استانانىڭ ەكى كوشەسىنە بىرجاقتى قوزعالىس ەنگىزىلەدى

استانا اكىمدىگىندە 2017 جىلدىڭ كولىك كەشەنىن دامىتۋ باعدارلاماسى تانىستىرىلدى. كەزدەسۋ بارىسىندا "استانا LRT" جشس ديرەكتورى رۋستام حاليلوۆ قالاداعى ابىلايحان جانە ش.قۇدايبەردى ۇلى داڭعىلدارىنا بىرنەشە ايدىڭ ىشىندە بىرجاقتى قوزعالىس ەنگىزىلەتىنىن ايتتى. رۋستام حاليلوۆتىڭ ايتۋىنشا, بۇل ەلوردا كوشەلەرىندەگى قوزعالىستى جەڭىلدەتۋگە مۇمكىندىك بەرەدى. "جولداردا بىرجاقتى قوزعالىستى ەنگىزۋ جۇيەسىن دامىتۋ قاراستىرىلىپ جاتىر. باستى ايتاتىن جايت - بارلىق اۆتوكولىك يەلەرى بۇل ترافيكتى ارتتىرادى دەپ ويلايدى. بىراق ول كەشەندى جۇمىس. ەگەر جولدا 4 جولاق بولسا, ونىڭ ەكەۋى  BusLane, ياعني اۆتوبۋستارعا ارنالسا, كولىكتەر ءۇشىن تەك ەكەۋى عانا قالادى. بۇل جاعدايدا ءبىز ءبىر باعىتتا ءۇش جولاق بولادى دەپ قاراستىرىپ جاتىرمىز. بىرەۋى - قارسى باعىتتاعى قوعامدىق كولىكتەرگە ارنالادى. ال قارسى قوزعالىس بولماسا, كەدەرگى از بولاتىنى ماتەماتيكالىق تۇرعىدا دالەلدەنگەن. سول ارقىلى ءبىز جول قوزعالىسىن ءتيىمدى ەتەمىز", دەدى رۋستام حاليلوۆ ەستەرىڭىزگە سالا كەتسەك, استانادا 28 مامىردا اۋەزوۆ (رەسپۋبليكا داڭعىلىنان مولداعۇلوۆا كوشەسىنە دەيىن) جانە جەلتوقسان كوشەلەرىندە (ماسكەۋ كوشەسىنەن كەنەسارى كوشەسىنە دەيىن) بىرجاقتى قوزعالىس ەنگىزىلگەن بولاتىن. ەكىنشى كەزەڭ 10 ماۋسىمدا جۇزەگە اسىرىلىپ, يانۋشكەۆيچ پەن كەنەسارى كوشەلەرى بىرجاقتى قوزعالىسقا ءوتتى.