قۇلاندا قۇرىقتالعان قىلمىس

17 ناۋرىزدا تۇنگى ساعات 21:35-تەر شاماسىندا قىر­عىز رەسپۋبليكاسىنان قا­زاق­ستان رەسپۋبليكاسىنىڭ اۋما­عى­نا باعىت العان «ءبى­شكەك-مەركى» پويىزىنىڭ №6 ۆا­گو­نىنان ەسىرتكىنىڭ اۋىر ءتۇرى­نە جاتاتىن «گەروين» تابىل­دى. ناقتىراق ايتار بولساق, 16 ناۋرىز كۇنى «مەركى» ستان­سا­سىن­دا كەدەندىك تەكسەرۋ جاسا­عان «قۇلان» كەدەن بەكەتى باس­تى­عىنىڭ ورىنباسارى ارمان مۇ­حا­مەديەۆ باستاعان تەكسەرۋ توبى قىزمەتتىك-ىزدەستىرۋ ءيتىن پايدالانا وتىرىپ, ۆاگون جولسەرى­گى­نىڭ كۋپەسىنەن كوك پوليەتيلەن پا­كەتكە سالىنعان, 6 بۋما سۇر ءتۇس­تى تۇيىرشىكتەلگەن, سىركە سۋى­نىڭ ءيسى بار قاپشىقتاردى انىق­تاپ, تاركىلەگەن. 60 جاستاعى قىرعىز ايەلى اتالمىش ەسىرتكى زاتىن ءوز كۋپەسىندەگى قۇپيا «قۋىسقا» تى­عىپ, كەدەندىك تەكسەرۋدەن جال­تار­ماقشى بولعان. الايدا ونىڭ جى­مىسقى ارەكەتىنىڭ ىسكە اسۋى­نا كەدەنشىلەردىڭ ءتورت اياقتى سە­نىمدى دوسى «حانتەر» قىز­مەت­تىك-ىزدەستىرۋ ءيتى جول بەرمەگەن. №82 سوت-حيميالىق سا­راپ­تاماسىنىڭ قورىتىندىسىنا ءساي­­كەس, «بىشكەك-مەركى» باعى­تىن­­داعى №6063 جولاۋشىلار پويىزىنىڭ جولسەرىگى, قىرعىز ازاماتشاسىنىڭ جەكە كۋپەسىنەن تابىلعان «گەرويننىڭ» سال­ماعى 5 كيلو 920 گرامعا جەتكەن. ۇستالعان جولسەرىك ەسىرتكى سالىنعان پاكەتتى سول پويىزدا بىرگە كەلە جاتقان ايەل ازامات­شا­نىڭ ۋاقىتشا ساقتاۋعا بەرگەنىن مالىمدەگەن. قازىرگى ۋاقىتتا ەكى ايەل قاماۋعا الى­نىپ, قر قك 250, 259-باپ­تارى­مەن قىل­مىس­تىق ءىس قوزعالدى. «قۇلان» كەدەن بەكەتىنىڭ باس­تىعى تيمۋر ورالوۆتىڭ ايتۋىن­شا بۇل بيىلعى جىلى انىقتال­عان ەڭ ۇلكەن كولەمدەگى ەسىرتكى زاتى بولىپ وتىر. جالپى قىر­عىز­ستاننان قازاقستان اۋماعى ارقىلى رەسەيگە باعىت العان جو­لاۋشىلار پويىزدارىنان كوبى­نە­سە كەدەندىك رەسىمدەۋسىز حالىق تۇتىناتىن تاۋارلار مەن باسقا دا تىيىم سالىنعان زاتتار الىپ ءوتۋ فاكتىسى ءجيى بولاتىن كورىنە­دى. بىراق قىراعى كەدەنشىلەر مۇن­داي قۇقىق بۇزۋشىلىقتاردى دەر كەزىندە انىقتاپ وتىرادى. قۇدايبەرگەن رىسداۋلەت, جامبىل وبلىسى بويىنشا كەدەندىك باقىلاۋ دەپار­تا­مەنتى­نىڭ ءباسپاسوز حاتشىسى.