الماتىدا ۋنيۆەرسيادا كەزىندە ەتنو-فەستيۆال وتەدى

الماتىداعى «الاتاۋ» تەاترىندا «الاتاۋ الابىندا» ەتنو-فەستيۆالى اشىلادى, دەپ حابارلادى قالا اكىمدىگىنىڭ ءباسپاسوز قىزمەتى. الماتى قالالىق اكىمدىگى قىسقى ۋنيۆەرسيادا قارساڭىندا بولاتىن مادەني شارالاردىڭ ءتىزىمىن بەكىتتى. 29 قاڭتار - 8 اقپان ارالىعىندا قالاداعى بارلىق مادەني ورىنداردا شارالار وتكىزىلەدى. الاتاۋ تەاترىندا «جەر جانناتى  جەتىسۋ», «ءىنجۋ-مارجان», «اعاجاي, التايداي جەرقايدا...» ۇلتتىق مۋزىكالىق كونتسەرت وتەدى. قازاق مەملەكەتتىك تسيركىندە دە سپورت تاقىرىبىنداعى قويىلىمدار حالىقارالىق سپورتتىق شارا بىتكەنشە جالعاسادى. اباي اتىنداعى وپەرا جانە بالەت تەاترى مەن لەرمونتوۆ اتىنداعى ورىس دراما تەاترىندا الەمگە بەلگىلى ونەر تۋىندىلارىنىڭ كونتسەرتى وتەدى. سونداي-اق, كىتاپحانالار مەن مۇراجايلاردا ۆيرتۋالدى سلايد-ساياحاتتار, سپورت جۇلدىزدارىمەن كەزدەسۋ وتەدى. سونداي-اق, 4 كەزەڭنەن تۇراتىن «بالالار الەمدى بىرىكتىرەدى», «سپورت الەمدى بىرىكتىرەدى», «شىعارماشىلىق الەمدى بىرىكتىرەدى», «ۋنيۆەرسيادا ساتتەرى» شەبەرلىك سىنىپتارى مەن كورمەلەر حالىق ارەناسى, الماتى ارەناسى, بالۋان شولاق اتىنداعى سپورت سارايى, رەسپۋبليكا سارايى ماڭىنداعى الاڭ ت.ب.سپورت نىساندارىندا ۇيىمداستىرىلادى. جامبىل اتىنداعى قازاق مەملەكەتتىك فيلارمونياسىندا ورگان مۋزىكاسى مەن ۇرمەلى اسپاپتار مۋزىكاسى قالىقتايتىن بولادى.