كەنتاۋ قالاسىنا 9 ملرد تەڭگە ءبولىندى

2017 جىلعا كەنتاۋ قالاسىنىڭ الەۋمەتتىك ەكونوميكالىق جاعدايىن ارتتىرۋ ماقساتىندا رەسپۋبليكالىق جانە وبلىستىق بيۋدجەتتەن 9 ملرد. تەڭگە ءبولىندى. بۇل تۋرالى ءوندىرىسى دامىعان شاھارعا ارنايى ىسساپارمەن بارعان وڭتۇستىك قازاقستان وبلىسىنىڭ اكىمى جانسەيىت تۇيمەباەۆ مالىمدەدى. اتالعان قارجىنىڭ 400 ملن. تەڭگەسى قالاداعى 5 قاباتتى 60 پاتەرلى 2 تۇرعىن ءۇيدىڭ قۇرىلىسىنا جۇمسالادى. 103 ملن. تەڭگەسى ءبىلىم بەرۋ سالاسىنا قاراستىرىلعان. ونىڭ 100 ملن. تەڭگەسى كەنتاۋ كوپسالالى كوللەدجىنىڭ 300 ورىندىق جاتاقحانا قۇرىلىسىن باستاۋعا ءبولىندى. 541 ملن. تەڭگە شاھاردىڭ توزىعى جەتكەن اۋىز سۋ جۇيەلەرىن قايتا قۇرۋ ماقساتىندا 2 نىساننىڭ قۇرىلىسىنا, 400 ملن. تەڭگە قارناق ەلدى مەكەندەگى سۋ قۇبىرلارىن تارتۋعا باعىتتالادى. 229 ملن. تەڭگە «بولاشاق», «باتىس», «جۇلدىز» شاعىناۋداندارىنىڭ ينجەنەرلىك ينفراقۇرىلىمىنىڭ قۇرىلىسىن اياقتاۋعا, 195 ملن. تەڭگە بەينەۋ-بوزاي گاز قۇبىرىنان كەنتاۋ قالاسىن تابيعي گاز جەتكىزۋ ماقساتىندا №14 اۆتوماتتى گاز رەتتەۋشى ستانساسىنىڭ قۇرىلىسىن اياقتاۋعا جۇمسالادى. سونىمەن قاتار, ەلدى مەكەندەردى تابيعي گازبەن قامتاماسىز ەتۋ ءۇشىن 5 نىساننىڭ جوبالاۋ-سمەتالىق قۇجاتتاماسىن ازىرلەۋگە 103 ملن. تەڭگە قاراستىرىلۋدا. ناتيجەسىندە, كەنتاۋ قالاسى مەن 7 ەلدى مەكەندەگى  89 مىڭ حالىق تابيعي گازبەن قامتاماسىز ەتىلەتىن بولادى. ءوڭىر باسشىسى الدىمەن قالاداعى №5 جىلۋ ورتالىعىندا بولىپ, قىسقى ماۋسىمداعى جىلۋ بەرۋ جۇمىستارىمەن تانىستى. جىلۋ ەنەرگياسىن ءوندىرۋ, تاسىمالداۋ جانە قوسىمشا ەلەكتروەنەرگيا وندىرۋمەن اينالىساتىن مەملەكەتتىك مەكەمە 326 كوپقاباتتى تۇرعىن ءۇي, 2010 جەكە ءۇي, 350 كوممەرتسيالىق نىسان جانە 92 بيۋدجەتتىك مەكەمەنى جىلۋمەن قامتاماسىز ەتەدى. مۇندا 397 ادام جۇمىس ىستەيدى. ج.تۇيمەباەۆ بۇدان كەيىن ەلىمىزدە ەلەكتروموتور, گەنەراتور جانە ترانسفورماتوردىڭ 400-دەن استام ءتۇرىن شىعاراتىن كەنتاۋ ترانسفورماتور زاۋىتىن ارالاپ كوردى. كاسىپورىن قازىرگى تاڭدا شىعارىپ جاتقان ءونىمىنىڭ 45 پايىزىن ورتالىق ازيا ەلدەرىنە شىعارادى. كەلەسى كەزەكتە وبلىس باسشىسى بارعان كەنتاۋ قالاسىنىڭ يندۋستريالدى ايماعىندا بۇگىندە جالپى قۇنى 1878,5 ملن. تەڭگەنى قۇرايتىن 5 جوبا جۇزەگە اسىرۋ قولعا الىنعان. 4,85 گا جەر تەلىمىنە ورنالاسقان «يۋگەلەكتروپريۆود», «ەلەكترودەتال», «بەسقاسقا» جاۋاپكەرشىلىگى شەكتەۋلى سەرىكتەستەرى مەن «ە.اۋەزوۆ», «كەنمەد» جەكە كاسىپكەرلىكتەرىندە 125 جاڭا جۇمىس ورنىن اشۋ جوسپارلانۋدا. سونىمەن قاتار وبلىس اكىمى جاستارعا قىزمەت كورسەتۋ ورتالىعى ورتالىعىندا بولىپ, قالالىق «جاستار رەسۋرستىق ورتالىعى» كوممۋنالدىق مەملەكەتتىك مەكەمەسى جۇمىستارىمەن تانىستى.  مۇندا «جايدارمان» كۆن ليگاسىمەن بىرگە بي, شاحمات, توعىزقۇمالاق, ۇستەل تەننيسى ۇيىرمەلەرى, «وقى» كىشى كىتاپحاناسى جۇمىس ىستەيدى. ورتالىقتا جاستارعا پسيحولوگيالىق جانە قۇقىقتىق كەڭەس بەرەتىن پسيحولوگتار مەن زاڭگەر كەڭەسشىلەر دە بار.