قوستاناي وبلىسىنا جۇمىس ساپارى بارىسىندا قر پارلامەنتى ءماجىلىسىنىڭ توراعاسى نۇرلان نىعماتۋلين وبلىستىق قان ورتالىعىندا مەديتسينا سالا قىزمەتكەرلەرىمەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
ءماجىلىس توراعاسىنىڭ ايتۋىنشا ءبىزدىڭ ەلىمىز دەنساۋلىق سالاسىندا ەشبىر ەلدەن كەم ەمەس. مىسالى, رەسپۋبليكا كولەمىندە ساپالى مەديتسينالىق قىزمەتتىڭ بىرىڭعاي ستاندارتتارى ەنگىزىلدى, الەمدىك تاجىريبەگە سايكەس مەديتسينالىق كلاستەرلەر قۇرىلدى.
كەز-كەلگەن ناۋقاستى العاشقى كۇننەن انىقتاۋعا جانە الدىن-الۋعا جول اشاتىن ۇلتتىق سكرينينگ جاساۋ دا ءبىزدىڭ مەديتسيناداعى ۇلكەن جەتىستىك.جالپى تاۋەلسىزدىك جىلدارىندا مەملەكەت ەسەبىنەن 1300-دەن استام اۋرۋحانالار مەن باسقا دا دەنساۋلىق ساقتاۋ مەكەمەلەرى سالىندى.
ن.نىعماتۋلين اتاپ وتكەندەي, وسىنىڭ بارلىعى دەنى ساۋ ۇلت قالىپتاستىرۋ جولىنداعى مەملەكەتتىك ماڭىزدى باستامالاردىڭ جەمىسى.
پرەزيدەنتىمىز ءوزىنىڭ «قازاقستان - 2050» ستراتەگياسىندا جانە «100 ناقتى قادام» ۇلت جوسپارىندا دەنساۋلىق سالاسىن دامىتۋعا قاتىستى جاڭا مىندەتتەر قويعانىن العا تارتتى.
"تىكەلەي پرەزيدەنتىمىزدىڭ تاپسىرماسىمەن ەلىمىزدە الەۋمەتتىك مەديتسينالىق ساقتاندىرۋ جۇيەسى ەنگىزىلگەنىن ەرەكشە اتاپ ءوتۋ كەرەك. بۇل ماڭىزدى باستامانى زاڭ جاعىنان قولداۋ ءۇشىن ماجىلىستە مىندەتتى الەۋمەتتىك مەديتسينالىق ساقتاندىرۋ تۋرالى زاڭ جوباسى ماقۇلدانعان بولاتىن. بۇل ەگەمەن ەلىمىز ءۇشىن وتە ماڭىزدى الەۋمەتتىك رەفورما ەكەنى ءسوزسىز", - دەدى ماجىلىس سپيكەرى. ال, جالپى ماجىلىستە وسى سەسسيادا 81 زاڭ جوباسى جۇمىسقا الىنىپ, ونىڭ 51-ءى ماقۇلداندى.
ەرەكشە اتاپ وتەتىن جاعداي, 9 زاڭ جوباسىنا دەپۋتاتتارىمىز وزدەرى باستاماشى بولدى.
ءماجىلىس توراعاسى ايماققا ساپارى بارىسىندا «قوستاناي مەلكومبيناتى» اكتسيونەرلىك قوعامىنىڭ تىنىسىمەن تانىستى.
