قوعامدىق قابىلداۋدىڭ ارتىقشىلىقتارى كوپ

سايلاۋ ناۋقانىنىڭ اياسىندا پارتيانىڭ XIII سەزىندە قازاقستان رەسپۋبليكاسىنىڭ پرەزيدەنتتىگىنە كانديدات ەتىپ ۇسىنىلعان ن.ءا.نازارباەۆتىڭ قوعامدىق قابىلداۋ بولمەلەرى قۇرىلعان بولاتىن. بۇل كۇندەرى رەسپۋبليكامىزدا كانديداتتىڭ 222 وبلىستىق, اۋ­دان­دىق, قالالىق جانە ءبىر رەس­پۋبليكالىق قوعامدىق قابىلداۋ بولمەلەرى جۇمىس اتقارۋدا. قو­عام­دىق قابىلداۋ بولمەلەرىنىڭ نە­گىزگى مىندەتتەرى پرەزيدەنتتىك ساي­لاۋدا ن.ءا.نازارباەۆتىڭ كان­ديداتۋراسىن قولداۋ, سايلاۋ ناۋقانىن سايلاۋ زاڭناماسىنا سايكەس اشىق تا ءادىل وتكىزۋ, بارلىق ساناتتاعى سايلاۋ­شىلاردىڭ داۋىس بەرۋگە جاپپاي قاتىسۋىن قامتاماسىز ەتۋ, سو­نى­مەن قاتار, سايلاۋشىلاردان كەلىپ تۇسكەن اماناتتاردى, ۇسىنىستار­دى, تىلەكتەر مەن وتىنىشتەردى جيناۋ, تالداۋ جانە مونيتورينگ ءجۇر­گىزۋ, ازاماتتاردى قابىلداۋ جانە سايلاۋشىلارمەن كەزدەسۋدى ۇيىم­داستىرۋ بولىپ تابىلادى. كانديداتتىڭ قوعامدىق قا­بىل­داۋ بولمەلەرى كۇن سايىن ءدۇي­سەنبىدەن سەنبىگە دەيىن ساعات 10.00-دەن 18.00-گە دەيىن جۇمىس ىستەيدى. ءۇش اپتانىڭ ىشىندە كاندي­دات­تىڭ قوعامدىق قابىلداۋ بولمە­لە­رىنە 36 000-نان اسا سايلاۋشى كەلدى. ونىڭ ىشىندە: 799 امانات, 978 ۇسىنىس, 1032 تىلەك بولدى. كوپتەگەن اماناتتاردا كاندي­دات­قا زور دەنساۋلىق, ۇزاق ءومىر, ال­داعى بولاتىن سايلاۋدا تابىس تىلەنەدى جانە ونىڭ كاندي­دا­تۋ­راسىن قولدايتىندارى ايتىلادى. قوعامدىق قابىلداۋ بولمەلەرى سايلاۋ ناۋقانى اياسىندا 28 000-نان اسا سايلاۋشىعا سايلاۋ زاڭ­ناماسى مەن داۋىس بەرۋ تۋرالى ءتۇ­سىنىكتەمەلەر بەردى. سونىمەن قا­تار, ۇگىت-ناسيحات جۇمىستارىنا اقىسىز كىرىسۋگە دايىن ەكەندىكتەرىن جانە سايلاۋ ناۋقانىنا قاتى­سۋ نيەتتەرى بار ەكەنىن بىلدىرگەن 3617 ۇسىنىس ءتۇستى, ونىڭ ىشىندە: 1848 ادام كانديداتتىڭ ۇگىت-نا­سيحات جۇمىستارىن جۇرگىزۋ بوي­ىن­شا كومەك كورسەتۋگە, ال 791 ادام ۇلەستىرمە ماتەريالدارىن تاراتۋعا دايىن ەكەندىكتەرىن ايتادى. ەسەپ بەرۋ كەزەڭىندە كاندي­دات­تىڭ قوعامدىق قابىلداۋ بولمە­لە­رىنە 1688 ءوتىنىش ءتۇستى. رەسپۋب­لي­كالىق جەلىلىك كەستەگە سايكەس اقمولا وبلىسىندا جانە استانا قالاسىندا سايلاۋشىلاردى ءبىر­ىڭ­عاي قابىلداۋ كۇنى ۇيىم­داس­تىرىلدى جانە وتكىزىلدى, ونىڭ با­رىسىندا 364 سايلاۋشىنىڭ ءوتى­نىش­تەرى قابىلداندى جانە قارالدى. قوعامدىق قابىلداۋ بولمە­لە­رىندە كانديداتتىڭ سەنىم بىلدىرىلگەن ادامدارى ازاماتتاردى قابىل­داۋ جۇرگىزۋدە. ماسەلەن, پارلامەنت ءماجىلىسىنىڭ دەپۋتاتى ا.­س.سو­لوۆەۆا رەسپۋبليكالىق قو­عام­دىق قابىلداۋ بولمەسىندە قابىلداۋ وتكىزسە, پارلامەنت سەناتىنىڭ دەپۋتاتتارى ق.سۇلتانوۆ, ا.باشماكوۆ پەن پارلامەنت ءماجىلىسىنىڭ دەپۋتاتتارى ب.تىلەۋحان, ۆ.نەحوروشەۆ, س.ەسىلوۆ جانە ب.سمايى­لوۆ ازاماتتاردى جەكە ماسەلەلەرى بويىنشا اقتوبە, شىعىس قا­زاق­ستان, ماڭعىستاۋ وبلىستارى مەن استانا قالاسىندا قابىلدادى. قابىلداۋلار بارىسىندا كوپ­تە­گەن سايلاۋشىلارعا ناقتى كو­مەكتەر كورسەتىلدى, پروبلەما­لار­دى شەشۋ بويىنشا ناقتى ءناتي­جە­لەرگە قول جەتكىزىلدى, داۋ-جانجالدار رەتتەلدى. وسىنىڭ ءوزى ساي­لاۋ­دىڭ ءنا­تي­جەسى ويداعىداي بولاتىنىنا سەندىرەدى جانە بيلىك ورگاندارى مەن پار­­تياعا كوزقاراستىڭ جاقسارۋى­نا وڭ ىقپال ەتەدى دەپ وي تۇيۋگە نەگىز بەرەدى. «ەگەمەن-اقپارات».