سىر ەلىندە 175 جاڭا جۇمىس ورنى اشىلدى

«دامۋ-ايماقتار» شاعىن جانە ورتا كاسىپكەرلىك سۋبەكتىلەرىن ايماقتىق قارجىلاندىرۋ باعدارلاماسى اياسىندا وتكەن جىلى 32 قىزىلوردالىق كاسىپكەردىڭ جوبالارى جۇزەگە استى. باعدارلامانىڭ ءساتتى جۇمىس جاساۋى ناتيجەسىندە 175 جاڭا جۇمىس ورىندارى اشىلدى, دەپ حابارلايدى «دامۋ» قورىنىڭ ءباسپاسوز قىزمەتى. وتكەن جىلى قىزىلوردا وبلىسىنىڭ اكىمدىگى مەن «دامۋ» قورى بىرلەسىپ, «دامۋ-ايماقتار» باعدارلاماسىنىڭ جۇزەگە اسۋى ءۇشىن 1,5 ملرد تەڭگە قاراجات ءبولىپ, ناتيجەسىندە ايماقتىڭ كاسىپكەرلەرى 8,5 پايىز ۇستەمەمەن 180 ملن تەڭگەگە دەيىنگى نەسيە قاراجاتىن «قازاقستان حالىق بانكى» اق, «بانك تسەنتركرەديت» اق جانە «قازكوممەرتسبانك» اق سەكىلدى ەكىنشى دەڭگەيلى بانكتەردەن الۋعا بولاتىن بىرەگەي مۇمكىندىككە يە بولدى. «دامۋ-ايماقتار» باعدارلاماسىنىڭ تيىمدىلىگىن پايدالانعان كاسىپكەرلەردىڭ ءبىرى «سپورتماستەر سب» جشس كومپانياسىنىڭ ديرەكتورى باۋىرجان ماحمۋتوۆ. ول «بانك تسەنتركرەديت» اق 8,5 پايىز ۇستەمەمەن 20 ملن تەڭگە كولەمدە العان نەسيە قاراجاتىن «اراي» مولتەك اۋدانىندا سپورتتىق كەشەن اشۋعا جۇمسادى. جاس ستارت-اپپەر نەسيە قاراجاتىنا قول جەتكىزۋ ماقساتىندا «دامۋ» قورىنىڭ بولشەك كەپىلدەندىرۋ باعدارلاماسىن دا پايدالاندى. ايتا كەتەيىك, وبلىس اكىمدىگى مەن قور اراسىندا 2017 جىلى ىنتىماقتاستىقتى جالعاستىرۋ تۋرالى مەموراندۋمعا قول قويىلعان بولاتىن. بيىلعى جىلى دا «دامۋ-ايماقتار» باعدارلاماسى اياسىندا كاسىپكەرلەر ءۇشىن 180 ملن تەڭگەگە دەيىن جەڭىلدەتىلگەن نەسيە قولجەتىمدى بولدى. نەگىزگى قۇرالدارى قايتا جاڭعىرتۋ ماقساتىنداعى نەسيەنى 60 ايعا دەيىن بەرىلسە, ال اينالىم قاراجاتىن تولتىرۋعا 36 ايعا دەيىن مەرزىمگە نەسيە الۋ مۇمكىندىگى قاراستىرىلعان. نەسيەنى كەپىلدەندىرۋ مولشەرى جەتىسپەگەن جاعدايدا كاسىپكەرلەر «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىنداعى بولشەك كەپىلدەندىرۋ قۇرالىن پايدالانا الادى. كەپىلدەندىرۋ مولشەرى ارەكەت ەتۋشى كاسىپكەرلەر ءۇشىن – 50 پايىز, ال باستاۋىش كاسىپكەرلەرگە - نەسيە سوماسىنىڭ 85 پايىز دەيىن قاراستىرىلعان.