حابارلاماداعى جالعان مالىمەتتەر ءۇشىن ايىپپۇل تولەيدى

جارناماداعى جالعان اقپاراتتار ءۇشىن اتىراۋداعى ەكى كاسىپكەرگە اكىمشىلىك ءىس قوزعالدى, دەپ حابارلايدى krisha.kz. جارنامادا كاسىپكەرلەر “ەليتالى” دەگەن ءسوزدى قولدانعانىمەن, نىساننىڭ ءوزى بۇل تالاپقا ساي كەلمەيتىن بولىپ شىققان. قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ جەرگىلىكتى بولىمشەسىنىڭ اقپاراتىنا ساي, “رامزەس” جانە “اينۇر” كومپانيالارىنىڭ باسشىلارىنا قاتىستى ءىس قوزعالدى. ولاردىڭ ارەكەتى قر كاسىپكەرلىك كودەكسىنىڭ نورماسىن بۇزعان بولىپ ەسەپتەلىپ, سونىڭ ىشىندە 177 باپتىڭ 1 بولىمىندە ايتىلعانداي, ادىلەتسىز تۇردە ارتىقشىلىق بەرەتىن بارلىق ارەكەتتەر ءادىل ەمەس باسەكەلەستىك بولىپ ەسەپتەلەدى. سونىمەن قاتار, 177 باپتىڭ 2 ءبولىمى 5 تارماعىنداعى جارناماداعى جالعان اقپارات ادىلەتسىز باسەكەلەستىك بولىپ سانالادى. وسىنداي زاڭسىزدىققا بارعان شاعىن, ورتا جانە ءىرى كاسىپكەرلەرگە 200, 300 جانە 1500 اەك كولەمىندە ايىپپۇل سالىنادى. ال ەكىنشى رەت قايتالانعان جاعدايدا ايىپپۇل كولەمى 300, 400 جانە 2000 اەك بولىپ كوبەيەدى. ەستەرىڭىزگە سالا كەتەيىك, وتكەن جىلدان باستاپ قۇرىلىس كومپانيالارىنا “ەكونوم”, “كومفورت”, “بيزنەس” جانە “ەليت” انىقتامالارىن بەيرەسمي قولدانۋعا تىيىم سالىنعان. جارنامادا تەك جايلىلىقتىڭ رەسمي ساناتتارى رەتىندە “I”, “II”, “III” جانە “IV” دەپ قولدانۋعا بولادى.