ۇتىمدى ۇسىنىس, جۇيەلى جۇمىس

شيرەك عاسىر ىشىندە قا­­زاقستان تولايىم تابىس­تارعا قول جەتكىزدى. ەجەلگى ەرتەگىلەردەگى باتىر-با­ھا­دۇرلەردەي ءسات سايىن ءوسىپ, جەتىلىپ, الەۋمەتتىڭ الەۋەتىن جاقسارتىپ, ەكونوميكاسىن تۇزەپ, الەمدىك ارەناداعى ءوز ورنىن ويىپ تۇرىپ الدى. جەر-جاھاننىڭ كوشباسشى مەملەكەتتەرى ساناساتىن, اسا كۇردەلى ساياسي ماسەلەلەردە ءبىز­دىڭ پىكىرگە قۇلاق تۇرەتىن جاعدايعا قول جەتكىزدى. ەكى ەلدىڭ اراسىنداعى شيەلەنىستى كەزەڭدەردە قازاقستان ارااعايىندىققا ءتۇسىپ, جەر بەتىندەگى ىنتىماق پەن بەيبىتشىلىكتىڭ ساقتالۋىنا, تۇراقتىلىقتىڭ قالىپتى جاعدايدا دامۋىنا وزىندىك ۇلەسىن قوسىپ كەلەدى. ارىگە بارماي-اق, كە­شە­گى رەسەي مەن تۇركيا اراسىنداعى تۇسىنىسپەۋشىلىك كەزىندەگى ەلباسى نۇرسۇلتان نازارباەۆتىڭ ەرەكشە ءرول اتقارعانىن العا تارتساق, ارتىقتىق ەتپەيتىن شىعار. ەلدەگى ىنتىماق پەن بىرلىك, تۇ­راقتى دامۋ مەن تىندىرىمدى تىرلىك, الەمدىك دەڭگەيدەگى تىڭ باس­تامالارى ەسكەرىلىپ, قازاقستان 2017-2018 جىل­دارى بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ قابىلداندى. وسى رەتتە ەلباسى قاۋىپسىزدىك كەڭەسىنە ءوزى­نىڭ ساياسي ۇندەۋىن جولدادى. تاريحي قۇجاتتا قاداۋ-قاداۋ ماسەلەلەر كوتەرىلگەن. اسىرەسە, قاۋىپسىز, ءادىل جانە وركەندەگەن الەم قۇرۋ ءۇشىن جا­ھاندىق ارىپتەستىكتى نىعايتۋعا با­سىمدىق بەرىلۋ كەرەكتىگى ناقتى اي­تىل­عان. جەتى ۇسىنىستان تۇراتىن قۇجاتتا الەمدەگى يادرولىق احۋالدىڭ دا جاي-جاپسارى قوزعالعان. ءبىزدىڭ ەل يادرولىق قارۋدان باس تارتقان جەر بەتىندەگى تۇڭعىش ەل ەكەنىن جۇرتتىڭ ءبارى بىلەدى. سوندىقتان بۇل تاراپتاعى ۇسى­نىستا «قازاقستان رەسپۋبليكاسى كورەي تۇبەگىندەگى يادرولىق قارۋ پروب­لەماسى بويىنشا كوپجاقتى كەلىس­سوزدەر پروتسەسىن كىدىرتپەي قايتا باستاۋعا شاقىرا وتىرىپ, ونى شۇ­عىل جانە سىندارلى تۇردە شەشۋدى باستى ماقساتتاردىڭ ءبىرى رەتىندە قارايدى. زادىندا, قازاقستان بۇۇ-نىڭ بارلىق مۇشە مەملەكەتتەرىن, اسىرە­سە, قاۋىپسىزدىك كەڭەسىنىڭ تۇراقتى مۇشەلەرىن, 2045 جىلى بۇۇ-نىڭ 100 جىل­دىعى قارساڭىندا الەمدى يادرولىق قارۋدان قۇتقارۋعا شاقىرادى» دەلىنگەن. جەر شارىنداعى بارشا حالىققا ورتاق بۇل پروبلەمادا وزگەلەر قازاق­ستان باستاماسىن قولدايدى دەگەن ويدامىز. قازاقستان – بۇۇ قاۋىپسىزدىك كە­ڭە­سىنىڭ مۇشەسى بولىپ سايلانعان ور­تالىق ازياداعى العاشقى مەملەكەت. وسىنىڭ وزىنەن-اق ەلىمىزدىڭ دۇرىس باعىتتا دامىپ كەلە جاتقانىن اڭعارۋعا بولاتىن شىعار. «ءبىز ءوزىمىزدىڭ كەڭەستەگى توراعالىعىمىز كەزىندە اۋعانستانداعى جاعداي جانە ورتالىق ازياداعى بەيبىتشىلىك, قاۋىپسىزدىك پەن دامۋدى نىعايتۋ شارالارى بويىنشا اۋقىمدى, تەڭدەستىرىلگەن, مازمۇندى جانە ناتيجەلى تالقىلاۋ ۇيىم­داس­تىرۋعا, سونداي-اق, قورىتىندىسى بويىنشا ارنايى قۇجات قابىلداۋعا باستاماشىلىق جاساۋعا نيەتتىمىز. ءبىز اۋعانستاننىڭ بەيبىت ومىرگە جەدەل ورالۋى ءۇشىن بۇل ەلدىڭ ەكونوميكالىق جانە الەۋمەتتىك دامۋىنا جان-جاقتى جاردەم كورسەتۋ, بەيبىتشىلىك پەن قاۋىپسىزدىك قاتەرىنە قارسى تۇرۋدى جانە ەلدىڭ الەۋەتىن نىعايتۋدى جاق­تايمىز. ءبىز اۋعانستان-تاليبان ءجو­نىن­دەگى 1988 كوميتەتىنىڭ توراعاسى رەتىن­دە ماقساتتى جۇمىس اتقارۋعا دايىن­بىز», دەيدى ەلباسى ءوز ۇندەۋىندە. مىنە, مەملەكەت باسشىسى جالعىز قازاق حالقىنىڭ, قازاقستاننىڭ عانا ەمەس, بارشا الەمنىڭ جاي-كۇيىن جاقسارتۋعا, ىنتىماق پەن ءبىر­لىكتىڭ سالتانات قۇرۋىنا مۇددەلى. سو­نىمەن قاتار, بۇل تاراپتا ناقتى ۇسى­نىس­تارىن جاساپ, جۇمىس جۇيەسىن قۇ­رىپ وتىر. لايىم, وسى نيەت ورىندالسىن دەپ تىلەيىك. اسكەربەك راحىمبەك ۇلى, قىزىلوردا قالاسىنىڭ قۇرمەتتى ازاماتى