كونە قالا ۇستىندەگى ۇيلەر بۇزىلا ما؟

شىمكەنتتىڭ ورتاسىندا ەسكى قورعان بار. قازبا جۇمىستارىن باستاعان ارحەولوگتار شىمقالانىڭ تاريحى ەكى مىڭجىلدىقتا جاتقاندىعىن ايتىپ, جۇرتتىڭ قۇلاعىن ءبىر كوتەرىپ تاستادى. جەل ءسوز ەمەس, تابىلعان كونە جادىگەرلەردىڭ سيپاتىنا, قولدانىلعان ۋاقىتتارىنا عىلىمي ساراپتاما جاساپ, وسىنداي قورىتىندىعا كەلگەن. كونە قالا اينالاسى قۇرىلىس ماتەريالدارى سياقتى ونىمدەردى ساتۋعا اينالعان بازار بولعالى قاشان. ەگدەلەر بولماسا, كەيىنگىلەر ۋاقىتىن بىلە بەرمەيدى. بازار ءبىر بولەك, قالا ورتاسىن­داعى بيىك توبە قىزىقتىرعان بىرەۋ­لەر ساۋدا ورىندارى مەن ءۇي سالۋ ءۇشىن دە جەر تەلىمدەرىن ال­عان. ىق­پال­­دىلارى اكىمدىككە ءبيلى­گىن وتكى­زىپ ءجۇرىپ, جەرلەرىن زاڭداس­تى­رىپ ۇلگەرىپتى. قالاعا كوشىپ كەل­گەنى­مەن, ءۇي-كۇيى جوق قولى قىس­قالار ءار ساڭلاۋدان لاشىق تۇرعى­زىپ العان ەدى. ارحەولوگتار دابىل كوتەرگەنگە دەيىن ەجەلگى قالا ورنىنا قىرىقشاقتى ءۇي ءتۇسىپ قويىپتى. قالا اكىمدىگى بۇل ۇيلەردىڭ جاقىن ارادا سۇرىلەتىنىن ايتقالى, وسىنداعى جۇرتتىڭ مازاسى كەتتى. تىرشىلىكتىڭ تاۋقىمەتىن كوپبالالى انالار مەن زەينەتكەرلەر كورەيىن دەپ تۇر. ويتكەنى, قۇجاتتارىن رەسىمدەپ العاندار بولماسا, قالعانى تۇكسىز قالۋى مۇمكىن. تۇرعىندارمەن سويلەس­تىك. كونە قالا ۇستىنە ءۇي سالۋدىڭ قي­سىن­سىزدىعىن وزدەرى دە بىلەدى. بىراق, امالدارى بولماعان. ازىرگە, توعىز ءۇي سۇرىلەدى دەپ كۇتىلۋدە. الاي­دا, با­رار جەر, باسار تاۋى جوق قولى قىس­­قا وت­با­­سى­­لار قىستىڭ كوزى قىراۋ­دا با­لا-ش­اعا­سىن شۇبىرتىپ قايدا بارماق؟! قالا اكىمدىگى ولاردىڭ جاعدايى­نا تۇسىنىستىكپەن قاراپ وتىر. «بۇل ماسەلە شەشىمىن تاپقانشا باسپانانى ءسۇرۋ نەمەسە ءماجبۇرلى تۇردە كوشىرۋ جۇرگىزىلمەيدى. جۇرت دالادا قالمايدى. ءبىز الەۋمەتتىك تۇراقسىز­دىقتى بولدىرماۋعا تىرىسامىز», – دەيدى شىمكەنت قالا­لىق جەر قاتىناستارى ءبولى­مى باسشىسىنىڭ ورىنباسارى ناري­مان قاسىمبەكوۆ. بولاشاقتا ەجەلگى قالا ورنىن­داعى 42 ءۇي بۇزىلادى. ماسەلە, مۇنى­­­مەن بىتپەك ەمەس. وبلىس اكىمى جان­سەيىت تۇيمەباەۆ ارحەولوگيالىق قازبا جۇرەتىن قالا ەتەگىندەگى بازار يەلەرىمەن سويلەسىپ, قۇرىلىس ورنىن باسقا جاققا كوشىرۋدى ۇسىنعان. كوپشىلىگى قولداۋ ءبىلدىرىپتى. ونداي جاعدايدا ەكى مىڭجىلدىق تاريحى بار ەجەلگى قالا تۋريستەر ورتالى­عى­نا اينالادى. باقتيار تايجان, «ەگەمەن قازاقستان»  وڭتۇستىك قازاقستان وبلىسى