گولوۆكين مۇسىنگە اينالدى

ول كاسىبي ءمۇسىنشى ەمەس. بىراق ساز بالشىقتان ءمۇسىن جاساۋ قايسار­دىڭ بالا كۇننەن سۇيىكتى ءىسى. جا­قىن­­دا عانا ول بەلگىلى كاسىپقوي بوكس­­شى, ورتا سالماقتاعى الەم چەم­­پيو­نى گەننادي گولوۆكيننىڭ ءمۇسى­­ءنىن جاسادى. الدىمەن ونى ساز بال­­شىق­تان ويىپ, ونان كەيىن پلاست­­ماس­سا­دان قۇيعان. ءمۇسىننىڭ كۇمىس جانە التىن تۇستەس بوياۋ­ل­ار­مەن بويالعان ەكى ءتۇرىن دايىندادى. – ءمۇسىن ستولدىڭ ۇستىنە قويۋعا, كادە­سىي رەتىندە جاسالدى. ونىڭ بيىكتىگى 17 سان­تيمەتر, سالماعى 600 گرامم. ءۇل­كەي­تۋ­گە دە بولادى, – دەيدى قايسار نۇعىمانوۆ. كىشكەنتاي عانا مۇسىننەن بىلەگى­نىڭ بۇلشىق ەتى ويناپ, جەڭىسىنە, جان­كۇيەر­لەردىڭ سەنىمىن اقتاعانىنا مارقايعان گەنانىڭ ءجۇزىن كورەمىز. – گولوۆكين اسقان تالانتتى سپورت­شى. ول جاستارعا, ونىڭ ىشىندە قازاق جاس­تارىنا كەرەمەت ۇلگى. گەنا ءوزىن تەك قازاق­­ستان­دىقپەن دەپ قانا قويمايدى, قازاق­پىن دەيدى. سۇحبات بەرگەندە ارا­سىندا قازاق ءسوزىن قوسىپ قويادى, بۇل ونىڭ ەلىنە دەگەن قۇرمەتى, – دەيدى قايسار. بۇل ءمۇسىنشى جىگىتتىڭ ءبىرىنشى جۇمىسى ەمەس. ول بۇعان دەيىن ءال-ءفارابيدىڭ, مۋام­مار كاددافيدىڭ, بەندجامين فرانك­لين­نىڭ جانە تاعى باسقالاردىڭ ءمۇسىنىن ويدى. قايسار قازىر قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ءمۇسىنىن جاساۋعا كىرىسىپتى. ول الداعى ۋاقىتتا قازاق حالقىنىڭ قايراتكەر, كەمەڭ­گەر پەرزەنتتەرى مۇسىندەرىنىڭ جيىن­تىعىن جاساۋدى ماقسات تۇتىپ وتىر. – حالقىمىزدىڭ تاماشا تۇلعالارى كوپ, ولاردى ەلباسىنان باستادىم. ولار­دىڭ اراسىندا رەيحستاگقا تۋ تىككەن راقىم­جان قوشقارباەۆتىڭ ءمۇسىنى مىندەتتى تۇردە بولادى. ول مۇسىندەردى مەكتەپتەرگە تاراتۋدى دا ارماندايمىن. مىسالى, ەكىنشى دۇنيەجۇزىلىك سوعىستا رەيحستاگقا تۇڭعىش تۋ تىككەن قازاق ەكەنىن الەم ءبىلۋى كەرەك, – دەپ تولعانادى قايسار.  ءنازيرا جارىمبەتوۆا, «ەگەمەن قازاقستان» قوستاناي