىعى جوق تۇلعا – ازاماتتىعى جوق تۇلعانىڭ كۋالىگى; بوسقىن – بوسقىننىڭ كۋالىگى; پانالاتۋدى ىزدەۋشى تۇلعا – پانالاتۋدى ىزدەۋشى تۇلعانىڭ كۋالىگى; ورالمان – ورالمان كۋالىگى نەمەسە كوشى-قون ورگاندارىنىڭ انىقتاماسى. اتالعان تالاپتار كونسۋلدىق قاتىناستار تۋ­رالى جانە ديپلوماتيالىق قاتىناستار تۋرالى ۆەنا كونۆەنتسياسىنا سايكەس ەلشىلىكتەر مەن كون­سۋلدىقتاردىڭ قىزمەتكەرلەرىنە تاراتىلمايدى. قازاقستان رەسپۋبليكاسىندا ۋاقىتشا تۇرا­تىن تۇلعالار تولقۇجات كوشىرمەسىن جانە كوشى-قون كار­توچكانىڭ كوشىرمەسىن كورسەتۋى قاجەت. 5. ءبىلىم بەرۋ ۇيىمدارىنىڭ باسشىلارى قا­زاقستان رەسپۋبليكاسىنىڭ ازاماتتىعىن الماعان تۇلعالاردىڭ بالالارىن قابىلداۋ كەزىندە, اتال­عان بالالاردىڭ اتا-انالارىنان نەمەسە زاڭدى وكىل­دەرىنەن وسى ەرەجەنىڭ 4-تارماعىندا كورسە­تىلگەن تۇ­را­تىن جەرىندە تىركەلگەنى تۋرالى بەلگىسى بار قۇجات­تاردى نەمەسە كوشى-قون كارتوچكاسىنىڭ كوشىرمەسىن تالاپ ەتەدى. بالالاردىڭ اتا-انالارى نەمەسە زاڭدى وكىل­دەرى قۇجاتتاردى ۇسىنۋدان باس تارتۋى كەزىندە, ءبىلىم بەرۋ ۇيىمدارىنىڭ باسشىلارى تەز ارادا ىشكى ىستەر ورگاندارىن حاباردار ەتەدى. 6. ءبىلىم بەرۋ ۇيىمدارىنىڭ باسشىلارى شەتەل­دىكتەردىڭ جانە ازاماتتىعى جوق تۇلعا­لاردىڭ بالالارىن ولاردىڭ شەت ەلدە العان ءبىلىم دەڭگەيىنە, ءبىلىمى تۋرالى قۇجاتتارىنا سايكەس ءتيىستى سىنىپتارعا قابىلدايدى. ءبىلىم تۋرالى قۇجاتتارى جوق بولعان جاعدايدا قالالىق (اۋداندىق) ءبىلىم ءبولىمى كوميسسيا قۇ­رىپ, ۇمىتكەردىڭ ءبىلىم دەڭگەيىن انىقتايدى. ءبىلىم الۋشىلاردىڭ قاتارىنا تىركەۋ كوميسسيانىڭ شەشىمى نەگىزىندە ءبىلىم بەرۋ ۇيىمى باسشىسىنىڭ بۇيرى­عىمەن جۇرگىزىلەدى. 7. قازاقستان رەسپۋبليكاسىندا ۋاقىتشا تۇراتىن شەتەلدىكتەر وقۋ مەرزىمىنە بايلانىستى ءبىلىمى تۋرالى ءتيىستى قۇجاتتارىن الادى (نەگىزگى ورتا ءبىلىم تۋرالى كۋالىك, ورتا ءبىلىم تۋرالى اتتەستات, ءبىلىم الۋ دەڭگەيىن تولىق اياقتاي الماعان جاعدايدا – وقۋ ۇلگەرىمى تۋرالى تابەل نەمەسە ءبىلىم بەرۋ ۇيىمىنىڭ مورىمەن راستالعان پاندەر بويىنشا باعالار جازىلعان سىنىپ جۋرنالىنان انىقتاما-ءۇزىندى). بۇيرىق قازاقستان رەسپۋبليكاسىنىڭ ءادى­لەت مينيسترلىگىندە 2010 جىلعى 18 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6573 بولىپ ەنگىزىلدى.